தேசிய விருதுகள் அறிவிப்பு-சிறந்த நடிகர் தனுஷ், சிறந்த நடிகை சரண்யா-தம்பி ராமையா சிறந்த துணை நடிகர்

58வது தேசிய திரைப்பட விருதுகள் அறிவிக்கப்பட்டுள்ளன. இதில் ஆடுகளம் படத்தில் நடித்த நடிகர் தனுஷ், சலீம் குமார் என்ற நடிகருடன் இணைந்து சிறந்த நடிகருக்கான விருதைப் பகிர்ந்து கொள்கிறார்.

அதேபோல தென் மேற்குப் பருவக் காற்று படத்தில் சிறப்பாக நடித்திருந்த சரண்யா பொன்வண்ணன், நடிகை மித்தாலியுடன் இணைந்து சிறந்த நடிகைக்கான விருதை பெறுகிறார்.

58வது தேசிய திரைப்பட விருதுகள் இன்று டெல்லியில் அறிவிக்கப்பட்டன.

சிறந்த நடிகர் தனுஷ்

அதன்படி ஆடுகளம் படத்தில் நடித்த நடிகர் தனுஷுக்கு சிறந்த நடிகருக்கான விருது கிடைத்துள்ளது. இந்த விருதை அவர் நடிகர் சலீம் குமார் என்பவருடன் இணைந்து பெறுகிறார்.

சிறந்த நடிகை சரண்யா

இதேபோல சிறந்த நடிகைக்கான விருது சரண்யாவுக்குக் கிடைத்துள்ளது. தென் மேற்குப் பருவக் காற்று படத்துக்காக இந்த விருது அவருக்குக் கிடைத்துள்ளது. இவர் மித்தாலி என்ற நடிகையுடன் இணைந்து சிறந்த நடிகைக்கான விருதைப் பெறுகிறார்.

சிறந்த இயக்குநர் வெற்றி மாறன்

சிறந்த இயக்குநருக்கான விருது வெற்றி மாறனுக்குக் கிடைத்துள்ளது. இதற்கான தங்கத் தாமரை விருதை அவர் பெறுகிறார்.

சிறந்த திரைக்கதை - வெற்றி மாறன்

சிறந்த திரைக்கதைக்கான விருதையும் வெற்றி மாறனே தட்டிச் சென்றுள்ளார்.

சிறந்த துணை நடிகர் தம்பி ராமையா

சிறந்த துணை நடிகருக்கான விருது தம்பி ராமையாவுக்குக் கிடைத்துள்ளது. காமெடியனாக, இயக்குநராக அறியப்பட்ட தம்பி ராமையா சிறப்பான நடிப்பை வெளிப்படுத்தியிருந்த படம் மைனா. இந்தப் படத்துக்காக தம்பி ராமையா, சிறந்த துணை நடிகருக்கான விருதை தட்டிச் சென்றுள்ளார்.

சிறந்த துணை நடிகை சுகுமாரி

சிறந்த துணை நடிகை விருது சுகுமாரிக்குக் கிடைத்துள்ளது. நம் கிராமம் என்ற படத்துக்காக அவர் இதைப் பெறுகிறார்.

சிறந்த பாடலாசிரியர் வைரமுத்து

சிறந்த பாடலாசிரியருக்கான விருது வைரமுத்துவுக்குக் கிடைத்துள்ளது. தென் மேற்குப் பருவக் காற்று படத்துக்காக இந்த விருது அவரைத் தேடி வந்துள்ளது.

சிறந்த தமிழ்ப் படம்

தமிழில் சிறந்த படமாக தென் மேற்குப் பருவக் காற்று திரைப்படம் தேர்வாகியுள்ளது.

சிறந்த நடன அமைப்பு திணேஷ்

ஆடுகளம் படத்தில் நடன வடிவமைப்பு செய்திருந்த திணேஷுக்கு சிறந்த நடன அமைப்புக்கான விருது கிடைத்துள்ளது.

எந்திரனுக்கு 3 விருதுகள்

சூப்பர் ஸ்டார் ரஜினிகாந்த் நடித்த எந்திரன் படத்துக்கு 3 விருதுகள் கிடைத்துள்ளன.

சிறப்பு ஸ்பெஷல் எபக்ட்ஸ், சிறந்த கலை மற்றும் தயாரிப்பு வடிவமைப்பு ஆகியவற்றுக்கான விருதுகளை எந்திரன் பெற்றுள்ளது.

ஆடுகளத்திற்கு 5 விருதுகள்

ஆடுகளம் மொத்தம் ஐந்து விருதுகளை அள்ளிச் சென்றுள்ளது.

சிறந்த நடிகர், சிறந்த இயக்குநர், சிறந்த திரைக்கதை, சிறந்த நடன வடிவமைப்பு, சிறந்த படத்துக்கான சிவராம காரந்த் விருது ஆகியவை ஆடுகளம் படத்துக்குக் கிடைத்துள்ளது.

நன்றி ஒன் இந்தியா

சிறந்த தேசிய விருதா? தனுஷுக்கா?

வேதனை...!

மாநில விருதா அல்லது தேசிய விருதா? கொஞ்சம் நல்லா பார்த்துச் சொல்லுங்கப்பூ!

தனுஷ் க்கு வாழ்த்துக்கள் .மிக நன்றாகவே ஆடுகளத்தில் நடித்து இருந்தார்

ராம்

தமிழில் இவரைவிடச் சிறந்த நடிகர்கள் ஏராளம்! அவர்களுக்கு ஏன் வழங்கப்படவில்லை!

என்ன இப்படி சொல்லி விட்டீங்க .பாலுமகேந்திராவிடம் சேர்ந்தால் கல்லேநடிக்க அர்ம்பிக்கும் .பாலு படத்தில் இருந்தே நடிப்பில் தனுஷ் நன்றாகவே நடித்து வந்தார் .அதுவும் அந்த மதுர ஷிலெங்க்கும் மதுர தெனாவெட்டும் ஆடுகளத்தில் ஒரு ஆட்டமே போட்டு இருப்பார் தனுஷ்

ராம்

சிவா wrote:சிறந்த தேசிய விருதா? தனுஷுக்கா?

வேதனை...!

மாநில விருதா அல்லது தேசிய விருதா? கொஞ்சம் நல்லா பார்த்துச் சொல்லுங்கப்பூ!

வெற்றிமாறனுக்கு வாழ்துக்கள் .இந்த படத்திற்காக அவர் அதிக ஹோம்வொர்க் செய்துள்ளார்.

சிவா wrote:சிறந்த தேசிய விருதா? தனுஷுக்கா?

வேதனை...!

மாநில விருதா அல்லது தேசிய விருதா? கொஞ்சம் நல்லா பார்த்துச் சொல்லுங்கப்பூ!

என்ன அண்ணா தனுஷ் நல்ல நடிகர்

சிவா wrote:சிறந்த தேசிய விருதா? தனுஷுக்கா?

வேதனை...!

மாநில விருதா அல்லது தேசிய விருதா? கொஞ்சம் நல்லா பார்த்துச் சொல்லுங்கப்பூ!

தேசிய விருதுதான் பாஸ் (நன்றி : விகடன், ரீடிஃப்)

58-வது தேசிய திரைப்பட விருதுகள் இன்று அறிவிக்கப்பட்டன. இதில், முக்கிய விருதுகளை வெல்வதில் தமிழ்த் திரையுலகம் ஆதிக்கம் செலுத்தியுள்ளது.

சிவா wrote:சிறந்த தேசிய விருதா? தனுஷுக்கா?

வேதனை...!

மாநில விருதா அல்லது தேசிய விருதா? கொஞ்சம் நல்லா பார்த்துச் சொல்லுங்கப்பூ!

நல்ல வேலை ,மாப்பிள்ளை படத்திர்க்கு கொடுக்காமல் விட்டார்களே >
ஆடுகளம் படத்தில் தனுஷ் நன்றாக நடித்து இருந்தார் என்று நினைக்கிறேன்