அதிமுக கூட்டணி வெற்றி முகம் – செல்போனைக் கூட ஆப் செய்து வைத்திருக்கும்

தாமு · தாமு Mon May 16, 2011 2:29 pm

நடைபெற்று முடிந்த தமிழக சட்டமன்றத் தேர்தலில் திமுகவிற்கு ஆதரவாக களமிறங்கி, வீதி வீதியாக பிரச்சாரம் செய்தவர் ‘வைகைப்புயல்’ வடிவேலு. கலைஞர் கருணாநிதியை விட அதிகப்படியான தொகுதிகளில் பிரச்சாரம் செய்தவர் வடிவேலுதான்.

நடிகர் விஜயகாந்துடன் ஏற்பட்ட தகராறால் திமுக பக்கம் சாய்ந்த வடிவேலு, திமுகதான் வெற்றி பெறும் என்று பிரச்சாரங்களில் பீரங்கியாய் முழங்கி வந்தார். விஜயகாந்தை தாக்கியும் பேசிவந்தார்.

இன்று தமிழக சட்டசபைத் தேர்தலின் முடிவுகள் வந்த வண்ணம் உள்ளன. அதில் அதிமுக கூட்டணி வெற்றி முகத்தில் உள்ளது. இதுகுறித்து வைகைப்புயலிடம் கருத்து கேட்க பத்திரிகையாளர்கள் நிறைய பேர் வடிவேலுடம் தொடர்பு கொள்ள முயன்றனர். ஆனால் வடிவேலுவோ வீட்டு டெலிபோனை மட்டுமின்றி, அவரது செல்போன் இணைப்பையும் துண்டித்து வைத்திருக்கிறார்.

இதையடுத்து அவர் வீட்டு முன்பு பத்திரிகையாளர்கள் ஒருபுறம் படையெடுக்க, பொதுமக்களும் அங்கே படையெடுத்திருக்கிறார்களாம். ‘கைப்புள்ளயோட பேச்சு இப்படி சின்னப்புள்ளத்தனமா ஆயிடிச்சே’ என்று பொதுமக்கள் கமெண்ட் அடித்துக் கொண்டிருக்கின்றனர்.

filmics