காமெடி நடிகர் மயில்சாமியின் சமூக அக்கறை!

முரளிராஜா · முரளிராஜா Sun 5 Jun 2011 - 11:11

பிரபல நடிகர்கள் எல்லோரும் அவரவர்களுக்கு ஏற்றாற் போல, சமூக நலப்பணிகளை செய்து வருவார்கள். அந்த வரிசையில் தற்போது காமெடி நடிகர் மயில்சாமியும் சேர்ந்துள்ளார்.

இவர் தற்போது ‘மைனா’ புகழ் விதார்த் கதாநாயகனாக நடிக்கும் ‘முதல் இடம்’ படத்தில் நடித்து வருகிறார். அண்மையில் இப்படத்தின் படப்பிடிப்பு தஞ்சாவூருக்கு சென்றிருக்கிறார். அங்குள்ள பள்ளி ஒன்றில் ஷூட்டிங் நடைபெற்று இருக்கிறது.

அந்த பள்ளயின் கட்டடம் இடிந்து விழும் நிலையில் இருந்திருக்கிறது. ஷூட்டிங் முடிந்ததும், அம்மாவட்ட கலெக்டரை சந்தித்த மயில்சாமி, பள்ளியின் நிலை குறித்து தெரிவித்தார். அதைக் கேட்ட கலெக்கடர் அப்பள்ளியை இடித்து விட்டு புதிய கட்ட்டம் கட்ட உத்தரவிட்டிருக்கிறார்.

பிள்ளைகளின் படிப்பு வீணாகி விடக்கூடாது என்பதற்காக தனியார் இடத்தில் பிள்ளைகளுக்கு பாடம் கற்பிக்க ஏற்பாடு செய்திருக்கிறார் மயில்சாமி. அந்த கட்டடம் கட்டி முடிக்கும் வரை, தனியார் இடத்திற்கு ஆகும் வாடகை கொடுக்கும் பொறுப்பை மயில்சாமியே ஏற்றிருக்கிறாராம்.

காமெடி நடிகராக இருந்தாலும், கல்விக்கு முக்கியத்துவம் கொடுக்கும் அவரை எவ்வளவு பாராட்டினாலும் தகும். அவரை பாராட்டலாம் வாங்க..!
நன்றி filmics