இணைத்து வைத்த சூர்யா

மீனு · மீனு Thu Sep 10, 2009 10:40 pm

ஒரு பிரஸ்மீட்டில் சூர்யாவிடம், கவுதம் மேனனும் ஹாரிஸ் ஜெயராஜும் பிரிந்துவிட்டார்களே? நீங்கள் சமாதானப்படுத்தக் கூடாதா என்ற கேள்வியைக் கேட்டார் ஒரு நிருபர். அவர் வாயில் சர்க்கரையைத்தான் போட வேண்டும்.

இருவரையும் தனது வீட்டு விருந்துக்கு அழைத்தாராம் சூர்யா. ஆனால் ஒருவர் வருவது மற்றவருக்குத் தெரியாது. திடீரென்று அங்கே சந்தித்துக்கொண்டவர்கள் அமைதியாக அவரவர் பேச்சைத் தொடர, இருவரையும் கைகுலுக்க வைத்து பிரச்சினையை முடித்து வைத்தாராம் சூர்யா.

விருந்து முடிந்து கிளம்பும்போது இருவரும் முன்பு போல சகஜமான நண்பர்கள் ஆகியிருந்தார்கள். விரைவில் கவுதம் மேனன் இயக்கத்தில் ஹாரிஸ் ஜெயராஜ் இசையமைக்கலாம். அப்படி நிகழ்ந்தால் இசை ரசிகர்கள் தனது நன்றியை சூர்யாவுக்குத் தெரிவிக்கலாம்.

*