கருவுற்ற பெண்களுடன் உறவு வைக்க ஏன் ஆண்கள் பயப்படுகிறார்கள்..?!

தாமு · தாமு Thu Jun 02, 2011 10:40 am

தனது மனைவியோ அல்லது காதலியோ கருவுற்றால் அதன் பின்னர் அவருடன் உறவு வைப்பதற்கு பெரும்பாலான ஆண்கள் பயப்படுவதாக டென்மார்க் யூலன்போஸ்டன் செய்தி வெளியிட்டுள்ளது. பாலியல் விவகாரம் தொடர்பான டேனிஸ் நிபுணர் சுசேனா நோகாட் கருவுற்ற பெண்களுடனான உறவில் ஆண்களுக்குள்ள புரிதலும், தகவலும் போதியதாக இல்லை என்றும் தெரிவித்துள்ளார்.

இதுகுறித்து ஆயிரத்திற்கு மேற்பட்ட பெண்களிடமிருந்து திரட்டப்பட்ட தகவல்களின்படி, கருவுற்ற பெண்களுடனான உறவு குறித்து, ஆண்களுக்குள்ள அச்சம் போல பெண்களுக்கு இல்லை என்றும் தெரிவித்தார். குழந்தைக்கு பாதிப்பு ஏற்பட்டுவிடும் என்று ஆண்கள் பயப்படுவது போல இதில் பெரிய பிரச்சனைகள் ஏதும் இல்லை என்பதை விளக்கும் கருத்தரங்குகள் தற்போது நூல் நிலையங்களில் நடத்தப்பட்டு வருவதாக அவர் கூறினார்.

தாயின் வயிற்றில் குழந்தையின் இருப்பு, ஆண் – பெண் உறவின் தன்மை, இரண்டுக்கும் தொடர்பற்ற நிலை போன்றவற்றை உரிய சான்றுகள் மூலம் விளக்குகிறார்கள். கருவுற்ற பெண்களின் மனோநிலையை புறக்கணித்து, குழந்தையின் மீதான பாதிப்புப் பற்றி தாமே ஒரு முடிவுக்கு ஆண்கள் வந்துவிடுவதால் இந்தப் பாதிப்பு ஏற்படுவதாகவும் அவர் கூறினார். கருவுற்ற பெண் பாலியல் உணர்வின்றி வாழ வேண்டும் என்ற இனம்புரியாத நிர்ப்பந்தமும் இதில் உள்ளது கவனிக்கத்தக்கது.

பெண்ணின் மனோநிலையை பல ஆண்களால் புரிய முடியாமலும் போவதாக அவர் கூறினார். அதேவேளை பெண் கருவுற்றதும் தாய் வீட்டுக்கு அனுப்பப்படும் மரபு இந்தியாவில் உள்ளது. இத்தகைய செயலும் போதிய அறிவின்மையால் ஏற்படும் நிகழ்வா? என்ற கேள்வியும் இதைப் படிக்கும்போது ஏற்படுகிறது.

கோவை

கருவுற்ற பெண்களுடன் உறவு வைக்க ஏன் ஆண்கள் பயப்படுகிறார்கள்..?!

கருவுற்ற பெண்களுடன் உறவு வைக்க ஏன் ஆண்கள் பயப்படுகிறார்கள்..?!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக