“கிறிஸ்துவச் சதி” மீது போலீசுக்குப் புதிய தகவல்கள் கிடைத்துள்ளன

**சிவா** · **சிவா** Fri 13 May 2011 - 20:44

உத்துசான் மலேசியா வெளியிட்ட “கிறிஸ்துவச் சதி” எனக் கூறப்படும் குற்றச்சாட்டு மீது புதிய தகவல்களைக் கொண்டுள்ளதாக நம்பப்படும் போலீஸ் புகார் ஒன்று சமர்பிக்கப்பட்டுள்ளதாக துணைத் தேசியப் போலீஸ் படைத்தலைவர் காலித் அபு பாக்கார் கூறியிருக்கிறார்.

“அந்த விவகாரம் மீது இன்று காலை மணி 8.50க்கு பினாங்கில் அந்தப் புகார் செய்யப்பட்டதை நான் உறுதி செய்ய முடியும். அதில் உள்ளடக்கம் ஏற்கனவே சமர்பிக்கப்பட்ட புகார்களின் உள்ளடக்கத்திலிருந்து மாறுபட்டுள்ளது”, என அவர் சொன்னார்.

“நாங்கள் அந்த விஷயத்தை புலனாய்வு செய்து வருகிறோம். ஆகவே அது குறித்து ஊகங்களை வெளியிட வேண்டாம் என நான் எல்லாத் தரப்புக்களையும் கேட்டுக் கொள்கிறேன்”, என்று காலித் இன்று புக்கிட் அமானில் நிருபர்களிடம் கூறினார்.

அந்தப் புகாரைத் தொடர்ந்து இன்னும் அதிகமான மக்கள் வாக்குமூலம் தருவதற்கு அழைக்கப்படுவார்கள் என்றும் அவர் குறிப்பிட்டார்.

இந்த நாட்டின் அதிகாரத்துவ சமயமாக கிறிஸ்துவ சமயத்தை மாற்றுவதற்கான சதித் திட்டம் ஒன்று பினாங்கில் நடைபெற்ற கிறிஸ்துவத் தலைவர்கள் கூட்டம் ஒன்றில் தயாரிக்கப்பட்டதாக உத்துசான் மலேசியா மே 7ம் தேதி முதல் பக்கத்தில் செய்தி வெளியிட்டது. அது அந்தச் செய்திக்கு இரண்டு அம்னோ ஆதரவு வலைப்பதிவுகளை ஆதாரமாகக் காட்டியது.

ஆனால் அந்தப் புதிய போலீஸ் புகாரின் உள்ளடக்கத்தை வெளியிட காலித் மறுத்து விட்டார். அந்த விவகாரத்தை மேலும் பெரிதுபடுத்தத் தாம் விரும்பவில்லை என அவர் அதற்குக் காரணம் கூறினார்.

மலேசியாஇன்று

**சிவா** · **சிவா** Fri 13 May 2011 - 20:50

ஹிஷாம்: உத்துசான் செய்திக்கு “ஒரளவு அடிப்படை” உண்டு
“கிறிஸ்துவச் சதி” மீது போலீசுக்குப் புதிய தகவல்கள் கிடைத்துள்ளன Hisham-300x175

கிறிஸ்துவ சமயத்தை இந்த நாட்டின் அதிகாரத்துவ சமயமாக்குவதற்கும் கிறிஸ்துவர் ஒருவரை பிரதமராக நியமிப்பதற்கும் சதித் திட்டம் ஒன்று வகுக்கப்பட்டுள்ளதாக உத்துசான் மலேசியா வெளியிட்ட செய்திக்கு “ஒரளவு அடிப்படை” இருப்பதாக உள்துறை அமைச்சர் ஹிஷாமுடின் ஹுசேன் கூறுகிறார்.

பினாங்கில் இன்று சமர்பிக்கப்பட்ட போலீஸ் புகாரில் புதிய ஆதாரங்கள் சமர்பிக்கப்பட்டுள்ளதாக அவர் சொன்னார்.

உத்துசான் மலேசியா “‘கிறிஸ்துவம் அதிகாரத்துவ சமயம்” என்னும் தலைப்பில் மே 7ம் தேதி வெளியிட்ட செய்திக்காக அதனை எச்சரிக்கும் கடிதம் ஒன்றை நேற்று உள்துறை அமைச்சு அதனிடம் வழங்கியது.

அந்தச் செய்தி குறித்து விளக்கம் அளிக்குமாறு உத்துசான் தலைமை ஆசிரியர் அஜீஸ் இஷாக் உள்துறை அமைச்சுக்கு அழைக்கப்பட்டு அவரிடம் எச்சரிக்கை கடிதம் கொடுக்கப்பட்டது.

அஜீஸ் அளித்த விளக்கத்தைப் போன்று அந்த போலீஸ் புகார் இருப்பதாக ஹிஷாமுடின் குறிப்பிட்டார்.

“வெளியிடப்பட்ட செய்தியில் ஒரளவு உண்மை இருப்பதாக அஜீஸ் சொன்னார். உத்துசான் செய்திக்கு ஒரளவு அடிப்படை இருக்கிறது எனத் தெரிவிக்கும் போலீஸ் புகார் ஒன்று சமர்பிக்கப்பட்டுள்ளதாக இன்று எனக்குத் தெரிவிக்கப்பட்டுள்ளது”, என ஹிஷாமுடின் கோலாலம்பூர் சௌக்கிட்டில் போதைப் பொருள் மறுவாழ்வு மைய்யத்தை தொடக்கி வைத்த பின்னர் நிருபர்களிடம் கூறினார்.

“கிறிஸ்துவச் சதி” மீது போலீசுக்குப் புதிய தகவல்கள் கிடைத்துள்ளன

“கிறிஸ்துவச் சதி” மீது போலீசுக்குப் புதிய தகவல்கள் கிடைத்துள்ளன

Re: “கிறிஸ்துவச் சதி” மீது போலீசுக்குப் புதிய தகவல்கள் கிடைத்துள்ளன

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக