எனது பிரியமான ரஜினி விரைந்து குணமடைய பிரார்த்திக்கிறேன் : ஷாருக் உருக்கம்

தாமு · தாமு Sat May 21, 2011 4:43 pm

எனது பிரியமான ரஜினி விரைந்து குணமடைய பிரார்த்திக்கிறேன்" என்று பாலிவுட் நடிகர் தேவ் ஆனந்த் கூறியுள்ளார். பாலிவுட் நடிகர் நடிகைகள் மற்றும் கலைஞர்கள் ரஜினி குணமடைய பிரார்த்தனை செய்தும் வாழ்த்துக்கள் கூறியும் வருகின்றனர்.

பழம்பெரும் நடிகர் தேவ் ஆனந்த், "'எனது பிரியமான ரஜினி விரைவில் குணம் அடைய பிரார்த்திக்கிறேன்' என்று கூறியுள்ளார்.

நடிகர் ஸாரூக்கான் தனது 'ட்விட்டர்' தளத்தில், "கிரிக்கெட் போட்டியிலிருந்து நான் திரும்பியபோது, ரஜினி சாருக்கு உடல்நிலை சரியில்லை என்று அறிந்து கவலைப்பட்டேன். அவர் எங்கள் சூப்பர் ஹீரோ. கடவுள் அருளால் அவர் விரைவில் குணம் அடைவார்' என்று ஷாருக்கான் எழுதி உள்ளார்.

ரஜினி விரைவில் குணம் அடைய பின்னணி பாடகி லதா மங்கேஷ்கரும் வாழ்த்து தெரிவித்துள்ளார்.

அமிதாப் பச்சன்

ரஜினியின் மிக நெருங்கிய நண்பர்களில் ஒருவரான அமிதாப் பச்சன் ரஜினி நலம் பெற பிரார்த்தனை செய்வதாக தெரிவித்தார்.

அவர் கூறுகையில், "ரஜினியின் உடல் நிலை பாதிக்கப்பட்டிருப்பது அவரது அன்பர்கள் அனைவரையும் மிகவும் பாதித்துள்ளது. அவரிடம் நான் பேசினேன். அவர் மனைவி லதாவிடம் தொடர்ந்து பேசிக் கொண்டுள்ளேன். ரஜினி குணமடைந்து வருவதாக லதா என்னிடம் கூறினார். மிக விரைவில் அவர் நலம்பெற்று வரவேண்டும் என பிரார்த்திக்கிறேன்," என்றார்.

தாமு · தாமு Sat May 21, 2011 4:44 pm

ரஜினிகாந்துக்கு சிகிச்சை அளிக்க அமெரிக்க டாக்டர்கள் நாளை வருகை !

எனது பிரியமான ரஜினி விரைந்து குணமடைய பிரார்த்திக்கிறேன் : ஷாருக் உருக்கம் Rajanikanth-21-05-11

எனது பிரியமான ரஜினி விரைந்து குணமடைய பிரார்த்திக்கிறேன் : ஷாருக் உருக்கம் Rajanikanth-21-05-11

நடிகர் ரஜினிகாந்துக்கு திடீர் உடல்நலக்குறைவு ஏற்பட்டது. மயிலாப்பூர் இசபெல்லா ஆஸ்பத்திரியில் அனுமதிக்கப்பட்டு இரண்டு முறை சிகிச்சை பெற்றார். கடந்த 13-ந்தேதி போரூரில் உள்ள ராமச்சந்திரா மருத்துவமனையில் அனுமதிக்கப்பட்டார்.

அங்கு ரஜினிக்கு முழு மருத்துவ பரிசோதனை செய்யப்பட்டது. அப்போது நுரையீரலில் நீர் கோர்ப்பு இருப்பது கண்டுபிடிக்கப்பட்டது. இதன் மூலம் ரஜினிக்கு மூச்சுத்திணறல் இருப்பது கண்டறியப்பட்டது. சிறு நீரகம் லேசாக பாதிக்கப்பட்டு காலில் வீக்கமும் ஏற்பட்டது. டாக்டர்கள் சிறிய ஆபரேஷன் மூலம் நீர் கோர்ப்பை அகற்றினர்.

தற்போது தீவிர சிகிச்சை பிரிவுக்கு மாற்றப்பட்டு ரஜினிக்கு சிகிச்சை அளிக்கப்படுகிறது. அவர் இட்லி வடை சாப்பிடுவதாக சிகிச்சை அளிக்கும் டாக்டர் தணிகாசலம் கூறினார். இன்று அல்லது நாளை தனியறைக்கு மாற்றப்படுவார் என தெரிகிறது.

ரஜினிக்கு சிகிச்சை அளிக்க அமெரிக்க டாக்டர்கள் நாளை வர இருப்பதாக கூறப்படுகிறது. இதற்கிடையில் ரஜினி நலம் பெற ரசிகர்கள் கோவில்களில் பிரார்த்தனை செய்யும் தகவல் அவருக்கு தெரிவிக்கப்பட்டது. அதை கேட்டதும் நெகிழ்ச்சியடைந்தார். பூரண நலம் பெற வாழ்த்து செய்தி வெளியிட்டவர்கள், ஆஸ்பத்திரிக்கு நேரில் வந்தவர்கள் விவரங்களும் தெரிவிக்கப்பட்டன.

டிஸ்சார்ஜ் ஆனதும் அனைவருக்கும் நன்றி தெரிவித்து அறிக்கை வெளியிட முடிவு செய்துள்ளார்.ஆஸ்பத்திரியில் அடிக்கடி தியானம் செய்கிறார் என்றும் ராகவேந்திரா, சீரடி சாய்பாபா ஆகியோரின் பெயர்களை சொல்லி மருந்துகளை சாப்பிடுகிறார் என்றும் “ராணா” பட தயாரிப்பாளர் முரளி மனோகர் கூறினார்.

ரஜினி உடல்நிலை குறித்து வெளிநாட்டு டாக்டர்களுடனும் ஆலோசனை நடத்தப்பட்டு வருகிறது. சிகிச்சைக்கு பின் உடல்நிலையில் முன்னேற்றம் ஏற்பட்டு இருப்பதாக கூறப்படுகிறது. இன்னும் ஓரிரு வாரங்கள் ஆஸ்பத்திரியில் இருப்பார் என ஆஸ்பத்திரி வட்டாரங்கள் தெரிவித்தன.

ts