தண்டனை கொடுத்த பிள்ளையார்

ரஞ்சித் · ரஞ்சித் Mon Jun 20, 2011 11:21 am

ஒரு ஊரில் நான்கு திருடர்கள் இருந்தார்கள், அவர்கள் அவ்வூரில் ஒதுக்கு புறமாக உள்ள பிள்ளையார் கோவிலில் தங்கிருந்து தாங்கள் திருடிய பொருட்களை ஐந்து பங்குகளாக்கி அதில் ஒரு பங்கை பிள்ளையார் உண்டியலில் போட்டு தங்கள் தொழில் வளர வேண்டி வந்தர்கள்.பல மாதங்கள் கழிந்து அவ்வூரில் பஞ்சம் ஏற்பட்டது , ஆதலால் திருடர்களுக்கு திருட பொருட்கள் கிடைக்காதலால் அவர்கள் திருடிய பொருட்கள் எல்லாம் கரைந்து அவர்களுக்கும் பசி,பட்டினி கொடுமை ஏற்பட்டது.
ஒரு நாள் அவர்கள் திருட செல்லும் முன் பிள்ளையாரிடம் , பிள்ளையாரே நாங்கள் இன்று திருட செல்கிறோம், எங்களால் பசி கொடுமையை தாங்க முடியவில்லை, ஆதலால் நாங்கள் செல்லும் இடத்தில் ஏதாவது பொருள் கிடைக்க வழி செய்யவேண்டும் இல்லையேல் உன்னை கல்லால் அடித்து துரத்திவிடுவோம் என்று நிபந்தனை விதித்து வணங்கி சென்றார்கள்.
பஞ்சத்தின் காரணமாக பொருட்கள் எதுவும் கிடைக்காததால் கோவமாக பிள்ளையார் கோவிலுக்கு வந்த திருடர்கள் கல் எடுத்து பிள்ளையார் மீது அடிக்க ஆரம்பித்தார்கள் , அதில் ஒரு அதீத பக்தி உடையவன் பிள்ளையார் மீது கல் எறிந்தால் அவர் நம்மை தண்டித்து விடுவார் என்று எண்ணி பிள்ளையார் சிலைக்கு பின் இருந்த ஆலமரத்தின் மீது கல் எரிந்து கொண்டிருந்தான்.
அப்போது அவர்கள் முன் தோன்றிய பிள்ளையார் , அவர்கள் நால்வரில் ஆலமரத்தின் மீது கல் எரிந்து கொண்டிருந்தவனை பார்த்து என்ன தைரியம் மானிடா உனக்கு என் மீதே கல் எரிகிறாயா என்று கூறி அவன் கண்களை பறித்தார்.இதை எதிர்பாராத அவன் பிள்ளையாரே நான் உங்கள் மீது கல் படக்கூடாது என்பதற்காகத்தான்
ஆலமரத்தின் மீது கல் எரிந்து கொண்டிருந்தேன் , ஆனால் நீங்கள் என்னை போய் தண்டித்து விட்டிர்களே என்றான்.

அதற்க்கு பிள்ளையார் மற்ற மூவரும் என்னை அடிக்கவில்லை நீதான் என்னை அடித்தாய் அதனால்தான் உனக்கு தண்டனை வழங்கினேன் என்று கூறினார்.

பிள்ளையார் ஏன் அப்படி கூறினார் ? எங்கே நீங்கள் சொல்லுங்கள் பார்போம் , ஏங்க நீங்க, ஏங்க நீங்க .... என்ன?

மகா பிரபு · மகா பிரபு Mon Jun 20, 2011 11:51 am

அவர்கள் கோபத்தில் நம்மீது கல் எறிவார்கள் என நினைத்த பிள்ளையார், கல்லில் இருந்து சென்று ஆலமரத்தில் ஐக்கியமாகி விட்டார். எனவே அந்த ஒருவன் ஆலமரம் மீது எறிந்ததால் பிள்ளையார் மேலேயே பட்டது ....