ஒரு காவல் தெய்வத்தின் கதை.

**rameshnaga** · **rameshnaga** Sun May 29, 2011 12:16 pm

கதவுகளின்றி அகலத்திறந்து கிடக்கும் ஏழை வீடுகளைப் போல-
எப்போதும் திறந்தே கிடக்கும்
எங்கள் அய்யனார் சாமி சிலையின் கண்களும்.
வெயிலில் காய்ந்தாலும்,மழையில் நனைந்தாலும், குளிரில் விறைத்தாலும்,
முகம் சிணுங்கமல், சினம் கொள்ளாமல்,
அப்படியே இருப்பார் அய்யனார் சாமி.
உள்ளூர் வாசிகளுக்கு -
அவர் அப்படி ஒன்றும் பெரிய சாமி இல்லை.
அவர் இருக்கும் பீடம் -
சில பேருக்கு மதிய நேரத்து தூங்கும் மேடை;
சிலருக்கு சீட்டாட்டமேடை ;
வேறு சிலருக்கோ வேறு வேறு பொழுதுகளில்
வேறு வேறு மாதிரி.
இத்தனையும் பார்த்தாலும்-
கண்ணை இமைக்காமல், கையிலுள்ள அரிவாளைக் கீழே இறக்காமல்-
அகிம்ஸையாய் இருப்பார் எங்கள் அய்யனார் சாமி.
தலைமுறைகள் கடந்து-
அயலூரில் குடியமர்ந்தவன் எவனாவது-
தன் பாவங்கள் தீரவேண்டி
கிளிச்சீட்டு பார்த்தவனோ,சோழி உருட்டிப் பார்த்தவனோ-
அய்யனாரைத் தேடி வந்து படைக்கையில்-
அவர் பெயரைச் சொன்னபடி
ஆட்டையும், சாராயத்தையும் அப்படியே விழுங்கும்
பூசாரியைப் பார்த்து மறுகியபடி ஏதும் செய்ய இயலாமல் -
அப்படியே இருப்பார் அய்யனார் சாமி.
இத்தனை குறைகளும் மனசில் இருந்தாலும்-
ஊரின் காவல் தெய்வம் என
வரலாற்றில் தாத்தன், பாட்டி கதையாய் வந்ததால்-
கண்கள் வெறித்த படி, கால்கள் விறைத்த படி,
ஊர்ச் சண்டை வராத நாள் வரைக்கும்,
அவர் மண்டை உடையாத நாள் வரைக்கும்,
ஊர்க்கோடியில்-இன்று போல் என்றும்
விறைப்பாக நின்றிருப்பார்
எங்கள் ஊர் அய்யனார் -
தனக்கென எதுவும் கோராமல் .

**rameshnaga** · **rameshnaga** Fri Jun 03, 2011 11:28 am

உங்களின் மேலான விமர்சனங்களை எனது இந்தக் கவிதைக்கும் எதிர்பார்க்கிறேன்!
அன்புடன் ரமேஷ்!

sekar.kannayaram · sekar.kannayaram Fri Jun 03, 2011 12:06 pm

நண்பர் ராமசுக்கு வணக்கம்,
அய்யனார் கவிதை அருமை,அப்படியே
இருதால்தான் அய்யனார்.

**கா.ந.கல்யாணசுந்தரம்** · 28/02/2009

ஒரு காவல் தெய்வத்தின் யதார்த்தமான அனுபவங்கள்.
அய்யனார் சிலைகள் தமிழகத்தின் தென் மாவட்டங்களில் காணப்படும் காவல் தெய்வம். எல்லைப்புறத்தில் காவல் காக்கும் தெய்வம். சிறுவர்களுக்கு பிரமிப்பூட்டும் தோற்றம். பென்சில் சீவ அய்யனாரிடம் கத்தி கேட்பது அறிவியலுக்கு அடித்தளமிடும் கவிதை வரிகள் ந.முத்துக்குமாரின் பாடலில் காணலாம். மனோதத்துவ , தனிமனித ஒழுக்கத்துக்காக இதுபோன்ற சிலைகள் நிறுவப்பட்டன.

தங்களின் கவிதை சிந்தனையைத் தூண்டியது உண்மை. பாராட்டுக்கள்.
கா.ந.கல்யாணசுந்தரம்.

**rameshnaga** · **rameshnaga** Fri Jun 03, 2011 12:45 pm

ரொம்பவும் நன்றி! திரு. கல்யாணசுந்தரம் சார்! திரு. சேகர்.கண்ணாயிரம் சார்!
அன்புடன் ரமேஷ்!

Sponsored content · Sponsored content

ஒரு காவல் தெய்வத்தின் கதை.

ஒரு காவல் தெய்வத்தின் கதை.

Re: ஒரு காவல் தெய்வத்தின் கதை.

Re: ஒரு காவல் தெய்வத்தின் கதை.

Re: ஒரு காவல் தெய்வத்தின் கதை.

Re: ஒரு காவல் தெய்வத்தின் கதை.

Re: ஒரு காவல் தெய்வத்தின் கதை.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக