மனதில் கொண்டால் ஜெயித்திடலாம்!

**சிவா** · **சிவா** Thu Sep 10, 2009 9:09 pm

அங்கும் இங்கும் திரியும் பறவை
ஆகாயத்தை அளப்பதென்ன?
அங்குச நுனியில் அடங்கும் யானை
ஆரண்யத்தை அழிப்பதென்ன?

கொத்தித் தின்னும் கோழிகள் கூடக்
காட்டுப் பருந்தை எதிர்ப்பதென்ன?
அத்தனை வெட்டும் தாங்கும் பூமி
பூகம்பத்தில் குதிப்பதென்ன?

இன்னொரு முகத்தை மறைத்துக் கொண்டே
எல்லாம் இங்கே இயங்கி வரும்
என்றோ ஒருநாள் எல்லை மீறிட
எல்லாம் நமக்கு விளங்கிவிடும்!

உருவம் பார்த்து எடை போடாதே
உள்ளே இருப்பது தெரியாது!
திரைகள் விலகத் தெரிவது தெரியும்
அதுவரை நமக்குப் புரியாது!

அவரவர் நோக்கில் அவரவர் வாழ்க்கை
அர்த்தமும் ஆழமும் கொண்டதுதான்
எவரையும் குறைவாய் எடை போடாமல்
இருக்கும் வரையில் நல்லதுதான்!

கண்ணில் படாமல் இருக்கும் திறமைகள்
காலம் வருகையில் வெளிப்படலாம்
மண்ணில் பிறந்தவை எல்லாம் சிறந்தவை!
மனதில் கொண்டால் ஜெயித்திடலாம்.!

@சிஃபி

nandhtiha · nandhtiha Thu Sep 10, 2009 9:22 pm

வணக்கம்
திகட்டாத தேனமுது
அன்புடன்
நந்திதா

மீனு · மீனு Thu Sep 10, 2009 9:55 pm

ஷிவா அண்ணா உங்களுக்கு கவிதைங்கள் கூட இவளவு அழகா சொல்ல தெர்யுமா.. அருமை அண்ணா..உங்ககிட்டே எல்லா திறமையும் இருக்கே..பாராட்டுக்கள் அண்ணா..

**சிவா** · **சிவா** Thu Sep 10, 2009 9:59 pm

meenuga wrote:ஷிவா அண்ணா உங்களுக்கு கவிதைங்கள் கூட இவளவு அழகா சொல்ல தெர்யுமா.. அருமை அண்ணா..உங்ககிட்டே எல்லா திறமையும் இருக்கே..பாராட்டுக்கள் அண்ணா..

நான் எழுதவில்லை மீனு! சிஃபி இணையத்திலிருந்து எடுத்து இங்கு பதிந்துள்ளேன்! அங்கும் எழுதியவரின் பெயரில்லை!

மீனு · மீனு Thu Sep 10, 2009 10:04 pm

என்ன ஒரு தன்னடக்கம்.. உங்ககிட்டே இருந்து நான் இன்னும் கத்துக்கணும்..நானும் இப்படி வேறு இடங்களில் இருந்து கவிதைங்கள் எடுத்து போடுவேன்..மற்றவங்க பாராட்டும் போது அந்த பாராட்டையும் சந்தோஷமாய் ஏத்துப்பேன்..அது தப்பு என்று இப்போ புரயுது அண்ணா.. தேங்க்ஸ் அண்ணா..உண்மை சொல்வது எவளவு உயர்வை தருகிறது..

Chocy · Chocy Thu Sep 10, 2009 10:05 pm

Meenuga akkavuku rombvae nanrigal

**சிவா** · **சிவா** Thu Sep 10, 2009 10:08 pm

meenuga wrote:என்ன ஒரு தன்னடக்கம்.. உங்ககிட்டே இருந்து நான் இன்னும் கத்துக்கணும்..நானும் இப்படி வேறு இடங்களில் இருந்து கவிதைங்கள் எடுத்து போடுவேன்..மற்றவங்க பாராட்டும் போது அந்த பாராட்டையும் சந்தோஷமாய் ஏத்துப்பேன்..அது தப்பு என்று இப்போ புரயுது அண்ணா.. தேங்க்ஸ் அண்ணா..உண்மை சொல்வது எவளவு உயர்வை தருகிறது..

மீனு · மீனு Thu Sep 10, 2009 10:10 pm

நன்றிகள் எல்லாம் வேணாம் ஹரிணி ..ஈகரை நமக்கு நல்ல விஷயங்களை மட்டுமே தருகிறது..இங்கு வேறு பேச்சுக்கே இடம் இல்லை .. மனதில் கொண்டால் ஜெயித்திடலாம்! 733974

Chocy · Chocy Thu Sep 10, 2009 10:11 pm

nandhtiha · nandhtiha Thu Sep 10, 2009 10:33 pm

வணக்கம்
ஒருநாமம் ஓருருவம் இல்லார்க்கு ஆயிரம்
திருநாமம் பாடி நாம் தெள்ளேணம் கொட்டாமோ
பெயரில்லாப் பாடல்கள் அனைத்தும் அந்தப் பிறவாயாக்கைப் பெரியோனாகிய சிவாவுக்கே சொந்தம்
அன்புடன்
நந்திதா

Sponsored content · Sponsored content

மனதில் கொண்டால் ஜெயித்திடலாம்!

மனதில் கொண்டால் ஜெயித்திடலாம்!

Re: மனதில் கொண்டால் ஜெயித்திடலாம்!

Re: மனதில் கொண்டால் ஜெயித்திடலாம்!

Re: மனதில் கொண்டால் ஜெயித்திடலாம்!

Re: மனதில் கொண்டால் ஜெயித்திடலாம்!

Re: மனதில் கொண்டால் ஜெயித்திடலாம்!

Re: மனதில் கொண்டால் ஜெயித்திடலாம்!

Re: மனதில் கொண்டால் ஜெயித்திடலாம்!

Re: மனதில் கொண்டால் ஜெயித்திடலாம்!

Re: மனதில் கொண்டால் ஜெயித்திடலாம்!

Re: மனதில் கொண்டால் ஜெயித்திடலாம்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக