இலவசத் தங்கத்தாலி-ஜெயலலிதா தொடக்கம்

dsudhanandan · dsudhanandan Mon Jun 06, 2011 6:42 pm

திருமணமாகாத ஏழைப் பெண்களுக்கு இலவசத் தங்கத் தாலித் திட்டத்தை இன்று முதல்வர் ஜெயலலிதா தொடங்கி வைத்தார்.

இது குறித்து தமிழக அரசு வெளியிட்டுள்ள செய்திக் குறிப்பு வருமாறு:

25,000 ரூபாய் நிதி உதவியோடு, மணப் பெண்ணின் திருமாங்கல்யம் செய்ய 4 கிராம் (22 கேரட்) தங்கம் இலவசமாக வழங்கவும், இளம் பெண்கள் கல்வி கற்பதை ஊக்குவிப்பதற்காக, இளநிலைப் பட்டம் அல்லது டிப்ளோமா பட்டயம் பெற்ற பெண்களுக்கு திருமண உதவித் தொகையை 25 ஆயிரம் ரூபாயிலிருந்து 50 ஆயிரம் ரூபாயாக உயர்த்தி வழங்குவதோடு மணப் பெண்ணின் திருமாங்கல்யம் செய்ய 4 கிராம் தங்கம் இலவசமாக வழங்கவும் தேர்தல் அறிக்கையில் அறிவித்திருந்தபடி முதல்வர் ஜெயலலிதா 16.5.2001 அன்று ஆணையிட்டார்.

தேர்தல் அறிக்கையில் அறிவித்திருந்தபடி திருமண நிதி உதவியுடன் திருமாங்கல்யம் செய்ய தங்கம் வழங்கும் திட்டத்தை இன்று (6.6.2011) தலைமைச் செயலகத்தில் தொடங்கி வைத்து, ஏழு ஏழைப் பெண்களுக்கு 25 ஆயிரம் ரூபாய் நிதி உதவியுடன் திருமாங்கல்யம் செய்ய, நான்கு கிராம் (22 கேரட்) தங்க நாணயம் வழங்கி வாழ்த்தினார்.

இளம் பெண்கள் கல்வி கற்பதை ஊக்குவிப்பதற்காக, இளநிலைப் பட்டம் அல்லது டிப்ளோமா பட்டயம் பெற்ற பெண்களுக்கு திருமண உதவித் தொகை ஏற்கனவே வழங்கப்பட்ட ரூபாய் 25 ஆயிரத்தை, 50 ஆயிரம் ரூபாயாக உயர்த்தி வழங்க ஆணையிட்டிருந்தார். அதன்படி, இளநிலைப் பட்டம் அல்லது டிப்ளோமா பட்டயம் பெற்ற ஏழு பெண்களுக்கு, திருமண நிதி உதவியாக ரூபாய் 50,000/-க்கான காசோலையுடன் திருமாங்கல்யம் செய்ய 4 கிராம் தங்க நாணயமும் வழங்கி வாழ்த்தினார்.

முதல்வரிடமிருந்து திருமண நிதி உதவியுடன் திருமாங்கல்யம் செய்ய தங்கமும் பெற்றுக் கொண்ட பெண்கள், முதல்வருக்கு நன்றி தெரிவித்துக் கொண்டார்கள்.

இவ்வாறு அந்த செய்திக்குறிப்பில் தெரிவிக்கப்பட்டுள்ளது.

- தட்ஸ் tamil

**அருண்** · **அருண்** Mon Jun 06, 2011 6:54 pm

நல்ல முறையில் ஆட்சி செய்தால் சரி! மகிழ்ச்சி

ரபீக் · ரபீக் Mon Jun 06, 2011 7:03 pm

என்னமோ ஏதோ !! நல்லது நடந்தால் சரி

மஞ்சுபாஷிணி · மஞ்சுபாஷிணி Mon Jun 06, 2011 9:02 pm

நல்ல விஷயமே...

realvampire · realvampire Mon Jun 06, 2011 11:11 pm

முந்திய திமுக ஆட்சியில் ஒரு ஏழை குடும்பத்தில் பிறக்கும் அனைத்து பெண்டிற்கும் உதவி தொகை வழங்கப்பட்டது. ஆனால் இன்றய அரசு குறைந்த பட்ச கல்விதகுதி 10ஆம் வகுப்பு என்றும் ஒரு குடும்பத்தில் ஒருவருக்கு மட்டுமே என்று *(Terms and conditions) பயன்படுத்துகிறது.
இது சரியா?