"ஜூன் என்றாலே எமர்ஜென்சியா?' : நிதின் கட்காரி

மஞ்சுபாஷிணி · மஞ்சுபாஷிணி Mon Jun 06, 2011 8:35 am

லக்னோ : ஊழலுக்கு எதிராக ஜனநாயக முறையில் போராட்டம் நடத்தியவர்கள் மீது பிரதமர் மன்மோகன் சிங், காங்கிரஸ் தலைவர் சோனியா உத்தரவின்படி, போலீசார் தடியடி நடத்தியுள்ளனர் என, பாரதிய ஜனதா தலைவர் நிதின் கட்காரி தெரிவித்துள்ளார்.
இது குறித்து நிதின் கட்காரி குறிப்பிடுகையில், "ஊழல் மற்றும் கறுப்பு பணத்துக்கு எதிராக, ஜனநாயக முறையில் போராட்டம் நடத்திய ராம்தேவ் ஆதரவாளர்கள் மீது, போலீசார் தடியடி தாக்குதல் நடத்தியுள்ளனர். ஜூன் மாதம் என்றாலே அது எமர்ஜென்சிக்கு உகந்த காலம் போலிருக்கிறது. 1975ம் ஆண்டு ஜூன் மாதத்தில் தான் எமர்ஜென்சி அமல்படுத்தப்பட்டது.
அதே போன்ற நிலைமை தான், தற்போதும் நடந்துள்ளது. சோனியா மற்றும் மன்மோகன் சிங்கின் உத்தரவின்படி இந்த தடியடி சம்பவம் நடந்துள்ளது. இந்த செயலை கண்டித்து பாரதிய ஜனதா, நாடு தழுவிய சத்தியாகிரக போராட்டத்தில் ஈடுபடும். டில்லி ராஜ்காட்டில் எமது கட்சியினர் சத்தியாகிரக போராட்டத்தை துவக்கியுள்ளனர்' என்றார்.
லோக்சபா எதிர்க்கட்சி தலைவர் சுஷ்மா சுவராஜ் குறிப்பிடுகையில், "உள்துறை அமைச்சர் சிதம்பரம், மனித வளத்துறை அமைச்சர் கபில் சிபல் ஆகியோர் பிரதமர் மற்றும் சோனியாவுடன் நடத்திய ஆலோசனைக்குப் பிறகே, ராம்தேவ் ஆதரவாளர்கள் மீது தடியடி நடத்தப்பட்டுள்ளது என்றார்.
ராஜ்யசபா எதிர்க்கட்சி தலைவர் அருண் ஜெட்லி குறிப்பிடுகையில், "காஷ்மீரில் நம் நாட்டுக்கு எதிராக பிரசாரம் செய்து வரும் ஜிலானி மீதோ, தேச துரோக குற்றச்சாட்டு உள்ள வினாயக் சென் மீதோ எந்த நடவடிக்கையும் எடுக்கப்படவில்லை என்றார். இவரது இந்த வன்முறை பேச்சு, மக்களிடையே கொந்தளிப்பை ஏற்படுத்தும்' என்றார்.

நன்றி தினமலர்

ரபீக் · ரபீக் Mon Jun 06, 2011 10:30 am

ராம்தெவை கைது பண்ணியதை அரசியல் ஆக்குவதில் எதிர்க்கட்சிகள் இவ்வளவு ஆர்வத்துடன் இருப்பது ஏன் என புரியவில்லை ?

"ஜூன் என்றாலே எமர்ஜென்சியா?' : நிதின் கட்காரி

"ஜூன் என்றாலே எமர்ஜென்சியா?' : நிதின் கட்காரி

Re: "ஜூன் என்றாலே எமர்ஜென்சியா?' : நிதின் கட்காரி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக