‘ஸ்டாக் மார்க்கெட் புலிகள்’ இன்று விட்டிருக்கும் நிம்மதிப் பெருமூச்சு!

‘ஸ்டாக் மார்க்கெட் புலிகள்’ இன்று விட்டிருக்கும் நிம்மதிப் பெருமூச்சு!
------------------------------------------------------------------------------------------------
விறுவிறுப்பு.காம், Tuesday 17 May 2011, 04:15 GMT
------------------------------------------------------------------------------------------------
அட்லான்டா, அமெரிக்கா: பல நியூயோர்க் ‘ஸ்டாக் மார்க்கெட் புலிகள்’ இன்று நிம்மதிப் பெருமூச்சு விடுவார்கள். நியூயோர்க் ஸ்டாக் எக்ஸ்சேஞ்சை கையகப்படுத்தும் யோசனையை, அவர்களது நேரடி எதிரியான நாஸ்டாக் கைவிட்டுள்ளதாக இன்று அறிவித்துள்ளது என்பதே அதற்குக் காரணம்.

அட்லான்டாவைத் தலைமையகமாகக் கொண்டு இயங்கும் நாஸ்டாக், நியூயோர்க் ஸ்டாக் எக்ஸ்சேஞ்கை 11.3 பில்லியன் டொலருக்குக் கையகப்படுத்த முயற்சித்திருந்தது. அவர்களது அந்த முயற்சியை நியூயோர்க் ஸ்டாக் எக்ஸ்சேஞ்ச் கடுமையாக எதிர்த்திருந்தது. இதுபற்றி அமெரிக்க நீதித் துறையிடம் புகாரும் செய்திருந்தது.

சரி. நாஸ்டாக் எதற்காக நியூயோர்க் ஸ்டாக் மார்க்கெட்டை கையகப்படுத்த விரும்பியது? அதன் பின்னணியிலும் மற்றொரு வியாபார டீல் இருந்தது.

ஜேர்மனியின் ஸ்டாக் எக்ஸ்சேஞ்ச் Deutsche Boerse, வட அமெரிக்கப் பங்குச் சந்தைக்குள்ளும் பலமாக நுழைவதற்கு நீண்டகாலமாகவே முயற்சி செய்துகொண்டிருக்கிறது. அந்த முயற்சியின் உச்சக்கட்டமாக, நியூயோர்க் ஸ்டாக் எக்ஸ்சேஞ்சை கையகப்படுத்த பிட் செய்திருந்தது. ஜேர்மன்காரர்கள் நிர்ணயித்திருந்த விலை 10.2 பில்லியன் டொலர்.

அந்த டீல் ஏற்றுக்கொள்ளப்பட்டால், இணைந்த இரண்டுமாகச் சேர்ந்து (ஐரோப்பாவிலும் அமெரிக்காவிலுமாக) உலகின் மிகப் பலமான ஸ்டாக் எக்ஸ்சேஞ்சாக மாறியிருக்கும். நாஸ்டாக்கின் செல்வாக்கு குப்புற வீழ்ந்திருக்கும்.

உஷாரான நாஸ்டாக், ஜேர்மன்காரர்களைவிட அதிக பணத்துடன் (11.3 பில்லியன்) பிட் செய்து, நியூயோர்க் ஸ்டாக் எக்ஸ்சேஞ்சைக் கையகப்படுத்த முயன்றது. இதுதான் இந்த டீலின் பின்னணி.

நாஸ்டாக்கின் டீலை அமெரிக்க நீதித்துறை, ‘முறையற்ற வியாபாரம்’ என்று நிராகரித்து விட்டது. அதையடுத்தே நாஸ்டாக் தனது திட்டத்தைக் கைவிட்டிருப்பதாக இன்று அறிவித்திருக்கின்றது.

இதனால் நாஸ்டாக் ஒன்றும் சோகத்தில் இல்லை.

காரணம், தங்களுடைய டீல் ‘முறையற்ற வியாபார’மாகக் கருதப்பட்டால், ஜேர்மன்காரர்களின் டீலும் முறையற்ற வியாபாரமாகவே அமெரிக்க நீதித்துறையால் கணிக்கப்படும் என்பது இவர்களுக்குத் தெரியும்.

இதெல்லாம், பில்லியன் கணக்கில் பணத்தை வைத்துக்கொண்டு விளையாடும் சதுரங்கம்!

http://viruvirupu.com/2011/05/17/1945/

இதெல்லாம், பில்லியன் கணக்கில் பணத்தை வைத்துக்கொண்டு விளையாடும் சதுரங்கம்!