சிறையாகி விடும் வானம்...

**rameshnaga** · **rameshnaga** Wed Jun 01, 2011 10:21 am

எனது வானம் உனக்குப் பரிச்சயமில்லை ;
உனது வானம் எனக்கும்.
நமது சிறகுகள் ஒன்றை ஒன்று வருடியதே இல்லை-இதுவரை.
எனது கூட்டுக்குள் நீ வரவேண்டும் என்று -
உனக்கான பனிரண்டில் எட்டுக் கட்டங்களும்...
உனது கூட்டுக்குள் நான் வரவேண்டும் என்று
எனக்கான பனிரண்டில் ஏழும் ஒத்துக் கொண்டதாய் சொன்னார்கள்--அதுவும்
என் முடிச்சுக்குப் பின்னால் நீ கட்டி இழுத்து வரப்போவதை
நூற்றுக்கு ஆயிரமாய் சரி பார்த்த பின்னர் ....
நமக்கான வானம் இனி சிறையாகும் என்றாலும் ...
நமக்குள் இதுவரை காதல் இல்லை என்றாலும்..
நமக்கான காலத்தைக் கடந்தாக வேண்டும்...
தயவு செய்து காதலிக்கலாம் வா!

namkkaana

**கே. பாலா** · **கே. பாலா** Wed Jun 01, 2011 10:29 am

ஆம் நண்பா!
இப்படி பரிச்சய மில்லாத பறவைகள்
பூமியெங்கும்.....ஆயிரம் ஆயிரமாய்...இருக்கிறதே!
காலத்தைக் கடந்தாக வேண்டும்...
காதலிக்கலாம் வா!...என்ற அழைப்பை..
ஏற்றால்...அவைகள் வசந்த கால பறவைகள் தான்.
அற்புதமான கவிதை . வாழ்த்துக்கள் சிறையாகி விடும் வானம்... 154550

மஞ்சுபாஷிணி · மஞ்சுபாஷிணி Wed Jun 01, 2011 10:37 am

பெற்றோர் பொருத்தம் பார்த்து இறைவன் கருணையால் இணையும் இரு மனங்கள் கண்டிப்பாக விட்டுக்கொடுத்தலும் அதிகப்படியுமான அன்பை பகிரும்போது அங்கே வானம் சிறையாவதில்லை..... அன்பே வம்சவிருத்திக்கு வழி காண்பிக்கும்....

அருமையான வரிகள் ரமேஷ்... அன்பு வாழ்த்துக்கள்.