போர்க்களமா வாழ்க்கை?

ஷீ-நிசி · ஷீ-நிசி Fri May 20, 2011 5:16 pm

போர்க்களமா வாழ்க்கை?
பார்க்கலாமே ஒரு கை!

சோர்ந்து விடாதே!
இதுதானா வாழ்க்கை என்று
கோழைகளின் பட்டியலில்
சேர்ந்து விடாதே!

இல்லையென்பார்,
இருப்பதைக் கொடுப்பாய்;
இன்னமும் என்பார்
இதுதான் முடியும் என்பாய்!

மறுகணமே
கஞ்சப் பிரபு என
புறம் கூற புரண்டு நிற்கும்
பஞ்சப் பிரபுவின் நாக்கு!

கொடுத்ததை
திரும்பக் கேட்டால்
கோமாளி என்பான்;
இரக்கப்பட்டு விட்டுவிட்டாலோ
ஏமாளி என்பான்!

நாம் இழைக்கும்
தவறுகளிலே
கதைப் பேசி
பிழைக்கும் கூட்டங்கள்

இந்த
நயவஞ்சக நாக்கினைக் கண்டு;
கதற வேண்டாம் -உன்மனம்
பதற வேண்டாம்!

வீணாய்
ஒலித்துக்கொண்டிருக்கும்
ஓநாய்களின் ஒப்பாரி சத்தமது..
தானாய் குறைந்து விடும்;
ஒரு நாள் காணாமலே
கரைந்து விடும்!

கருணையற்ற கூட்டம்
காணும்படி,
கண்ணீரை மட்டும்
சிந்தி விடாதே!

இவர்கள் -உன்
விழி நீரிலே விளையாடும்
விந்தை மனிதர்கள் -உன்
கண்ணீரிலே கவிபாடும்
கந்தை மனிதர்கள்!

வில்லில் பூட்டினஅம்புக்கும், -வீணர்களின்
சொல்லில் பிறக்கும் வார்த்தைகளுக்கும்,
அதிக வித்தியாசமில்லை!
இரண்டுமே
காயப்படுத்திவிட தயாராய்;

அம்பின் கூர்மையும்
மழுங்கி விடலாம்;
வம்பளக்கும் அவர்களின்
நாவுகளோ ஒருநாளும்
மழுங்கி விடாது!

புறம் கூறிடும்
வஞ்சக கூட்டத்தின்;
நிறம் மாறிடும் நாட்கள்
வெகு தொலைவில்
அல்ல தோழா!

நன்றி கெட்ட
மனிதனின் நாக்கு;
அப்படி இப்படி
புரளத்தான் செய்யும்!

அவனுக்கும்
ஒரு கூட்டம்;
எப்படி எப்படியோ
திரளத்தான் செய்யும்!

போகட்டும்..
அவர்களிடம் இல்லாத,
ஆனால் உன்னிடம் இருக்கும்
ஒரே ஆயுதம் மன்னிப்பு!

இவர்களைப் பற்றி
இனி மனதிலே
சிந்திக்கவும் வேண்டாம்!
மறந்தும் கூட
நிந்திக்கவும் வேண்டாம்!

காலம் கண் போன்றது!
கவனித்துக்கொண்டே இருக்கிறது!!

ஜாவிட் ரயிஸ் · ஜாவிட் ரயிஸ் Fri May 20, 2011 5:26 pm

கவிதையில் அடக்கமுடியாதது எதுவும் இல்லை என்று நிரூபிக்கிறது உங்கள் கவிதை.
மிகவும் அருமை. மகிழ்ச்சி

Jiffriya · Jiffriya Fri May 20, 2011 5:37 pm

ஒவ்வொரு மனிதனின் இயல்பையும் அழகாய் எடுத்துக் காட்டிருக்கிறீர்கள்..
..ஆழமான கருத்துக்கள் இருக்கிறது ஒவ்வொரு வரியிலும் சூப்பர்.. சூப்பருங்க

முரளிராஜா · முரளிராஜா Fri May 20, 2011 8:37 pm

ஒவ்வொரு வரியும் அருமை நண்பரே மகிழ்ச்சி

ஆத்மசூரியன் · ஆத்மசூரியன் Sun May 22, 2011 12:38 am

நல்ல கவிதை ...

மகா பிரபு · மகா பிரபு Sun May 22, 2011 8:38 am

இக்கவிதையில் வரும் கஞ்ச பிரபு மற்றும் பஞ்ச பிரபு என்பனவற்றிற்கும் எனக்கும் எவ்வித தொடர்பும் இல்லை என்பதை என் வக்கீல் மூலமாக தெரிவித்துக் கொள்கிறேன்.

jeylakesengg · jeylakesengg Sun May 22, 2011 9:42 am

உண்மை கவிதை மகிழ்ச்சி

மஞ்சுபாஷிணி · மஞ்சுபாஷிணி Tue May 24, 2011 10:18 pm

இப்படியும் அப்படியும் புரட்டி புரட்டி நரம்பில்லா நாக்கு பேசும் வித்தைகளை மனிதர்கள் பலவிதம் ஒவ்வொன்றும் ஒருவிதம் என்று அருமையான வார்த்தைகளால் கோர்த்த ஷீநிசிக்கு என் அன்பு வாழ்த்துக்கள்... சூப்பருங்க

puthuvaipraba · puthuvaipraba Wed May 25, 2011 6:10 am

ரசிக்கவும் சிந்திக்கவும் வைத்த வரிகள். வாழ்த்துக்கள்

ஷீ-நிசி · ஷீ-நிசி Wed May 25, 2011 7:16 am

நன்றிகள் அனைவருக்கும்!

Sponsored content · Sponsored content

போர்க்களமா வாழ்க்கை?

போர்க்களமா வாழ்க்கை?

Re: போர்க்களமா வாழ்க்கை?

Re: போர்க்களமா வாழ்க்கை?

Re: போர்க்களமா வாழ்க்கை?

Re: போர்க்களமா வாழ்க்கை?

Re: போர்க்களமா வாழ்க்கை?

Re: போர்க்களமா வாழ்க்கை?

Re: போர்க்களமா வாழ்க்கை?

Re: போர்க்களமா வாழ்க்கை?

Re: போர்க்களமா வாழ்க்கை?

Re: போர்க்களமா வாழ்க்கை?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக