ரங்கசாமி மீது ஜெ., குற்றச்சாட்டு

**krishnaamma** · **krishnaamma** Thu May 19, 2011 11:43 am

சென்னை : தனித்தே ஆட்சி அமைத்து, கூட்டணிக்கு துரோகம் இழைத்து விட்டதாக, புதுச்சேரி முதல்வர் ரங்கசாமி மீது தமிழக முதல்வர் ஜெயலலிதா பரபரப்பு குற்றம் சாட்டியுள்ளார். இதுகுறித்து, அவர் வெளியிட்டுள்ள அறிக்கையில் தெரிவித்துள்ளதாவது, புதுச்சேரியில் அதிமுக- என் ஆர் காங்கிரஸ் கூட்டணி 30 இடங்களில் போட்டியிட்டது. இதில் 15 தொகுதிகளில் என்ஆர் காங்கிரசும், 5 இடங்களில் அதிமுகவும் வெற்றி பெற்றது. இந்நிலையில், ஆட்சியில் தங்களை சேர்க்காமல், என்ஆர் காங்கிரஸ் கட்சி தனித்தே ஆட்சி அமைத்து, தங்களுக்கு துரோகம் இழைத்து விட்டது. தான் தமிழக முதல்வராக பதவியேற்றதற்கு அவர் இதுவரை வாழ்த்து கூட தெரிவிக்கவில்லை என்றும், புதுவையில், அதிமுக ஆக்கப்பூர்வ எதிர்க்கட்சியாக செயல்படும் என்று அதில் தெரிவிக்கப்பட்டுள்ளது.