அப்பா என்றொரு வேதம்

வித்யாசாகர் · வித்யாசாகர் Wed Sep 09, 2009 2:54 am

அப்பா என்றொரு வேதம்

அந்த கிழவனின் கண்களில் ஊடுருவித்
தான் பிறக்கிறது -
என் பார்வையும் பயணமும்!
அவனின் இதயம் வழியாகத் தான்
பேச ஆரம்பித்தன -
என் நாடிகளும் நரம்புகளும்!

அவன் உணர்வுகளிலிருந்து தெளிந்து வந்து தான்
சுயேட்சைப் பெற்றது -
என் மனசாட்சியும் லட்சியங்களும்!

அவன் கொள்கையின் அழுத்தத்திலிருந்து தான்
வளர்ந்தது -
என் வீரமும் விவேகமும்!

அவன் உண்ணக் கிடைக்காத உணவும்
உறங்கி செரித்திடாத பொழுதுகளுமே
என் பட்டமும் பாடமும்!

கடைசி வரை அவன் ஊன்றிடாத கைத்தடியும்
அணிந்திடாதக் கருப்புக் கண்ணாடியும்
கற்றுத் தந்தது தானென் - நம்பிக்கையும் பலமும்!

அவன் கற்றுத் தராத பாடம் மட்டுமே
எனக்கு மிச்சம் மீந்த -
தேடல்களும் ஞானமும்!

அவன் தொட்டும், சாய்ந்தும் வாசம் செய்த
ஆறடிக் கயிற்றுக் கட்டில் தான் -
எனக்குக் கொடுக்காமல் கிடைத்த உலகமும் சொர்கமும்!

ஆக, அவன் வாழ்வின் அர்த்தமாகவே
நீள்கிறது - என் வாழ்வின்
எஞ்சிய நாட்கள்!

அந்த நாட்களின்.. நிமிடங்களின்.. நொடிகளின்..
ஒவ்வொரு விளிம்பிலும் - எங்கே அவன் உயிர் படாத
கடைசி இடமெனத் தேடுகிறேன்.,

சுடுகாட்டு நெருப்பு எங்கோ தூர நின்று
எனைச் சுட்டு எரிக்கையில் -
அப்பா என்று அழுவதைத் தவிர
வேறு வழி தெரியவில்லை!
______________________________
வித்யாசாகர்

வித்யாசாகர் · வித்யாசாகர் Wed Sep 09, 2009 2:58 am

ஒருவன் தன் வயதான அப்பாவிற்கு கொல்லி இட்டுவிட்டு தெருவில் நடந்து போகையில்.. எங்கு கண்டாலும் அவர் முகமும் நினைவுமாகவே இருக்கிறது..

அவனின் மன ஓலம் தான் மேலுள்ள கவிதை.. அப்பா என்றொரு வேதம்!

ஒருவன் வாழவேண்டிய விதத்தை வேதம் சொல்கிறதாம், வாழும் விதத்தை அப்பா சொன்னாரல்லவா?

அவருக்கு காணிக்கையிட்ட தலைப்பிது.. அப்பா என்றொரு வேதம்!

ரூபன் · ரூபன் Wed Sep 09, 2009 2:58 am

சுடுகாட்டு நெருப்பு எங்கோ தூர நின்று
எனைச் சுட்டு எரிக்கையில் -
அப்பா என்று அழுவதைத் தவிர
வேறு வழி தெரியவில்லை!

அப்பா என்றொரு வேதம் 67637

அருமை இந்த நேரத்தில் என் அப்பாவை ஜாபகப்படுத்தியதற்கு நன்றிகள் அருமை கவிதை

**சிவா** · **சிவா** Wed Sep 09, 2009 3:01 am

இந்தக் கவிதைக்கு இங்கு வாக்களியுங்கள்!

http://www.tamilish.com/Kavithai/%E0%AE%B5%E0%AE%BF%E0%AE%A4%E0%AF%8D%E0%AE%A4%E0%AE%BF%E0%AE%AF%E0%AE%BE%E0%AE%9A%E0%AE%95%E0%AE%B0%E0%AE%BF%E0%AE%A9%E0%AF%8D_%E0%AE%AA%E0%AE%95%E0%AF%8D%E0%AE%95%E0%AE%99%E0%AF%8D%E0%AE%95%E0%AE%B3%E0%AF%8D_-_%E0%AE%85%E0%AE%AA%E0%AF%8D%E0%AE%AA%E0%AE%BE_%E0%AE%8E%E0%AE%A9%E0%AF%8D%E0%AE%B1%E0%AF%8A%E0%AE%B0%E0%AF%81_%E0%AE%B5%E0%AF%87%E0%AE%A4%E0%AE%AE%E0%AF%8D/

ரூபன் · ரூபன் Wed Sep 09, 2009 3:03 am

**சிவா** · **சிவா** Wed Sep 09, 2009 3:04 am

கவிதையும் அதற்கான கருத்தும் மிகவும் அருமை வித்யாசாகர்!

வித்யாசாகர் · வித்யாசாகர் Wed Sep 09, 2009 3:19 am

இந்தக் கவிதைக்கு இங்கு வாக்களியுங்கள் - சிவா

என்னை எங்கோ கொண்டு செல்ல முயற்சிக்கிறீர்கள்

உங்களின் அன்புக்கு பாத்திரமாக நானும், மதிப்பிற்கு பாத்திரமாக என் எழுத்தும் மேன்மை கொள்வதில்..

வெறும் நன்றி பெரிதில்லை தான்..

**சிவா** · **சிவா** Wed Sep 09, 2009 3:21 am

திறமையானவர்களை ஊக்குவிக்க ஒருபோதும் நான் தவறுவதில்லை! இதற்கு தாங்களும் விதிவிலக்கில்லை! ஈகரையின் அன்பு உங்களிடத்தில் ஒருபோதும் மாறாது!

ரூபன் · ரூபன் Wed Sep 09, 2009 3:23 am

வித்யாசாகர் · வித்யாசாகர் Wed Sep 09, 2009 3:39 am

நன்றி..

ரூபன்.. ஈழத்தின் கண்ணீர் ரத்தங்களாக எனக்குள் சொட்டிக் கொண்டிருக்கிறது..

விடை கொடு விடை கொடு நாடே பாட்டின் வரிகள் எனக்குள் வலித்துக் கொண்டே தானிருக்கிறது..

கண்ணத்தில் முத்தமிட்டால் திரை படத்தை தனியாக அழுது அழுது பார்த்திருக்கிறேன்.. அந்த வலிகளை என் கடமையென எனக்குள் அந்த படத்தின் மூலமும் பதிய போட்டிருக்கிறேன்..

ஈழத்தின் ஒரு காய்ந்து போகாத கண்ணீரின் ஈரச் சுவடுகள் மனதில் பதிந்திருக்கிறது, சென்ற மாதம் கூட ஒரு தமிழ் கூட்டத்தில் ஒரு ஈழத்து நண்பர் எங்களுக்கு விடியவே இல்லையென்ற கணம் எனக்குள் நான் சுக்குநூரானேன், நம் தேசம் நமக்கு கிடைக்கும் ரூபன், நல்லவனின் வலிக்கு காலம் பதில் சொல்லும் ரூபன்..

எனக்குள் மட்டுமல்ல நம் போன்ற கலங்கிய விழிகளின் ஒவ்வொரு சொட்டு கண்ணீருக்குள்ளும் நம் வெற்றிகள் பொதிந்துள்ளன, அந்த வெற்றிகளின் வழிகளை காலம் தானே தேர்ந்தெடுத்துக் கொள்ளும் பாருங்கள்.. நாமும் அதற்கு சூத்திர தாரிகளாக நம் கடமைகளை எழுத்துக்களின் மூலமும் நிரூபிப்போம்..

Sponsored content · Sponsored content

அப்பா என்றொரு வேதம்

அப்பா என்றொரு வேதம்

Re: அப்பா என்றொரு வேதம்

Re: அப்பா என்றொரு வேதம்

Re: அப்பா என்றொரு வேதம்

Re: அப்பா என்றொரு வேதம்

Re: அப்பா என்றொரு வேதம்

Re: அப்பா என்றொரு வேதம்

Re: அப்பா என்றொரு வேதம்

Re: அப்பா என்றொரு வேதம்

Re: அப்பா என்றொரு வேதம்

Re: அப்பா என்றொரு வேதம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக