அதிமுக அமோக வெற்றி-கட்சித் தலைமை அலுவலகத்தில் விழாக் கோலம்

சென்னை : அதிமுக தனிப்பெரும்பான்மை பலத்துடன் அமோக வெற்றி பெறுவதைத் தொடர்நது அக்கட்சியினர் சென்னையில் உள்ள கட்சித் தலைமையகத்தில் குவிந்து கொண்டாட்டங்களில் ஈடுபட்டுள்ளனர்.

இதேபோல தேமுதிக தலைமையகத்திலும் தொண்டர்கள் பட்டாசு வெடித்து கொண்டாட்டங்களில் ஈடுபட்டுள்ளனர்.

அதிமுக தனிப்பெரும்பான்மையுடன் ஆட்சியமைக்கும் நிலையை எட்டி விட்ட தகவலைப் பார்த்ததும் ராயப்பேட்டையில் உள்ள அக்கட்சியின் தலைமையகத்தில் அதிமுக தொண்டர்கள் உற்சாகத்துடன் குவிந்து விட்டனர். பட்டாசுகளை வெடித்தும், இனிப்புகளைப் பரிமாறியும் குதூகலித்தனர்.

வழக்கம் போல அதிமுக மகளிர் அணியினர் குத்தாட்டம் போட்டு ஆட அந்த இடமே கோலாகலமாகி விட்டது.

கட்சித் தலைவர்கள் யாரும் இன்னும் அதிமுக தலைமையகத்திற்கு வரவில்லை. இருப்பினும் ஆயிரக்கணக்கான தொண்டர்கள் குவிந்திருப்பதால் அவ்வை சண்முகம் சாலையில் நிற்க இடமில்லாத நிலை.

இதேபோல கோயம்பேட்டில் உள்ள தேமுதிக தலைமைக் கழக அலுவலகத்திலும் விழாக் கோலமாக உள்ளது.

நூற்றுக்கணக்கில் குவி்ந்துள்ள தேமுதிகவினர் பட்டாசுகளை வெடித்து அந்த இடத்தையே பரபரப்பாக்கி விட்டனர். கட்சி ஆரம்பித்த பின்னர் முதல் முறையாக டபுள் டிஜிட்டில் இந்தக் கட்சி சீட் வாங்குவதால் தேமுதிகவினர் பெரும் உற்சாகத்தில் மூழ்கியுள்ளனர்.

தட்ஸ்தமிழ்

தமிழகத்தில் வழக்கமாக கணிசமான வாக்கு வங்கிகளை வைத்திருக்கும் ஜாதிக் கட்சிகளுக்கு இந்த முறை இரு விதமான 'ட்ரீட்மென்ட்'டை தமிழக மக்கள் தந்துள்ளனர்.

திமுக கூட்டணியில் கொங்கு முன்னேற்றக் கழகம், இந்திய யூனியன் முஸ்லீம் லீக், மூவேந்தர் முன்னேற்றக் கழகம் ஆகியவை இடம் பெற்றிருந்தன.

அதேபோல அதிமுக கூட்டணியில் கொங்கு இளைஞர் பேரவை, மனித நேய மக்கள் கட்சி, மூவேந்தர் முன்னேற்ற முன்னணி ஆகியவை இடம் பெற்றிருந்தன.

இதில் கொங்கு இளைஞர் பேரவையும், கொங்கு முன்னேற்றக் கழகமும் தனி வாக்கு வங்கியை வைத்திருந்ததாக கூறப்பட்டது. அதிலும் கொங்கு முன்னேற்றக் கழகம், கொங்கு மண்டலத்தில் உள்ள அத்தனை தொகுதிகளையும் நாங்கள் வெல்வோம் என்று முழங்கியது.

ஆனால் ஒரு தொகுதியில் கூட அந்தக் கட்சியால் இன்று வெல்ல முடியாமல் போயுள்ளது. போட்டியிட்ட அத்தனை தொகுதிகளிலும் அது மோசமான தோல்வியைத் தழுவுகிறது. கொங்கு மண்டலம், அதிமுகவின் கோட்டை என்பதை அதிமுக இன்று நிரூபித்துள்ளது.

அதேசமயம், அதிமுகவுடன் கூட்டணி அமைத்து ஒரு தொகுதியில் போட்டியிட்ட தனியரசு தலைமையிலான கொங்கு இளைஞர் பேரவை வெல்லும் வாய்ப்பில் உள்ளது.

அதேபோல இஸ்லாமியர்களின் வாக்கு வங்கியின் ஏக போக பிரதிநிதி யார் என்ற போட்டியில் இந்திய யூனியன் முஸ்லீம் லீக்கும், மனித நேய மக்கள் கட்சியும் ஈடுபட்டிருந்தன. இதில் முஸ்லீம் லீக் தோல்வியடைந்துள்ளது. இக்கட்சி 3 தொகுதிகளில் போட்டியிட்டு மூன்றிலும் தோல்வியடைகிறது.

அதேசமயம், 3 தொகுதிகளில் போட்டியிட்ட மனித நேய மக்கள் கட்சி 2 இடங்களில் வெல்கிறது.

அதேசமயம், மூவேந்தர் முன்னேற்றக் கழகமும், மூவேந்தர் முன்னணிக் கழகமும் இத்தேர்தலில் தோல்வியைத் தழுவியுள்ளன. இருவருக்குமே ஒரு சீட் கூட கிடைக்காத நிலை.

அதிமுக கூட்டணியில் இடம் பெற்றிருந்த பார்வர்ட் பிளாக் கட்சி தான் போட்டியிடும் உசிலம்பட்டியில் வெல்கிறது.

எந்த ஜாதிக் கட்சியாக இருந்தாலும் அவர்களின் பலம் அவர்களுக்குக் கை கொடுப்பதில்லை. அவர்கள் யாருடன் கூட்டு சேருகிறார்கள் என்பதைப் பொறுத்தே அது உள்ளது என்பதை இந்தத் தேர்தல் நிரூபித்துள்ளது

நன்றி தட்ஸ் தமிழ்

வாழ்க அம்மா வளர்க ஓ .பன்னீர்செல்வம்

கொங்கு நாடு முன்னேற்ற கழத்தின் தோல்விக்கு அதன் கூட்டணி தான் காரணம்.இதன் உறுப்பினர்கள் பலர் எதிர் பார்த்த கூட்டணி அ.தி.மு.க உடன் மட்டுமே ஆனால் அவ்வாறு கூட்டணி அமைய வில்லை.இதனால் அதிர்ப்தி அடைந்த உறுப்பினர்கள் மற்ற கட்சிகளுக்கு சென்றனர்.சிலர் தமிழ்நாடு கொங்கு இளைஞர் பேரவைக்கு சென்றார்கள்.

வாழ்க தே. மு. தி. க தலைவர்! கேப்டன் வாழ்க!

கொ.மு.க.தோல்விக்கு எங்களை போன்ற இளைய தலைவர்களை மதிக்காமல் கூட்டணி வைததும் எங்களை இளைஞர் பேரவைக்கு போகவைததும் தான்.