அழுக்கு பெண்ணை வர்ணிக்கும் வைரமுத்து !

'தென்மேற்கு பருவக்காற்று' படத்திற்காக எழுதிய 'கள்ளிக்காட்டில் பிறந்த தாயே என்னை கல் உடைச்சு வளத்த நீயே' என்ற பாடலுக்காக 6வது முறையாக தேசிய விருதை வென்று இருக்கிறார் வைரமுத்து.

இந்நிலையில் 'சேவற்கொடி' படத்திற்காக அனைத்து பாடல்களையும் எழுதி இருக்கிறார் வைரமுத்து. சத்யா என்பவர் இப்படத்தின் மூலம் இசையமைப்பாளராக அறிமுகம் ஆகிறார்.

இதுவரை அழகான பெண்களை மட்டுமே வர்ணித்து எழுதி வந்த வைரமுத்து முதன் முறையாக அழுக்காக ஒரு பெண்ணை வர்ணித்து ஒரு பாடலை இப்படத்திற்காக எழுதி இருக்கிறார்.

அப்பாடல்

கம்பி மாத்தாப்பு கண்ணு கண்ணு
வண்ண மாத்தாப்பு பொண்ணு பொண்ணு
தூரத்தில் பார்த்தா காதல் வராது
பக்கத்துலே பார்த்தா காமம் வராது
மானும் இல்ல மயிலும் இல்ல தூணும் இல்ல குயிலும் இல்ல
இருந்தும் மனசு விழுந்து போச்சுதோ

அவ மூக்கு மேலே வியர்வை ஆகணும்
இல்ல நாக்கு மேலே வார்த்தை ஆகணும்
அவ மாத்தி உடுத்தும் ஆடை ஆகணும்
இல்ல போத்தி படுக்கும் போர்வை ஆகணும்

அழுக்கு துணியை உடுத்தி அவ தடுக்கி நடக்கும் போதும்
சுளுக்கு பிடிச்ச மனது அட சொக்குது சொக்குதுடா
சுத்தமான தெருவில் அவ துப்பி செல்லும் போதும்
எச்சில் விழுந்த இடத்தில் மனது நிக்குது நிக்குதுடா

அவ தூங்கி எழுந்தா பிள்ளை அழகு
அவ சோம்பல் முறிச்சா கொள்ளை அழகு
அவ சொல்லுக்கு அடங்கா முடியும்
சூடிக்க சங்கிய மலரும்
என்னை இழுக்கும் கண்ணை மயக்கும்
தெத்துப்பல்லு கண்டு பித்து பிடிக்கும்

விளக்குமாறு பிடிச்சு அவ வீதி பெருக்கும் போது
வளவு நெளிவு பாத்து மனம் வழுக்க பாக்குதுடா
குளிச்சு முடிச்சு வெளியில் அவ கூந்தல் துவட்டும் போது
தெளிச்சு விழுந்த துளியில் மனம் தெறிச்சு போகுதுடா

சினிமா விகடன்