சச்சினுக்கு 2009-10 இன் சிறந்த கிரிக்கெட் வீரர் எனும் பாலி உம்ரிகர் விருது வழங்கி கௌரவம்

இந்திய கிரிக்கெட் வாரியத்தின் (BCCI) விருது வழங்கும் விழா நேற்று (செவ்வாய்க்கிழமை) மும்பையில் நடந்தது.



இவ்விழாவின் போது உலக கோப்பை வென்ற இந்திய கிரிக்கெட் அணி வீரர்களுக்கு தலா ரூ 2கோடி பரிசுத்தொகை அளிக்கப்பட்டு கௌரவம் வழங்கப்பட்டது. நிகழ்ச்சியில் சச்சின் டெண்டுல்கர்ருக்கு 2009-10 ம் ஆண்டுக்கான சிறந்த வீரருக்கனா பாலி உம்ரிகர் விருது அளிக்கப்பட்டது. இவ்விருதை இரண்டாவது முறையாக சச்சின் பெறுகிறார்.

மேலும், முன்னாள் இந்திய கிரிக்கெட் வீரர்களுக்கும், புதிய இளம் தலைமுறை வீரர்களுக்கும் விருதுகள் வழங்கப்பட்டது.

சி.கே.நாயுடு வாழ்நாள் சாதனை விருது -சலீம் துரானி
ரஞ்சி கோப்பைப் போட்டிகளில் அதிக ரன் குவித்த வீரர் - மணீஷ் பாண்டே
ரஞ்சி கோப்பைப் போட்டிகளில் அதிக விக்கெட் வீழ்த்தியவர் - அபிமன்யூ மிதுன்
சிறந்த வீராங்கனை (சீனியர்) - திருஷ்காமினி (தமிழகம்)
சிறந்த வீராங்கனை (ஜூனியர்) - ரேவா அரோரா (பஞ்சாப்)
சிறந்த யு-22 வீரர் - நடராஜ் பெஹரா (ஒரிசா)
சிறந்த யு-19 வீரர் - பார்கவ் மேராய் (குஜராத்)
சிறந்த யு-16 வீரர் - அபராஜித் (தமிழகம்)
சிறந்த நடுவர் - கே.ஹரிகரன்
சிறந்த ஒட்டுமொத்த செயல்பாடு - மகாராஷ்டிரா

ஆகிய பிரிவுகளில் இவ்விருதுகள் வழங்கப்பட்டன.

நிகழ்ச்சியில் பேசிய சச்சின், டோனி சிறந்த கேப்டனாக செயல்படுவதாக வெளிப்படையாக பாராட்டினார். இந்திய அணி டெஸ்ட் போட்டிகளில் முதலிடத்தை பிடித்தமைக்கும், உலக கோப்பையில் சிறப்பாக ஆடியதற்கும் தனது பாராட்டுக்களையும் தெரிவித்துக்கொண்டார்.

கேப்டன் மகேந்திர சிங் தோனி பேசுகையில், கிரிக்கெட் வாரியத்தின் ஊக்குவிப்பு பணிகள் தான் நாம் சிறப்பக செயற்பட காரணம். எங்களது திட்டங்களை நிறைவேற்ற அவர்கள் நல்ல ஊக்குவிப்பு தந்தார்கள். இந்தியாவுக்கு உலக கோப்பை வெல்லவேண்டுமென்பது, 100 கோடி மக்கள் மட்டுமல்லாது, இந்தியாவுக்கு வெளியில் உள்ளவர்களும் விரும்பினர். இனை நிறைவேற்றியது மகிழ்ச்சியாக உள்ளது. இதற்காக உழைத்த இந்திய அணிக்கும் நன்றி கூறுவதாக தெரிவித்தார்.


tm