தமிழகம் முழுவதும் ரவுடிகள் வேட்டை : வேலூர்,தி.மலையில் 214 பேர் அதிரடி கைது

kitcha · kitcha Fri May 20, 2011 9:06 pm

வேலூர், திருவண்ணாமலை மாவட்டங்களில் ஒரே நாளில் 214 ரவுடிகள் கைது செய்யப்பட்டனர். ஜாமீனில் வந்தவர்கள் மீண்டும் குற்ற செயல்களில் ஈடுபட்டால் எவ்வித விசாரணையும் இன்றி 6 மாதம் சிறையில் அடைக்க குற்றவியல் நடைமுறை சட்டத்தில் வழிவகை செய்யப்பட்டுள்ளது.

தமிழகம் முழுவதும் உள்ள ரவுடிகள் மீது கடும் நடவடிக்கை எடுக்கப்படும் என முதல்வர் ஜெயலலிதா அறிவித்திருந்தார்.

தமிழகம் முழுவதும் ரவுடிகள் வேட்டை : வேலூர்,தி.மலையில் 214 பேர் அதிரடி கைது CloseX

இதையடுத்து தமிழகம் முழுவதும் ரடிவுகள் பட்டியல் தயாரிக்கப்பட்டு அவர்களை பிடிக்கும் பணி தீவிரமாக நடைபெற்று வருகிறது.

இதையடுத்து ஒவ்வொரு போலீஸ் நிலையத்திலும் உள்ள சட்டம் ஒழுங்கு இன்ஸ்பெக்டர்கள் தலைமையில் போலீசார் நேற்றிரவு ரவுடிகள் வேட்டையை தொடங்கினர்.

இதன்படி திருவாரூர், தஞ்சை, கரூர், புதுக்கோட்டை, திருச்சி, அரியலூர், நாகை உட்பட டெல்டா மாவட்டங்களில் நேற்று நடத்தப்பட வேட்டையில் ரவுடிகள், தலைமறைவு குற்றவாளிகள், சாராய வியாபாரிகள் என சுமார் 600 பேர் கைது செய்யப்பட்டுள்ளனர்.

வேலூர், தி.மலை மாவட்டங்கள் அடங்கிய வேலூர் சரகத்தில் டிஐஜி ஜெய்ராம் உத்தரவின்பேரில் எஸ்பிக்கள் அன்பு (வேலூர்), ஜோஷி நிர்மல் குமார் (தி.மலை) ஆகியோர் தலைமையில் நேற்றிரவு சிறப்பு ரவுடிகள் வேட்டை நடத்தப்பட்டது.

இரவு ரோந்துகள் தீவிரப்படுத்தப்பட்டு பழைய குற்றவாளிகள் யார் யார் என்ன செய்து கொண்டிருக்கிறார்கள் என தீவிர விசாரணை நடத்துகின்றனர். பழைய வழக்குகளில் வாரண்டு பிறப்பிக்கப்பட்டு தலைமறைவாக இருக்கும் பழைய குற்றவாளிகளை போலீசார் தேடினர்.

வேலூர் மாவட்டத்தில் பழைய குற்றவாளிகள் 37 பேர் நேற்று கைது செய்யப்பட்டனர். இவர்கள் அனைவரும் அந்தந்த பகுதி ஆர்டிஓக்கள் முன்னிலையில் ஆஜர்படுத்தப்பட்டு 6 மாதங்களுக்கு இனி எந்த குற்றச் செயல்களிலும் ஈடுபடமாட்டோம் என்று உறுதிமொழி பத்திரம் எழுதிக் கொடுத்துள்ளனர்.

இதையும் மீறி அவர்கள் தொடர்ந்து குற்றச் செயல்களில் ஈடுபட்டால் உடனடியாக கைது செய்யப்பட்டு 6 மாதங்கள் விசாரணையின்றி சிறையில் அடைக்கப்படுவார்கள். நள்ளிரவில் நடமாடிய சந்தேக நபர்கள் 132 பேர் கைது செய்யப்பட்டனர். இவர்களின் விவரங்களை பதிவு செய்துகொண்ட போலீசார் அவர்களின் கைவிரல் ரேகைகளை பதிவு செய்து கொண்டு எச்சரித்து அனுப்பி வைத்தனர்.

தி.மலை மாவட்டத்தில் 3 பழைய ரவுடிகள் கைது செய்யப்பட்டு ஆர்டிஓக்களிடம் உறுதிமொழிப் பத்திரம் எழுதிக் கொடுத்துள்ளனர். சந்தேக நபர்கள் 42 பேர் கைது செய்யப்பட்டு கைவிரல் ரேகைகள் பதிவு செய்யப்பட்டுள்ளன.

வேலூர் சரகத்தில் நேற்று ஒரே நாளில் 40 பழைய குற்றவாளிகள் கைது செய்யப்பட்டுள்ளனர். 174 பேர் சந்தேக நபர்கள் பட்டியல் என மொத்தம் 214 பேர் கைது செய்யப்பட்டுள்ளனர் என்பது குறிப்பிடத்தக்கது.

nakkheeran

Guest · Guest Fri May 20, 2011 9:56 pm

அழகிரி லிஸ்டில் உண்டா .,

தமிழகம் முழுவதும் ரவுடிகள் வேட்டை : வேலூர்,தி.மலையில் 214 பேர் அதிரடி கைது

தமிழகம் முழுவதும் ரவுடிகள் வேட்டை : வேலூர்,தி.மலையில் 214 பேர் அதிரடி கைது

Re: தமிழகம் முழுவதும் ரவுடிகள் வேட்டை : வேலூர்,தி.மலையில் 214 பேர் அதிரடி கைது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக