30 வகை கீரை சமையல்...

மஞ்சுபாஷிணி · மஞ்சுபாஷிணி Thu May 12, 2011 10:13 am

First topic message reminder :

30 வகை கீரை சமையல்

30 வகை கீரை சமையல்... - Page 2 Sub0

டாக்டரிடம் எதற்காக போய் நின்றாலும், 'சாப்பாட்டுல நிறைய கீரையைச் சேர்த்துக்கோங்க...' என்ற அட்வைஸே முதல் வந்து விழுவதால்... உடம்புக்கு குளிர்ச் சியையும், சத்துக்களையும் சகட்டு மேனிக்கு அள்ளித் தரும் கீரைகளைப் பற்றி நம்மவர்களுக்கு சந்தேகமே இல்லை. ஆனால், அந்தக் கீரையை எப்படி எப்படியெல்லாம் ஈஸியாகவும், டேஸ்ட்டாகவும் சமைத்துச் சாப்பிடலாம் என்பதில்தான் குழப்பமே! உங்களுக்கு உதவுவதற்காகவே... மசியல் தொடங்கி கொழுக்கட்டை வரை கீரையில் விதம் விதமாகச் சமைத்து அசத்தியிருக்கிறார் 'சமையல்கலை நிபுணர்’ வசந்தா விஜயராகவன்.
பார்த்த மாத்திரத்திலேயே எடுத்துச் சாப்பிட வைக்கும் அளவுக்கு, தன்னுடைய கை வண்ணத்தால் அவற்றை அலங்கரித்திருக்கிறார் சென்னை பள்ளிக்கரணையில் 'ஸ்டார் கார்விங்’ என்ற நிறுவனத்தை நடத்தி வரும் செஃப் ரஜினி.
கீரை டிப்ஸ்...
கீரையுடன் சிறிது எண்ணெய் விட்டு வேக வைத்தால், பசுமை மாறாமல் இருக்கும்.
வல்லாரைக் கீரை சாப்பிடுவதால் ஞாபகசக்தி அதிகரிக்கும் என்பது உண்மையே. அதற்காக, அள்ளி வைத்துக் கொண்டு சாப்பிட ஆரம்பித்தால்... தலைவ, மயக்கம் என்று படுத்த ஆரம்பித்துவிடும் ஜாக்கிரதை!

மஞ்சுபாஷிணி · மஞ்சுபாஷிணி Thu May 12, 2011 10:22 am

கீரை வெஜிடபிள் ஆம்லெட்

30 வகை கீரை சமையல்... - Page 2 Sub7

தேவையானவை: பாலக் கீரை - அரை கட்டு, கடலை மாவு - 50 கிராம், தக்காளி - 3, வெங்காயம் - 1, சீஸ் துருவல் - ஒரு டேபிள்ஸ்பூன், பச்சை மிளகாய் - 4, மிளகாய்த்தூள், மிளகுத்தூள் - தலா கால் டீஸ்பூன், ஜாதிக்காய்தூள் - ஒரு சிட்டிகை, எண்ணெய், உப்பு - தேவையான அளவு.
செய்முறை: பாலக் கீரை, வெங்காயத்தைப் பொடியாக நறுக்கவும். தக்காளியை அரைத்து சாறு எடுக்கவும். கீரையுடன் பச்சை மிளகாய் சேர்த்து அரைக்கவும். கடலை மாவு, வெங்காயம், மிளகாய்த்தூள், மிளகுத்தூள், ஜாதிக்காய்தூள், உப்பு, சீஸ் துருவல், கீரை விழுது, தக்காளி சாறு சேர்த்து தோசை மாவு பதத்துக்கு கரைக்கவும். தோசைக்கல்லை காய வைத்து, கரைத்த மாவை ஊற்றி, சுற்றிலும் எண்ணெய் விட்டு மூடி, வேக வைத்து எடுக்கவும்.

மஞ்சுபாஷிணி · மஞ்சுபாஷிணி Thu May 12, 2011 10:26 am

கீரை நட்ஸ் சாலட்

30 வகை கீரை சமையல்... - Page 2 Sub8

தேவையானவை: காய்ந்த திராட்சை - 50 கிராம், வல்லாரைக்கீரை - ஒரு சிறிய கட்டு (பொடியாக நறுக்கி வதக்கவும்), மிளகாய்த்தூள் - அரை டீஸ்பூன், மிளகுத்தூள் - கால் டீஸ்பூன், வறுத்த வேர்க்கடலை, வறுத்த முந்திரி - தலா 2 டேபிள்ஸ்பூன், எலுமிச்சைச் சாறு - ஒரு டீஸ்பூன், உப்பு - தேவையான அளவு.
செய்முறை: கொடுத்துள்ள எல்லாப் பொருட்களையும் ஒரு பாத்திரத்தில் சேர்த்து கலக்கவும்

மஞ்சுபாஷிணி · மஞ்சுபாஷிணி Thu May 12, 2011 10:27 am

கிரீன் ஸ்மூத்தி

30 வகை கீரை சமையல்... - Page 2 Sub9

தேவையானவை: பழுத்த வாழைப்பழம் - 2, மணத்தக்காளி கீரை - அரை கட்டு (பொடியாக நறுக்கவும்), தேங்காய்ப்பால் - 50 மில், பச்சை திராட்சை - 50 கிராம்.
செய்முறை: எல்லாவற்றையும் ஒன்றாகச் சேர்த்து மிக்ஸியில் அரைத்து ஐஸ் க்யூப் சேர்த்துப் பருகவும்.

மஞ்சுபாஷிணி · மஞ்சுபாஷிணி Thu May 12, 2011 10:33 am

முருங்கைக்கீரை காராமணி பொரியல்

30 வகை கீரை சமையல்... - Page 2 Sub10

தேவையானவை: முருங்கைக்கீரை - அரை கட்டு (உருவிக் கொள்ளவும்), காராமணி - 50 கிராம் (வேக வைக்கவும்), காய்ந்த மிளகாய் - 3, தேங்காய் துருவல் - கால் கப், ஒன்றிரண்டாக பொடித்த தனியா, பொடியாக நறுக்கிய பூண்டு, இஞ்சித் துருவல், கடுகு, உளுத்தம்பருப்பு, கடலைப்பருப்பு, சீரகம் - தலா ஒரு டீஸ்பூன், பெருங்காயத்தூள் - ஒரு சிட்டிகை, எண்ணெய், உப்பு - தேவையான அளவு.
செய்முறை: கடாயில் எண்ணெய் விட்டு, காய்ந்ததும் கடுகு, கிள்ளிய காய்ந்த மிளகாய், உளுத்தம்பருப்பு, கடலைப்பருப்பு, பூண்டு, பெருங்காயத்தூள், சீரகம், தனியா சேர்த்து தாளிக்கவும். இஞ்சித் துருவல், முருங்கைக்கீரை சேர்த்து வதக்கி, காராமணி, தேங்காய் துருவல், உப்பு சேர்த்து மேலும் சிறிது வதக்கி இறக்கவும்.

மஞ்சுபாஷிணி · மஞ்சுபாஷிணி Thu May 12, 2011 10:35 am

ரங்கீலா ரொட்டி
தேவையானவை: பாலக் கீரை - ஒரு கட்டு (விழுதாக அரைக்கவும்), கேரட், பீட்ரூட் - தலா 1 (வேக வைத்து, தனித்தனியே அரைத்து, தனியாக வைக்கவும்), கோதுமை மாவு - 150 கிராம் (3 பங்காக பிரித்துக் கொள்ளவும்), உப்பு, எண்ணெய் - தேவையான அளவு.

30 வகை கீரை சமையல்... - Page 2 Sub11

செய்முறை: அரைத்த கீரையுடன் ஒரு பங்கு கோதுமை மாவு, உப்பு சேர்த்துப் பிசைந்து கொள்ளவும். கேரட் விழுதுடன் இரண்டாவது பங்கு கோதுமை மாவு, உப்பு சேர்த்துப் பிசையவும். பீட்ரூட் விழுதுடன் மூன்றாவது பங்கு கோதுமை மாவு, உப்பு சேர்த்துப் பிசைந்து தனியே வைக்கவும். ஒவ்வொரு கலவையிருந்தும் சிறிதளவு எடுத்து, உள்ளங்கையில் வைத்து லேசாக உருட்டிக் கொள்ளவும். இதை சப்பாத்தியாக இட்டு, தோசைக்கல்ல் போட்டு எண்ணெய் விட்டு சுட்டெடுக்கவும்.

**ந.கார்த்தி** · **ந.கார்த்தி** Thu May 12, 2011 10:38 am

அருமையான பதிவு அக்கா :நல்வரவு:

மஞ்சுபாஷிணி · மஞ்சுபாஷிணி Thu May 12, 2011 10:39 am

பைங்கன் பாலக்
தேவையானவை: கத்திரிக்காய் - 4, பாலக் கீரை - அரை கட்டு (பொடியாக நறுக்கவும்), பெருங்காயத்தூள் - அரை டீஸ்பூன், மிளகாய்தூள், தனியாத்தூள் - தலா ஒரு டீஸ்பூன், பூண்டுப் பல் - 2, இஞ்சித் துருவல் - 2 டீஸ்பூன், பொடியாக நறுக்கிய கொத்தமல் - 2 டேபிள்ஸ்பூன், பச்சை மிளகாய் - 4, நெய் (அ) எண்ணெய், உப்பு - தேவையான அளவு.

30 வகை கீரை சமையல்... - Page 2 Sub12

செய்முறை: கத்திரிக்காயை நான்கு துண்டுகளாக நறுக்கி... கீறிய பச்சை மிளகாய், கொத்தமல், இஞ்சி, பூண்டு, மிளகாய்த்தூள், உப்பு சேர்த்து தேவையான தண்ணீர் விட்டு நன்றாக வேகவிடவும். கடாயில் நெய் (அ) எண்ணெய் ஊற்றி, காய்ந்ததும் பெருங்காயத்தூள், தனியாத்தூள், கீரையை சேர்த்து வதக்கி வேக வைக்கவும். வெந்ததும் மசித்து, கத்திரிக்காய் கலவையில் சேர்த்துக் கிளறவும்.

மஞ்சுபாஷிணி · மஞ்சுபாஷிணி Thu May 12, 2011 10:42 am

மணத்தக்காளிகீரை மிளகூட்டல்
தேவையானவை: மணத்தக்காளிகீரை - ஒரு கட்டு (பொடியாக நறுக்கவும்), மிளகு - ஒரு டீஸ்பூன், தேங்காய் துருவல் - 2 டேபிள்ஸ்பூன், உளுத்தம்பருப்பு - 2 டீஸ்பூன், பெருங்காயத்தூள் - கால் டீஸ்பூன், சீரகம் - அரை டீஸ்பூன், காய்ந்த மிளகாய் - 2, எண்ணெய், உப்பு - தேவையான அளவு.

30 வகை கீரை சமையல்... - Page 2 Sub13

செய்முறை: கீரையில் சிறிது தண்ணீர் சேர்த்து வேக வைக்கவும். கடாயில் எண்ணெய் விட்டு, காய்ந்ததும் உளுத்தம்பருப்பு, மிளகு, காய்ந்த மிளகாய், சீரகம், பெருங்காயத்தூள் சேர்த்து வறுத்து, தேங்காய் துருவல் சேர்த்து அரைக்கவும். வெந்த கீரையில் அரைத்த விழுது, உப்பு சேர்த்து சிறிது நேரம் கொதிக்க வைத்து இறக்கவும்.

மஞ்சுபாஷிணி · மஞ்சுபாஷிணி Thu May 12, 2011 10:44 am

ரோஜாகார்த்தி wrote:அருமையான பதிவு அக்கா

அன்பு நன்றிகள் கார்த்தி...

மஞ்சுபாஷிணி · மஞ்சுபாஷிணி Thu May 12, 2011 10:51 am

முளைக்கீரை அவல் சாலட்

30 வகை கீரை சமையல்... - Page 2 Sub14

தேவையானவை: முளைக்கீரை - அரை கட்டு (வதக்கிக் கொள்ளவும்), வறுத்த அவல் - 100 கிராம், சர்க்கரைவள்ளிக் கிழங்கு (வேக வைத்து, தோல் உரிக்கவும்) - 1, மிளகாய்த்தூள், எலுமிச்சைச் சாறு, மிளகுத்தூள் - சிறிதளவு, உப்பு - தேவையான அளவு.
செய்முறை: ஒரு பவுல் எல்லாவற்றையும் போட்டு நன்றாகக் கலந்து வைக்கவும்

Sponsored content · Sponsored content

30 வகை கீரை சமையல்...

30 வகை கீரை சமையல்...

Re: 30 வகை கீரை சமையல்...

Re: 30 வகை கீரை சமையல்...

Re: 30 வகை கீரை சமையல்...

Re: 30 வகை கீரை சமையல்...

Re: 30 வகை கீரை சமையல்...

Re: 30 வகை கீரை சமையல்...

Re: 30 வகை கீரை சமையல்...

Re: 30 வகை கீரை சமையல்...

Re: 30 வகை கீரை சமையல்...

Re: 30 வகை கீரை சமையல்...

Re: 30 வகை கீரை சமையல்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக