மலேசியாவில் நிலச்சரிவு: 16 பேர் மரணம்

**சிவா** · **சிவா** Sun 22 May 2011 - 13:05

சிலாங்கூர், ஹுலுலங்காட்டில் அமைந்துள்ள அல்-தாக்வா அநாதைக் குழந்தைகள் பராமரிப்பு இல்லத்தில் தங்கியிருந்தவர்களில் 16 பேர் மாண்டனர், ஒன்பது பேர் உயிர் தப்பினர்.

நேற்று பிற்பகல் மணி 2.30 க்கு நிலச்சரிவு ஏற்பட்டபோது பாதிக்கப்பட்டவர்கள் அந்த அநாதை இல்லத்தின் வளாகத்தில் ஒரு கூடாரத்தில் இருந்தனர்.

உயிர் பிழைத்த ஒன்பது பேரில் இருவர் இருவர் தீவிர கண்காணிப்புப் பிரிவில் அனுமதிக்கப்பட்டுள்ளனர். இன்னொருவருக்கு அறுவைக் சிகிச்சை அளிக்கப்பட்டது.

நிலச்சரிவில் அகப்பட்டுக்கொண்டவர்களை வெளிக்கொணர்வதற்கு மீட்புப் பணியாளர்கள் பிற்பகல் மணி 2.45 லிருந்து சுமார் 15 மணி நேரம் வரையில் போராடினர்.

இதனிடையே, சவப் பரிசோதனைக்காக 16 சடலங்கள் கோலாலம்பூர் மருத்துவமனைக்கு கொண்டுவரப்பட்டபோது அங்கு உறவினர்களும் நண்பர்களும் கூடியிருந்தது காணப்பட்டது. அவர்களில் சிலர் கவலையுடனும் கண்ணீர் சிந்தியவாறும் இருந்தனர்.

மலேசியாஇன்று