சப் இன்ஸ்பெக்டரிடம் 24 பவுன் நகை திருட்டு

kitcha · kitcha Tue Jun 07, 2011 10:15 am

திருமண மண்டபத்தில், போலீஸ் சப் இன்ஸ்பெக்டர் வைத்திருந்த சூட்கேசை உடைத்து 24 பவுன் நகை, ரூ.3 லட்சம் ஆகியவற்றை மர்ம மனிதர்கள் திருடிச்சென்றனர்.

சென்னை தாம்பரத்தை அடுத்த கூடுவாஞ்சேரியை சேர்ந்தவர் அருண்குமார் (வயது 47). இவர் வண்டலூரை அடுத்த ஊனமாஞ்சேரியில் உள்ள காவலர் பயிற்சி கல்லூரியில் சப் இன்ஸ்பெக்டராக வேலை செய்து வருகிறார். இவருடைய அண்ணன் மகனான யுவராஜபுக்கும், அக்காள் மகளான பிரேமலதாவுக்கும் பூந்தமல்லி சுந்தர் நகரில் உள்ள தனியார் மண்டபத்தில் திருமணம் செய்ய முடிவு செய்யப்பட்டது.

கடந்த 05.06.2011 அன்று மணமக்கள் வரவேற்பு நிகழ்ச்சி நடைபெற்றது. வரவேற்பு நிகழ்ச்சி முடிந்த பிறகு அருண்குமார் மற்றும் அவருடைய மனைவி அணிந்திருந்த 24 பவுன் நகைகள் மற்றும் திருமண செலவுக்காக வைத்திருந்த ரூ.3 லட்சம் ஆகியவற்றை மணமகன் அறையில் இருந்த தனது சூட்கேசில் வைத்து பூட்டி விட்டு சென்றார்.

பிறகு 06.06.2011 அன்று காலை திருமணம் முடிந்த பிறகு, மணமக்களுக்கு பரிசாக தருவதற்கு வைத்திருந்த மோதிரத்தை எடுப்பதற்காக அருண்குமார் அறைக்கு சென்றார். அப்போது சூட்கேசின் பூட்டு உடைக்கப்பட்டு அதில் இருந்த 24 பவுன் நகை, ரூ.3 லட்சம் மற்றும் அறையில் இருந்த வெள்ளி பொருட்களை மர்ம ஆசாமிகள் திருடி சென்றது தெரியவந்தது.

இதுகுறித்து பூந்தமல்லி போலீசில் புகார் செய்யப்பட்டது. இதன்பேரில் இன்ஸ்பெக்டர் ஆதிமூலம் வழக்குப்பதிவு செய்து விசாரித்து வருகிறார். உறவினர்கள் போல மர்ம ஆசாமிகள் மணமகன் அறைக்கு சென்று நகை பணத்தை கொள்ளையடித்து சென்று இருக்கலாம் என்று போலீசார் கருதுகிறார்கள்.

நக்கீரன்

ரபீக் · ரபீக் Tue Jun 07, 2011 10:18 am

அவருக்கும் பாதுகாப்பு போட்டு இருக்கணும்

jeylakesengg · jeylakesengg Tue Jun 07, 2011 10:30 am

அட பாவமே அம்புலன்சு கே விபத்தா !!!!!!!!!!!!!!!!!!!!

என்ன கொடுமை சார் இது

மகா பிரபு · மகா பிரபு Tue Jun 07, 2011 10:32 am

ஆந்திரா விற்கு ஓடின திருடர்களெல்லாம், திரும்பி வந்துடாங்களோ!

**krishnaamma** · **krishnaamma** Tue Jun 07, 2011 1:09 pm

அடப்பாவமே! சப் இன்ஸ்பெக்டர் இடமே தன் கைவரிசையை கட்டிட்டானே புன்னகை

Sponsored content · Sponsored content

சப் இன்ஸ்பெக்டரிடம் 24 பவுன் நகை திருட்டு

சப் இன்ஸ்பெக்டரிடம் 24 பவுன் நகை திருட்டு

Re: சப் இன்ஸ்பெக்டரிடம் 24 பவுன் நகை திருட்டு

Re: சப் இன்ஸ்பெக்டரிடம் 24 பவுன் நகை திருட்டு

Re: சப் இன்ஸ்பெக்டரிடம் 24 பவுன் நகை திருட்டு

Re: சப் இன்ஸ்பெக்டரிடம் 24 பவுன் நகை திருட்டு

Re: சப் இன்ஸ்பெக்டரிடம் 24 பவுன் நகை திருட்டு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக