கஞ்சா கருப்பு ஹீரோ; மூன்று ஜோடிகள் !

தாமு · தாமு Mon 23 May 2011 - 16:36

தமிழ் சினிமாவில் காமெடி நடிகர்கள் பலர் ஹீரோவாக நடித்து இருக்கிறார்கள். இப்பொழுது அந்த வரிசையில் கஞ்சா கருப்புவும் இணைந்து இருக்கிறார்.

சந்தானத்துடன் இணைந்து 'அறை எண் 305ல் கடவுள்' என்ற படத்தில் ஹீரோவாக நடித்தார். இப்போது தனி ஹீரோவாக 'மன்னார் வளைகுடா' என்ற படத்தில் நடித்து வருகிறார்.

இயக்குனர் மாதேஷிடம் 'அரசாங்கம்', புதிய படமாக 'தில்லு முல்லு' போன்ற படங்களில் உதவி இயக்குனராக பணிபுரிந்த தனசேகரன் இப்படத்தை இயக்குகிறார். 'மன்னார் வளைகுடா' என்று பெயரிடப்பட்டுள்ள இப்படத்தில், கஞ்சா கருப்புவிற்கு மூன்று நாயகிகள்.

மீனவர் வாழ்க்கையை மையப்படுத்தி உருவாகும் இப்படத்தில் மீனவராக நடிக்கிறார் கஞ்சா கருப்பு. இப்படம் குறித்து டைரக்டர் தனசேகரன் கூறுகையில் " 'மன்னார் வளைகுடா' படம், மீனவர்களின் வாழ்க்கையை மையப்படுத்தி எடுக்கப்பட இருக்கிறது.

இப்படத்தின் கதை சில உண்மை சம்பவங்களை மையப்படுத்தி கற்பனையாக எடுக்கப்பட இருக்கிறது. படத்தில் கஞ்சா கருப்பு மீனவராக வருகிறார்.

படத்தில் பாடல்கள் உண்டு, ஆனால் டூயட் காட்சிகள் கிடையாது. விரைவில் இப்படத்தின் சூட்டிங் ஆரம்பமாக இருக்கிறது. படத்தின் பெரும்பாலான காட்சிகள் ரா‌மேஸ்வரத்திலும், சில காட்சிகள் திருச்சியிலும் எடுக்கப்பட இருக்கிறது" என்று அவர் தெரிவித்தார்

விகடன்