பலஸ்தீன் நிலத்தை அபகரிக்கும் ஆக்கிரமிப்பாளரின் முயற்சி முறியடிப்பு

கடந்த செவ்வாய்க்கிழமை (17.05.2011) ஆக்கிரமிக்கப்பட்ட ஜெரூசல நகரின் தவ்ரி குடியிருப்பில் வசிக்கும் பலஸ்தீன் குடும்பமொன்றுக்குச் சொந்தமான நிலப்பரப்பை யூதக் குடியேற்றவாசிகள் குழுவொன்று பலவந்தமாக அபகரிக்க முயன்றபோது, ஜெரூசல இளைஞர்கள் தலையிட்டு அதனைத் தடுத்து நிறுத்தியுள்ளனர்.


ஜெரூசல நகர நலன்புரி நடவடிக்கைகளில் முனைப்புடன் செயற்பட்டுவரும் ரஸீம் அப்துல் வாஹித் இது குறித்து கருத்துரைக்கையில், "தீவிரவாதப் போக்குடைய யூதர்கள் குழுவொன்று பலஸ்தீனரான இஸ்தான்பூலி குடும்பத்தினருக்குச் சொந்தமான நிலப்பரப்பைச் சுற்றி முள்வேலி அடைத்து, அதனைப் பலவந்தமாகக் கைப்பற்றிக் கொள்ள முயன்றதையடுத்து இப்பகுதியில் இஸ்ரேலிய ஆக்கிரமிப்பாளர்களுக்கும் பலஸ்தீன் இளைஞர்களுக்கும் இடையில் பெரும் மோதல் இடம்பெற்றது" எனக் குறிப்பிட்டுள்ளார்.

சம்பவ தினத்தன்று ஆக்கிரமிப்பாளர்களான யூதக் குடியேற்றவாசிகளால் பலஸ்தீனருக்குச் சொந்தமான நிலம் பலவந்தமாக அபகரிக்கப்பட்டிருப்பது பற்றித் தெரிந்துகொண்ட ஜெரூசலவாசிகளான பலஸ்தீன் இளைஞர் குழுவொன்று சுமார் 1500 சதுர அடிப் பரப்பளவுள்ள மேற்படி நிலத்தைச் சுற்றிப் போடப்பட்டிருந்த முள்வேலி அடைப்பை வெட்டியெறிந்துவிட்டு அதனை மீட்டெடுத்துள்ளனர்.

இதற்கிடையில் ஆக்கிரமிப்பாளர்களான யூதக் குடியேற்றவாசிகள் சார்பாக அங்கே வந்துகுவிந்த இஸ்ரேலிய ஆக்கிரமிப்புப் படையினர், பலஸ்தீன் இளைஞர்கள் மீது கண்ணீர்ப் புகைக் குண்டுகளைச் சரமாரியாக எறிந்து தாக்குதல் நடத்தினர். அவர்களை நோக்கி கற்களையும் வெற்றுப் போத்தல்களையும் எறிந்து பலஸ்தீன் இளைஞர்கள் பதில் தாக்குதல் மேற்கொண்டனர். இதனால் நீண்ட நேரமாக இப்பகுதியில் பெரும் பதட்டநிலை காணப்பட்டது.


இந்நேரம்