நாள் வாடகைக்கு குழந்தைகளை வாங்கி காரைக்காலில் பிச்சை எடுக்கும் கும்பல்

மகா பிரபு · மகா பிரபு Wed May 25, 2011 11:01 am

காரைக்காலில், வாடகை குழந்தையுடன் பிச்சை எடுக்கும் கும்பல், நகரப் பகுதியில் உலா வருகிறது. காரைக்கால் நகரப் பகுதியில் உள்ள சூப்பர் மார்க்கெட், வணிக வளாகம், துணிக்கடைகள், பஸ் நிறுத்தம் உள்ளிட்ட இடங்களில், பிச்சை எடுப்பவர்களின் எண்ணிக்கை சமீப காலமாக அதிகரித்து வருகிறது. குறிப்பாக, குழந்தைகளை கையில் வைத்தபடி பிச்சை எடுப்பது, அதிகமாக உள்ளது. பிச்சை எடுக்கும் இந்த பெண்கள் வைத்திருக்கும் குழந்தைகள், எப்போதும் பசி மயக்கத்தில் தூங்கிக் கொண்டே இருக்கின்றன. கையில் ரப்பர் பொருளை வைத்திருப்பது போல், குழந்தையை தொங்க விட்டபடி இந்த பெண்கள் பிச்சை எடுக்கின்றனர். கும்பலாக வரும் இந்த பெண்கள், வணிக வளாகத்திற்கு வருபவர்களை தொடர்ந்து சென்று, குழந்தையைக் காட்டி பிச்சை கேட்கின்றனர். பொதுமக்களும் இரக்கப்பட்டு பிச்சை போடுகின்றனர்.

இப்பெண்களிடம் உள்ள குழந்தைகள் குறித்து விசாரித்த போது, பல அதிர்ச்சி தகவல்கள் கிடைத்தன. இந்த கும்பல், தமிழகப் பகுதியான ஆக்கூரில் தங்கி, அங்கிருந்து பஸ் மூலம் காரைக்கால் வருவதாகவும், குழந்தைகளை, தங்கள் உறவினர்களிடம் நாள் வாடகைக்கு வாங்கி, பிச்சை எடுப்பதாகவும் தெரிகிறது. குழந்தைகளுக்கு, ஒவ்வொரு அரை மணிநேரத்திற்கு மட்டும், தண்ணீர் கொடுக்கப்படுகிறது. இக்கொடுஞ்செயலைத் தடுக்க, அரசு உடனடி நடவடிக்கை எடுக்க வேண்டும்.

நாள் வாடகைக்கு குழந்தைகளை வாங்கி காரைக்காலில் பிச்சை எடுக்கும் கும்பல் 1772578765

நாள் வாடகைக்கு குழந்தைகளை வாங்கி காரைக்காலில் பிச்சை எடுக்கும் கும்பல் 1772578765

தினமலர்

**உமா** · **உமா** Wed May 25, 2011 1:09 pm

இப்படியும் கூட செய்வார்களா ...
கலி முத்திடுச்சு....
நாள் வாடகைக்கு குழந்தைகளை வாங்கி காரைக்காலில் பிச்சை எடுக்கும் கும்பல் 502589

உதயசுதா · உதயசுதா Wed May 25, 2011 2:11 pm

இந்த மாதிரி குழந்தைகளை வைத்து பிச்சை எடுக்கிறவங்களுக்கு நாம உதவாம இருந்தாலே நாளைடைவில் அவர்கள் இந்த மாதிரி செய்ய மாட்டார்கள்.

ரபீக் · ரபீக் Wed May 25, 2011 2:14 pm

இவர்களையெல்லாம் நிக்க வெச்சு சுடனும்

சின்றெல்லா · சின்றெல்லா Wed May 25, 2011 2:24 pm

இவ்வளவு மோசமான மணித்ர்களா?
குழந்தையை பெற்றவர்களுமா இதற்க்கு உடந்தை.. ??
சோகம்

தாமு · தாமு Wed May 25, 2011 3:49 pm

சின்றெல்லா wrote:இவ்வளவு மோசமான மணித்ர்களா?
குழந்தையை பெற்றவர்களுமா இதற்க்கு உடந்தை.. ??

வருமானம் வருது இல்லையா? என்ன கொடுமை சார் இது

மஞ்சுபாஷிணி · மஞ்சுபாஷிணி Wed May 25, 2011 3:56 pm

இது ரொம்ப காலமா நடக்கிறதே எல்லா இடத்திலும்... எத்தனையோ படத்திலும் இது போன்று பார்த்திருக்கிறோமே.... இப்படி குழந்தையை வாடகைக்கு எடுத்து பிச்சை எடுத்து சாப்பிடுவதை விட சாகலாம்....