இதுவரை அதிக லாபத்தைக் கொடுத்த டாப் 15 படங்கள்

திரைப்பட வர்த்தகத்தில் அதிகப்படியாக பண முதலீடு செய்வதும்
ஆங்கிலப் படங்களில்தான், அதுபோலவே பணத்தை அதிகளவில் வசூலித்துக்
கொடுப்பதிலும் முதலிடத்தில் இருப்பவையும் ஆங்கிலப் படங்களே. எந்தவொரு
வர்த்தகத்திலும் வெற்றி எப்படி நிர்ணயிக்கப்படுகின்றது என்றால் போடப்பட்ட
முதலீடு எத்தனை சதவீத லாபத்தைக் கொடுத்தது என்பதில்தான். விற்பனை எவ்வளவு
அதிகமாக இருக்கின்றது என்பதில் இல்லை வெற்றி.
இதற்கு ஒரு உதாரணம் காட்டலாம். 25000 டொலர் தயாரிப்புச் செலவில்
(முதலீட்டில்) தயாராகும் ஒரு கார் 26500 டொலருக்கு விற்பனையாகலாம். அதே
நேரத்தில் 1000 டொலர் தயாரிப்புச் செலவில் உருவாக்கப்பட்ட ஒரு கம்யூட்டர்
1500 டொலருக்கு விற்பனையாகலாம்.
இப்போது கூறுங்கள். விற்பனையின் மூலம் 26500 டொலர் பெற்றுக்கொடுத்த காரா
அல்லது 1500 டொலர் பெற்றுக்கொடுத்த கம்யூட்டரா வெற்றிகரமான வியாபாரம்?
நிச்சயமாக கம்யூட்டர்தான்.
25000 டொலர் முதலீடு செய்யப்பட்ட கார் சம்பாதித்துக் கொடுக்கும் லாபம்
1500 டொலர்கள் மாத்திரமே. இது அதன் முதலீட்டுச் செலவில் வெறும் 6
சதவீதம்தான். ஆனால் 1000 டொலர் முதலீடு செய்யப்பட்ட கம்யூட்டர்
சம்பாதித்துக் கொடுக்கும் லாபம் 500 டொலர்கள் என்றால் அது முதலீட்டில் 50
சதவீதம். காரைவிட இது 8 மடங்குக்குமேல் அதிக லாபம்.
திரைப்படங்களின் வியாபார வெற்றியும் இப்படித்தான் பார்க்கப்படுகின்றது.
திரைப்படத்துக்குக் கிடைக்கும் வசூலை வைத்து வெற்றி கணிக்கப்படுவதில்லை.
அதன் முதலீட்டுக்கு எத்தனை சதவீதம் லாபம் சம்பாதித்துக் கொடுக்கின்றது
என்பதில்தான் வெற்றி கணிக்கப்படுகின்றது.
இதற்கு தமிழ் சினிமாவில் உதாரணங்கள் சொல்லப்போனால் ஆச்சரியகரமான சில
தரவுகள் கிடைக்கும். ரஜினிகாந்தின் சமீபத்தய திரைப்படமான எந்திரன் ஆகா ஓகோ
என்று வசூலில் வாரிக்குவித்த திரைப்படம். சுப்ரமணியபுரம் என்ற திரைப்படமும்
நன்கு ஓடிய படம்தான். ஆனால் அதன் வசூல் எந்திரனின் வசூலுக்கு அருகில்கூட
இல்லை.
ஆனால் இந்த இரண்டில் வர்த்தக ரீதியாக வெற்றிப்படம் எது தெரியுமா?
சுப்ரமணியபுரம்தான். காரணம் அதன் முதலீடு எந்திரனுடன் ஒப்பிடும்போது
மிகமிகக் குறைவு. இதனால் லாபத்தின் சதவீதம் அதிகம்.
கட்டுரை தமிழ்ப்பட வர்த்தகம் பற்றியல்ல என்பதால் அதில் ஆழமாகப்
போகவேண்டாம். ஆங்கிலப் படங்களின் பக்கமாக வருவோம். கடந்த 40 வருடங்களாக
ஆங்கிலத்தில் வெளியாகிய திரைப்படங்களில் வர்த்தக ரீதியாக வெற்றிபெற்ற முதல்
15 படங்களும் எவையென்று உங்களுக்குத் தெரியுமா?
சமீபகாலத்தில் மிகுந்த ஆரவாரத்துடன் ஓடி வசூலில் வாரிக்குவித்த அவதார்
திரைப்படம் வர்த்தக ரீதியாக வெற்றிபெற்ற முதல் 15 படங்களுக்குள் இல்லை
என்றாவது தெரியுமா? அது மாத்திரமல்ல. சில வருடங்களுக்குமுன் வெளியாகிப்
பட்டிதொட்டியெல்லாம் புகுந்து விளையாடிய டைட்டானிக்கூட இந்தப் பட்டியலில்
இல்லை!!
வர்த்தக ரீதியாக வெற்றிபெற்ற ஆங்கிலப்படங்களின் பட்டியலில் முதல்
இடத்தில் இருக்கும் திரைப்படம் எது தெரியுமா? My Big Fat Greek Wedding
(படத்தைப் பார்த்தீர்களா?) 2002ம் ஆண்டு வெளியாகிய இந்தப் படத்தின் வசூல்
369 மில்லியன் டொலர்தான் (அவதார் திரைப்படத்தின் வசூல் 2,783,165,628
டொலர்!)
ஆனால் 369 மில்லியன் டொலர் வசூலித்த My Big Fat Greek Wedding படத்தின்
முதலலீடு வெறும் 6 மில்லியன் டொலர்தான். லாபம் 6150 சதவீதம்! சாதாரணமாக
எந்தவொரு வியாபாரத்திலும் இப்படியொரு அதிரடி லாபம் கிடைக்காது!
இதோ வர்த்தக ரீதியாக வெற்றிபெற்ற முதல் 15 படங்களின் பட்டியலையும்
அவற்றின் முதலீடு, வசூல், லாபவீதம் ஆகியவற்றின் விபரங்களையும் தருகிறோம்
பாருங்கள். பட்டியலில் நீங்கள் எதிர்பாராத சில படங்கள் இருக்கலாம்.
எதிர்பார்த்த சில படங்கள் இல்லாதிருக்கலாம்.
அத்துடன் உலகளவில் வர்த்தக ரீதியாக வெற்றிபெற்ற முதல் 15 படங்களில்
எத்தனை படங்களை நீங்கள் பார்த்திருக்கிறீர்கள் என்பதையும் சந்தடி சாக்கில்
தெரிந்து கொள்ளுங்கள்.
15. The Lord of the Rings: Return of the King (2003)
Return on investment: 1008% (Budget $111 million / Gross revenue $1.1 billion)
14. Mrs. Doubtfire (1993)
Return on investment: 1160% (Budget $38 million / Gross revenue $441 million)
13. There’s Something About Mary (1998)
Return on investment: 1194% (Budget $31 million / Gross revenue $370 million)
12. The Hangover (2009)
Return on investment: 1297% (Budget $36 million / Gross revenue $467 million)
11. Jaws (1975)
Return on investment: 1308% (Budget $36 million / Gross revenue $471 million)
10. Ghost (1990)
Return on investment: 1446% (Budget: $35 million / Gross Revenue: $506 million)
9. Home Alone (1990)
Return on investment: 1590% (Budget $30 million / Gross revenue $477 million)
8. The Passion of the Christ (2004)
Return on investment: 1749% (Budget: $35 million / Gross Revenue: $612 million)
7. American Beauty (1999)
Return on investment: 1780% (Budget $20 million / Gross revenue $356 million)
6. Star Wars (1977)
Return on investment: 1938% (Budget $40 million / Gross Revenue: $775 million
5. Grease (1978)
Return on investment: 1975% (Budget $20 million / Gross revenue $394 million)
4. Pretty Woman (1990)
Return on investment: 2013% (Budget $23 million / Gross revenue $463 million)
3. Slumdog Millionaire (2008)
Return on investment: 2520% (Budget $15 million / Gross revenue $378 million)
2. E.T. the Extra-Terrestrial (1982)
Return on investment: 3172% (Budget: $25 million / Gross Revenue: $793 million)
1. My Big Fat Greek Wedding (2002)
Return on investment: 6150% (Budget $6 million / Gross revenue $369 million)