கடனில் சிக்கித்தவிக்கும் ஏர் இந்தியா : 25 தினசிரி விமான சேவைகள் இரத்து

தாமு · தாமு Fri Jun 03, 2011 11:31 am

மத்திய அரசுக்கு சொந்தமான ஏர் இந்தியா விமான நிறுவனத்திற்கு, ரூ.2.700 கோடிவரை கடன் நிலுவையில் உள்ளதால், நேற்று தனது 60 விமானங்களை இரத்துச் செய்ய வேண்டிய நிலைக்கு உள்ளானது. இன்று முதல் 25 தினசரி விமானங்கள் இரத்து செய்யப்படுவதாகவும் அறிவிக்கப்பட்டுள்ளது.

உள்நாட்டு, அயல்நாட்டு போக்குவரத்துக்கு பயன்படுத்தப்படும் இவ்விமானங்களுக்கு பொதுத்துறை எண்ணெய் நிறுவனங்களான இந்தியன் ஆயில், பார்த் பெட்ரோலியம், இந்துஸ்தான் பெட்ரோலியம் ஆகியன் எரிபொருள் வழங்கிவந்தன.

இம்மூன்று பொதுத்துறை நிறுவனங்களிடமும் இருந்து மொத்தம் ரூ.2,700 கோடி வரை ஏர் இந்தியா கடன் வைத்துள்ளதால் கடந்த 27ம் திகதி முதல் எரிபொருள் வழங்குவதை இந்நிறுவனங்கள் நிறுத்திக்கொண்டன.

எனினும், சிவில் விமான போக்குவரத்து துறை தலையிட்டதால், மீண்டும் எரிபொருளை வழங்கின. ஆனால் நேற்று மீண்டும் எரிபொருள் வழங்கல் நிறுட்தப்பட்டது. இதனால் ஏர் இந்தியா நிறுவனத்தின் 60 விமானங்கள் இரத்து செய்யப்பட்டுள்ளதன், போக்குவரத்துக்கு பயன்படும் விமான சேவையும் குறைக்கப்பட்டுள்ளது.

இதனால் ஏர் இந்தியா நிறுவனம் கடும் நெருக்கடிக்குள் ஆளாகியுள்ளது. இதனால் டில்லி, மும்பை, பெங்களூருக்கான உள்ளூர் போக்குவரத்தும், லண்டன், டுபாய், டோக்கியோ போன்ற வெளிநாட்டு போக்குவரத்து விமான சேவைகளும் இடைநிறுத்தப்பட்டுள்ளன.

எனினும் இம்மாதம் 15 ம் திகதிக்கு பிறகு நிலைமை சரியாகும் என ஏர் இந்தியா நிறுவனம் அறிவித்திருக்கிறது.

tm