பதவியிலிருந்தபோது ‘சுட்ட’ பணத்தைத் திருப்பிக் கொடுக்கிறேன்!

பதவியிலிருந்தபோது ‘சுட்ட’ பணத்தைத் திருப்பிக் கொடுக்கிறேன்!
-------------------------------------------------------------------------------------------------
விறுவிறுப்பு.காம், Tuesday 17 May 2011, 02:21 GMT
-------------------------------------------------------------------------------------------------
கய்ரோ, எகிப்து: முன்னாள் எகிப்திய ஜனாதிபதியின் மனைவி, தனது சொத்துக்களின் ஒரு பகுதியை நாட்டுக்கே கொடுத்துவிடச் சம்மதித்திருக்கிறார். அவரது கணவர் முபாரக், எகிப்தின் ஜனாதிபதியாக இருந்தபோது ஊழல் செய்து சம்பாதித்த சொத்துக்கள் இவை என்று குற்றம் சாட்டப்பட்டுள்ளது.

முன்னாள் ஜனாதிபதியின் மனைவி சுசான் முபாரக்கின் திருப்பிக் கொடுக்கப்படும் சொத்துக்களாகப் பட்டியலிடப்பட்டுள்ளவை, கய்ரோ புறநகரப் பகுதியிலுள்ள ஒரு மாளிகையும், எகிப்திய வங்கிகளிலுள்ள ரொக்கம் 3 மில்லியன் டொலர்களும் மாத்திரமே.

இவற்றைவிட ஜனாதிபதி தம்பதியருக்கு எகிப்திலும் வேறு நாடுகளிலும் அசையாச் சொத்துகளும் இருக்கின்றன. அத்துடன் சுவிஸ் வங்கிகளில் கணக்குகளும் உள்ளன. ஆனால் அவை இவர்களின் பெயர்களில் இல்லை.

சுவிஸ் வங்கிக் கணக்குகள் சில தற்போது முடக்கப்பட்டு விட்டன என்று எகிப்திய அதிகாரிகள் கூறுகின்றனர்.

திருமதி சுசான் முபாரக் இந்தச் சொத்துக்களை (அல்லது, தனது சொத்துக்களின் ஒரு பகுதியை) நாட்டுக்குத் திருப்பிக் கொடுப்பதிலும் ஒரு சிறிய ட்ரிக் உள்ளது. அதைத் தெரிந்துகொள்ள, எகிப்தின் குற்றவியல் சட்டத்திலுள்ள ஒரு விசித்திரமான பிரிவு பற்றித் தெரிந்திருக்க வேண்டும்.

எகிப்திய குற்றவியல் சட்டத்தில் அந்தப் பிரிவு சொல்வது என்ன?

“முறைகேடான வழியில் சொத்துச் சேர்த்ததாகக் குற்றம்சாட்டப்பட்டுள்ள ஒருவர், அந்தச் சொத்துக்களை தாமாகவே முன்வந்து நாட்டுக்குக் கொடுத்துவிட்டால், அவர் மீதான விசாரணைகள் கைவிடப்படும்”

இந்தச் சட்டம்தான், எகிப்தின் முன்னாள் ஜனாதிபதியின் குடும்பத்துக்கு இப்போது கைகொடுக்கப் போகின்றது!

அட… தமிழகத்தின் முன்னாள் முதல்வரின் குடும்பத்தினரும் எகிப்தில் பிறந்திருக்கலாமோ!

http://viruvirupu.com/2011/05/17/1942/

நல்ல பதிவு.

நல்ல தகவல்

இது மாதிரி தமிழ் நாட்டிலும் நடந்த நல்ல தான் இருக்கும்!

அருண் wrote:இது மாதிரி தமிழ் நாட்டிலும் நடந்த நல்ல தான் இருக்கும்!

நடப்பதை பேசுங்கள் அருண்..
திருப்பி கொடுத்துட்டாலும்...

நம் நாட்டிலேயா? இது போலவா? கனவுலக்கூட நடக்காது இந்த நியூஸ் பேப்பர்ல வரவிட்டதே ஜாஸ்தி ஹா .... ஹா .....ஹா