கவிதை!

ஷீ-நிசி · ஷீ-நிசி Thu May 19, 2011 9:06 pm

First topic message reminder :

கவலைகளில்....
பலர் கண்ணீரில் அழுகிறார்கள்!
சிலர் கவிதையில் அழுகிறார்கள்!!

விழிகளின் வழியே அழுதால்
அது கண்ணீர் கோடுகள்!
விரல்களின் வழியே அழுதால்
அது கவிதை கோடுகள்!

மனம் கணக்கும் வார்த்தைகளோ!
மனம் மயக்கும் வார்த்தைகளோ!

இதழ் வழியே சிந்த விடாமல்,
விரல் வழியே சிந்தும் விந்தை....
கவிதை!!

எழுதுகோலும், எழுதுதாளும்!
சங்கமித்தால் வரிகள் பிறக்கும்!

இதயமும் துன்பமும்
சங்கமித்தால் வலிகள் பிறக்கும்!

வரிகளும் வலிகளும்
சங்கமித்தால் கவிதை பிறக்கும்!

கண்கள் கண்ட நிகழ்வை,
இதயம் பாதித்த ஒன்றை,
பல வரிகளில் படைத்தான்..
கவிஞன் ஒருவன்......

படைத்தவனை பாதித்தது....
படிப்பவனை பாதித்தால்,,,

"கவிதை"