பிளக்ஸ் போர்டு வைக்க அ.தி.மு.க.,தலைமை தடை

"சட்டசபை தேர்தலில் பெற்ற வெற்றியை அ.தி.மு.க.,வினர் கொண்டாட, பொதுமக்களுக்கு இடைஞ்சல் தரும் வகையில் கட்சியினர் டிஜிட்டல் பேனர், தட்டிகள் வைக்கக்கூடாது' என்று கட்சித்தலைமை உத்தரவிட்டுள்ளது. தமிழகத்தில் கட்சிகள் மத்தியில் இருந்த கட்-அவுட் கலாச்சாரம் மறைந்து போய், தற்போது டிஜிட்டல் பேனர் கலாச்சாரம் நிறைந்துள்ளது. தலைவர்கள் வருகை, அமைச்சர் வருகை, தேர்தலில் வெற்றி என்று எதற்கெடுத்தாலும் பிரமாண்ட டிஜிட்டல் பேனர் வைத்து பொதுமக்களுக்கு இடையூறு செய்வதை கட்சியினர் வழக்கமாக கொண்டுள்ளனர். கடந்த தி.மு.க., ஆட்சியில், முதல்வர் முதல், யூனியன் சேர்மன் வரை, யார் வந்தாலும் அவரை வரவேற்று பிரமாண்ட டிஜிட்டல் பேனர்களை, ரோட்டில் குழிதோண்டி வைத்து அசத்தினர் இப்படி ரோட்டில் டிஜிட்டல் பேனர், தட்டிகளை வைத்ததால் பொதுமக்கள் பல்வேறு இன்னல்களை சந்தித்து அதிருப்தி அடைந்தனர். கடந்த தேர்தலில் தி.மு.க.,வின் தோல்விக்கு டிஜிட்டல் பேனர் கலாச்சாரமும ஒரு காரணம். தற்போது சட்டசபைத் தேர்தலில் வெற்றி பெற்ற அ.தி.மு.க.,வினர், முதல்வர் ஜெயலலிதாவுக்கும், அமைச்சர்களுக்கும் வாழ்த்து தெரிவித்தும், பொதுமக்களுக்கு நன்றி தெரிவித்தும் மாநிலம் முழுவதும் பிரமாண்ட டிஜிட்டல் பேனர்களை வைத்துள்ளனர். இதையறிந்த முதல்வர் ஜெயலலிதா, "பொதுமக்களுக்கும், போக்குவரத்துக்கும் இடையூறு ஏற்படுத்தும் டிஜிட்டல் பேனர்களை அ.தி.மு.க.,வினர் எங்கும் புதிதாக வைக்கக்கூடாது; ஏற்கனவே வைக்கப்பட்டிருந்தால் அவற்றை உடனடியாக அகற்றிட வேண்டும்' என்றும் உத்தரவிட்டுள்ளார். இதுகுறித்து கட்சி தலைமை அலுவலகம் மூலம் அனைத்து மாவட்ட செயலாளர்களுக்கும், அமைச்சர்களுக்கும் அறிவுறுத்தல் வழங்கப்பட்டுள்ளது. ஆகையால் வெற்றி கொண்டாட்டம் என்ற பெயரில் மாநிலம் முழுவதும் அ.தி.மு.க.,வினர் டிஜிட்டல் பேனர்களை வைக்க வாய்ப்பில்லை. ஜெ.,வின் உத்தரவையடுத்து திருச்சி மாநகரில் வைக்கப்பட்டிருந்த டிஜிட்டல் பேனர்களை அ.தி.மு.க.,வினர் அகற்ற ஆரம்பித்துள்ளனர். "டிஜிட்டல் பேனர் வைக்கக்கூடாது' என்று கட்சியினருக்கு முதல்வர் உத்தரவிட்டுள்ளது, பொதுமக்கள் மத்தியில் பலத்த வரவேற்பை பெற்றுள்ளது.

தினமலர்

ரொம்ப நல்ல செய்தி

நல்ல விசயம்தான் பாராட்டுகள்

ஆச்சர்யமான ஆனால் நல்ல விஷயம் இதை கொண்டாட ஒரு பேனர் வைத்து விட போகிறார்கள்

maniajith007 wrote:ஆச்சர்யமான ஆனால் நல்ல விஷயம் இதை கொண்டாட ஒரு பேனர் வைத்து விட போகிறார்கள்

அட ஆமாம்பா ஆமா ...நல்ல விஷயம் தான் ...

சாந்தன் wrote:

அட ஆமாம்பா ஆமா ...நல்ல விஷயம் தான் ...

உங்களை எங்க ஆளையே காணோம் எண்ணன்னே கோடை விடுமுறையா

இதை நிறைவேர்ரினால் நன்றாக இருக்கும் .ஆனால் இப்போதுதான் கோவை இன் மையமான காந்திபுரத்தில் மிக பெரிய பேனர் வைத்து கொண்டு இருக்கிறார்கள் .காலப்பட்டியில் 200 அடி பேனர் வைத்து இருக்கிறார்கள் .வழி கூட தெரியவில்லை.உபயம் எம்.எல்.ஏ அறுக்குட்டி .நிறைவேர்ரினால்

ராம்

எளிமை நல்லதுதான் .ஆனால் ரத்தத்தின் ரத்தங்கள் கேட்க வேண்டுமே