2010-ம் ஆண்டின் அசத்தலான அறிவியல் கண்டுபிடிப்புகள்

சுக்ரு



பசைத்தன்மை கொண்ட சுக்ரு, வெளிர் வண்ணத்தில் இருக்கும் சிலிக்கான் ரப்பராகும். இதை நீங்கள் எப்படி வேண்டுமானாலும் கையாளலாம்; இழுக்கலாம்; அழுத்தலாம். இரும்பு முதல் துணி வரை எல்லாவற்றிலும் ஒட்டும் தன்மை கொண்டது இந்த சுக்ரு. 5 ஆண்டுகள் தீவிர ஆராய்ச்சிக்குப் பின்னர் இது உருவாக்கப்பட்டிருக்கிறது.

பிளாஸ்டிக் கப்பல்



பிரிட்டனைச் சேர்ந்த டேவிட் ரோட்செல்ட் என்பவர், குளிர்பான பிளாஸ்டிக் பாட்டில்களைப் பயன்படுத்தி நீரில் செல்லும் கப்பலை வடிவமைத்துள்ளார். 8.7 பில்லியன் பிளாஸ்டிக் பாட்டில்கள் இந்தக் கப்பலை உருவாக்கப் பயன்பட்டன. 18 மீட்டர் நீளமுடைய இந்தக் கப்பல், மறுசுழற்சி செய்யப்பட்ட பொருள்களைக் கொண்டு உருவாக்கப்பட்டுள்ளது. பிளாஸ்டிக் பாட்டில்களை ஒட்டுவதற்கு, முந்திரிக்கொட்டை மற்றும் கரும்பினால் தயாரிக்கப்பட்ட பசையைப் பயன்படுத்தியுள்ளனர். பிளாஸ்டிக்கை மறுசுழற்சி செய்து பல புதிய பொருள்களை உருவாக்குவதற்கான முயற்சி இது.

எடிசன் 2



குறைந்த எடைகொண்ட `எடிசன் 2' கார், குறைவான எரிபொருளில் இயங்கக் கூடியது. 3.783 லிட்டர் (ஒரு கலன்) எரிபொருளில், ஏறக்குறைய 16.5 கிலோமீட்டர் வரை பயணம் செய்ய முடியும். இந்தக் காரின் எடை வெறும் 30 கிலோகிராம் மட்டுமே என்பது குறிப்பிடத்தக்கது.

உடல் சக்தி கருவி



நம்முடைய ஒவ்வொரு செயலும் சக்தியை உருவாக்குகின்றன. உதாரணமாக, மூச்சு விடும்போது ஒரு வாட் சக்தியும், ஒரு காலடிக்கு 70 வாட் சக்தியும் உருவாகின்றன. இப்படி உடல் சக்தியை மின்சார சக்தியாக மாற்றும் கருவி கண்டுபிடிக்கப்பட்டுள்ளது. அழுத்த மின்சார படிகத்தை (டகூக்டிச் உஙீக்ஷஞ்சுகூஷ ஷசுட்சூஞ்ஹஙீசூ) உங்களுடைய உடலில் அல்லது காலணியில் வைத்துக் கொண்டால் போதும். உங்களின் செல்போன் உள்ளிட்ட மின்னணுப் பொருட்களுக்கு இதிலிருந்தே மின்னூட்டம் தர முடியும்.

விரைவாக வளரும் சால்மன் மீன்



அமெரிக்கர்களின் விருப்பமான உணவு, சால்மன் மீன். குளங்களில் வளர்க்கப்பட்டு இந்த மீன் விற்பனை செய்யப்படுகிறது. ஆனால், ஒரு கிலோ மீன் வளர, 3 கிலோ உணவு தர வேண்டும். தற்போது ஒருவகைக் கடல்பாசி உயிரினத்தின் உயிரணுக்களைக் கொண்டு, சால்மன் மீன்களின் உயிரணுக்களில் சில மாற்றங்களைச் செய்துள்ளனர். இதன்மூலம் முன்பைவிட இருமடங்கு வேகத்தில் இந்த மீன்கள் வளருமாம்.

கண் எழுத்தர்



பக்கவாதம் போன்ற காரணங்களால் உங்களுடைய உடல் செயலற்று இருக்கும்போது, மூளையின் செயல்பாடுகளை மட்டும் அறிய முடியுமா? முடியும் என்கிறது இந்தக் கண் எழுத்தர். கண் கண்ணாடியில் மென்பொருள்களை உள்ளடக்கி, கண்களின் அசைவின் மூலம் உங்கள் எண்ணங்களுக்குச் சொற்களை அளித்து, அதைத் திரையிலும் காட்டுகிறது.

இரும்பு மனிதன் உடை



இந்த உடைக்கு `எக்ஸ்.ஓ.எஸ்-2' என பெயரிடப்பட்டுள்ளது. இதை நீங்கள் அணிந்து கொண்டால், 90 கிலோ எடையுள்ள பொருளை, ஒரு துளி கூட வியர்வை இல்லாமல் தூக்கி விடலாம். ஏதாவது ஒரு பலகையைக் குத்தினால், அது உடைந்து தூள் தூளாகி விடும். கடினமான பொருள்களை அகற்றுவது போன்ற ராணுவச் செயல்பாடுகளுக்காகவே முதலில் இந்த உடை வடிவமைக்கப்பட்டது. ஆனால், இனி பொதுமக்களும் இந்த உடையைப் பயன்படுத்தலாம் என்கின்றனர் ஆராய்ச்சியாளர்கள்.

நீர்மூழ்கி பட்டங்கள்



மின்சக்தியை உருவாக்க சுவீடன் நிறுவனம் புதிதாகக் கண்டுபிடித்த பொருள் இது. காற்றைவிட, கடல்நீர் 800 மடங்கு அடர்த்தியாக இருப்பதால், இந்த நீர்மூழ்கி பட்டங்களில் இணைக்கப்பட்டிருக்கும் காற்றாடியின் சுழற்சியின் மூலம் அதிக மின்சாரத்தை உருவாக்க முடியும். அதாவது, காற்றில் உருவாக்குவதைவிட 800 மடங்கு மின்சாரத்தை கடல்நீரில்உருவாக்க முடியும். இம்முறையில் கடல் அலையில் மட்டும் 80 சதவீத மின்சக்தி உருவாக்கப்படுகிறது.

தினதந்தி!