உலக மசாலா: ரியல் ஹீரோவுக்கு சல்யூட்!

**ayyasamy ram** · **ayyasamy ram** Fri Sep 22, 2017 5:08 am

–
இர்மா சூறாவளியால் ஏராளமான மக்கள் பாதிக்கப்பட்டு,
துன்பங்களை அனுபவித்து வருகிறார்கள். அவர்களில்
அமெரிக்காவின் புளோரிடா மாகாணம், மாரத்தான்
பகுதியைச் சேர்ந்த ஜுலியோ மெலெண்டஸும் ஒருவர்.

சூறாவளியால் வீடு உட்பட அனைத்தையும் இழந்துவிட்டார்.
தற்போது தன்னுடைய ட்ரக்கில்தான் வசித்து வருகிறார்.
ஆனாலும் பிறருக்கு உதவுவதில் மும்முரமாக இருக்கிறார்.
சூறாவளியால் பாதிக்கப்பட்டவர்களுக்குத் தண்ணீர், உணவுப்
பொருட்கள், போர்வை என்று தனக்குக் கிடைப்பதைக்
கொடுத்துவிடுகிறார்.

ஜுலியோவைக் கவனித்து வந்த லேன் லோஸோனோ, காற்றுப்
படுக்கை ஒன்றை அளித்தார். உடனே ஜுலியோ, “இந்த
உதவிக்கு மிக்க நன்றி. ஆனால் என்னைவிட மிக மோசமாகப்
பாதிக்கப்பட்டவர்களுக்கு இதை அளித்துவிடுவேன்.
உதவி வேண்டி ஏராளமான மக்கள் காத்திருக்கிறார்கள்” என்று
சொல்லும்போதே அழுதுவிட்டார்.

லோஸோனோவை இந்தச் சம்பவம் உலுக்கிவிட்டது.
ஆறுதல் கூறி அனுப்பி வைத்தார். “நாங்கள் இரண்டு நாட்கள்
அந்தப் பகுதி யில் மீட்பு நடவடிக்கைகளில் ஈடுபட்டிருந்தோம்.
அடிக்கடி ஜுலியோவை பார்க்கும் வாய்ப்பு கிடைத்தது.
தன்னிடம் எதுவுமே இல்லாதபோதும், தனக்குக் கிடைக்கும்
பொருட்களைப் பிறருக்குக் கொடுப்பதற்கு எவ்வளவு பெரிய
மனம் வேண்டும்.

இந்த நல்ல உள்ளத்துக்கு ஏதாவது செய்ய வேண்டும் என்று
முடிவெடுத்தேன். அதனால் எங்கள் சந்திப்பு வீடியோவுடன்,
இந்த ஹீரோவுக்கு ஒரு வேலையும் வீடும் கொடுத்து உதவ
வேண்டும் என்று கேட்டுக்கொண்டேன்.

இதுவரை 50 லட்சம் தடவை இந்த வீடியோ பார்க்கப்பட்டிருக்கிறது
. 3 ஆயிரம் பேர் தங்கள் கருத்துகளைப் பகிர்ந்திருக்கிறார்கள்.
இந்த ஸ்பெயின் நாட்டைச் சேர்ந்தவருக்கு ஏராளமானவர்கள்
உதவுவதற்கு முன்வந்திருக்கிறார்கள்” என்கிறார்
வேன் லோஸோனோ.

ரியல் ஹீரோவுக்கு சல்யூட்!
–
————————-
தி இந்து

உலக மசாலா: ரியல் ஹீரோவுக்கு சல்யூட்!

உலக மசாலா: ரியல் ஹீரோவுக்கு சல்யூட்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக