‘இன்னும் 5 நாட்களில் தலைவர் டிஸ்சார்ஜ் ஆகிடுவார்!’ – ரஜினி வீட்டில் சொன்ன இனிப்பு செய்தி

kitcha · kitcha Sat Jun 04, 2011 3:43 pm

காளிகாம்பாள் கோயிலில் நமது சிறப்புப் பிரார்த்தனையை முடித்துக் கொண்டு நண்பர்களுடன் தலைவர் ரஜினி வீட்டுக்குப் போனபோது இரவு 8.30 மணி.
நமக்கும் முன்பே சில ரசிகர்கள் பல்வேறு கோயில்களில் பூஜைகளை முடித்து பிரசாதங்களுடன் வந்திருந்தனர்.
விவரங்களைக் கேட்டு பதிவு செய்த பிறகு, நம்மை உள்ளே அழைத்தனர். பிரசாதங்களை ரஜினியின் உதவியாளரிடம் ஒப்படைத்தோம்.
அவற்றைப் பெற்றுக் கொண்டதும், “இன்று இரவு தலைவரைப் பார்க்க குடும்பத்தினர் சிலர் சிங்கப்பூர் செல்கிறார்கள். அவர்கள் இந்தப் பிரசாதத்தை தலைவரிடமே கட்டாயம் நேரில் சேர்ப்பார்கள்,” என்றார். நாம் அவரை எதுவும் கேட்கும் முன் அவராகவே சொன்னது இது.
தலைவர் எப்படியிருக்கிறார் என்று கேட்டோம். அதற்கு அவர் சொன்ன பதில், அந்த வெள்ளிக்கிழமையை மறக்க முடியாத நாளாக்கியது என்றால் மிகையல்ல.
“டாக்டர்களின் முயற்சிகளையும் மீறி, இந்த மாதிரி பிரார்த்தனைகள்தான் அவருக்கு வரவிருந்த பெரிய கண்டத்தை நீக்கியது. ஆபரேஷன் செய்ய வேண்டியிருக்கும் என எல்லோருமே பயந்து கொண்டிருந்தோம். ஆனால் இப்போது எல்லாமே சரியாகிவிட்டது. ஆபரேஷன் இல்லாமலே தலைவர் வேகமாக குணமடைந்து வருகிறார். அதிகபட்சம் இன்னும் ஐந்தே நாட்களில் அவரை டிஸ்சார்ஜ் செய்து விடுவார்கள். அந்த அளவு தெம்பாகிவிட்டார். உங்களையெல்லாம் பார்க்க வருகிறார்,” என்றார்.
தெய்வம் இப்போதெல்லாம் உடனுக்குடன் பலனைக் கொடுத்துவிடுகிறது என்ற பூரிப்பும் சந்தோஷமும் சேர, தலைவரி்ன் வீட்டில் உரிமையோடு நின்று புகைப்படங்கள் எடுத்துக் கொண்டனர் நண்பர்கள்!
-வினோ
என்வழி

SK · SK Sat Jun 04, 2011 4:15 pm

நல்ல செய்தி தான்

‘இன்னும் 5 நாட்களில் தலைவர் டிஸ்சார்ஜ் ஆகிடுவார்!’ – ரஜினி வீட்டில் சொன்ன இனிப்பு செய்தி

‘இன்னும் 5 நாட்களில் தலைவர் டிஸ்சார்ஜ் ஆகிடுவார்!’ – ரஜினி வீட்டில் சொன்ன இனிப்பு செய்தி

Re: ‘இன்னும் 5 நாட்களில் தலைவர் டிஸ்சார்ஜ் ஆகிடுவார்!’ – ரஜினி வீட்டில் சொன்ன இனிப்பு செய்தி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக