அழகற்றவர்களுக்கான போட்டியில் 32 வயது ஜிம்பாப்வே இளைஞர் வெற்றி

**சிவா** · **சிவா** Mon Jun 06, 2011 4:10 pm

ஆப்பிரிக்காவில் உள்ள ஜிம்பாப்வே நாட்டில் பெய்ட்பிரிட்ஜ் நகரில் அழகற்றவர்களுக்கான போட்டி நடந்தது. இதில் 16 பேர் கலந்து கொண்டனர். இந்த போட்டியின் நடுவர்களாக பெண்கள் தான் இருந்தனர். இதில் 32 வயதான ஆஸ்டின் எம்ப்வே முதலிடம் பிடித்தார். இவருக்கு 8 ஆயிரம் ரூபாய் பரிசாக கிடைத்தது.

வெற்றி பெற்றது குறித்து ஆஸ்டின் கூறுகையில், நான் சிறுவயது முதல் மற்றவர்களின் கேலிக்கு இலக்காக இருந்தேன். என் அவலட்சணத்திலும் அழகான பக்கம் இருப்பதை இப்போது உலகம் கண்டு கொண்டு உள்ளது என்று குறிப்பிட்டார்.

இந்த போட்டி 3-வது ஆண்டாக இப்போது நடத்தப்பட்டு உள்ளது என்றும், இந்த போட்டிக்கு அரசாங்கத்தின் சுற்றுலா துறை ஆதரவு அளித்து வருவதாகவும் அமைப்பாளர் லவ்மோர் சோன்சி தெரிவித்து இருக்கிறார்.