டென்னிஸ் வீரர் சபாநாயகர் : எதிர்க்கட்சிகளை சமாளிப்பாரா?

மஞ்சுபாஷிணி · மஞ்சுபாஷிணி Mon Jun 06, 2011 8:23 am

முன்னாள் டென்னிஸ் வீரர் மனோகர், ஆந்திர சட்டசபையின் சபாநாயகராக தேர்வு செய்யப்பட்டுள்ளார். ஆந்திர சபாநாயகராக இருந்த கிரண் குமார் ரெட்டி முதல்வரானதால், சபாநாயகர் பதவி காலியாக இருந்தது. நேற்று முன்தினம் நடந்த சபாநாயகர் தேர்தலில், காங்கிரஸ் கட்சியின் சார்பில் துணை சபாநாயகரும், தெனாலி எம்.எல்.ஏ.,வுமான மனோகரும், தெலுங்கு தேச கட்சியின் சார்பில் கிருஷ்ணமூர்த்தியும் போட்டியிட்டனர்.
மனோகர் 68 ஓட்டுகள் கூடுதலாக பெற்று சபாநாயகராக தேர்வு செய்யப்பட்டார். துணை சபாநாயகராக காங்கிரஸ் கட்சியைச் சேர்ந்த பட்டி விக்ரமர்கா தேர்வானார். முன்னாள் முதல்வர் பாஸ்கர ராவின் மகன் தான் மனோகர். உஸ்மானிய பல்கலைக் கழகத்தில் எம்.பி.ஏ., பட்டம் பெற்றவர். டென்னிஸ் வீரரான மனோகர் தேசிய அளவில் விளையாடியுள்ளார். கடந்த 1980ம் ஆண்டுகளில் முழங்கையில் ஏற்பட்ட வலி காரணமாக, டென்னிஸ் விளையாட்டைத் துறந்து முழு நேர அரசியலில் குதித்தார்.
தெனாலி தொகுதியிலிருந்து காங்கிரஸ் கட்சியின் சார்பில் இரண்டு முறை எம்.எல்.ஏ.,வாக தேர்வான மனோகர், முதல்வர் கிரண் குமார் ரெட்டியின் கல்லூரி நண்பர் என்பது குறிப்பிடத்தக்கது. முதல்வர் கிரண் குமார் ரெட்டி, ஐதராபாத் கிரிக்கெட் அணியின் கேப்டனாக இருந்தவர்.
17வது சபாநாயகராக மனோகர் தேர்வாவதற்கு, பிரஜா ராஜ்யம் கட்சியின் நிறுவனர் நடிகர் சிரஞ்சீவியும், அவரது ஆதரவு எம்.எல்.ஏ.,க்களும், மஜ்லிஸ் -இ- இதிகாதுல் முஸ்லிமின் எம்.எல்.ஏ.,க்களும், ஜெகன் மோகன் ரெட்டி ஆதரவு எம்.எல்.ஏ.,க்களும் மனோகருக்குத் தான் ஓட்டளித்தனர்.

நன்றி தினமலர்

டென்னிஸ் வீரர் சபாநாயகர் : எதிர்க்கட்சிகளை சமாளிப்பாரா?

டென்னிஸ் வீரர் சபாநாயகர் : எதிர்க்கட்சிகளை சமாளிப்பாரா?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக