பனை மரமும் அதன் மருத்துவ குணங்கள் !

தாமு · தாமு Fri May 06, 2011 6:40 am

பனை மரம் மனிதனின் எந்த முயற்சியும் இன்றி தானே இயற்கையாக வளர்ந்து மனிதனுக்கு வேண்டிய பல பயன்களை கொடுக்கும் ஒரு இயற்கை வளம். இலங்கை, மற்றும் இந்தியாவில் காணப்படும் பனை மர இனத்தை Borassus flabellifer L. என்றும், ஆபிரிக்காவில் காணப்படும் பனை இனத்தை Borassus aenthipoum Mart. என்றும் அழைப்பார்.

பனை மரமும் அதன் மருத்துவ குணங்கள் ! Palmyrah_palm_trees

உலக அளவில் அண்ணளவாக 140 மில்லியன் பனைமரங்கள் இருப்பதாக அறியப்பட்டுள்ளது.

இந்தியா: 60 மில்லியன்
மேற்கு ஆபிரிக்கா - 50 மில்லியன்
இலங்கை - 11.1 மில்லியன்
இந்தோனெசியா - 10 மில்லியன்
மடகஸ்கார் - 10 மில்லியன்
மியன்மார் - 2.3 மில்லியன்
கம்பூச்சியா - 2 மில்லியன்
தாய்லாந்து - 2 மில்லியன்

இலங்கையை எடுத்து கொண்டால் 10.5 மில்லியன் பனை மரங்கள் யாழ்ப்பாணம், மன்னார், கிளிநொச்சி, முல்லைதீவு ஆகிய 4 மாவட்டங்களிலும் பரம்பி இருக்க மிகுதி 0.6 மில்லியன் மரங்கள் மட்டுமே ஏனைய இடங்களில் காணப்படுகிறது.

பனையின் பயன்கள்

1. பனை ஓலை

குருத்து ஓலையில் இருந்தே அதிகமான பயன் தரும் பொருட்கள் செய்யப்படுகிறன்.

கைவினைப்பொருட்களான: பூக்கள், பூச்சாடிகள், போன்றவை
நாளாந்த பாவனைப்பொருட்களான: பெட்டி, சுளகு, பாய், கடகம், திருகணை, நித்துபெட்டி, இடியப்ப தட்டு என பல பொருட்கள் செய்ய உதவுகிறது.

முற்றிய ஓலை மாட்டுக்கு உணவாக பயன்படுத்த படுவதுடன், வீடு வெய, வெலிகள் அடைக்க, தோட்ட நிலத்துக்கு, தென்னைக்கு பசளையாக பயன்படுத்தப்படுகிறது.

2. நார்

பனம் ஓலை/ இலை யில் இருக்கும் தண்டு/ மட்டையில் இருந்து பிரித்தெடுக்கப்படும் நார் நீண்ட நாள் பாவனைக்குரிய தூரிகைகள் (Brush), துடைப்பங்கள் செய்யவும், கயிறு திரிக்கவும் பயன்படுத்தப்படுகிறது.

3. மரம்/ தண்டு

கட்டுமான பணிகளுக்கு குறிப்பாக வீட்டு கூரைகளுக்கு சிலாகை, தீரந்தி, வளை, என்பவை தயாரிக்க பயன்படுத்த படுகிறது.

4. பூந்துணர் சாறு/ பதநீர் (Infloresence sap)

மதுவத்தால் (Yeast) நொதித்தல் அடையாத பூந்துணர் சாறு
பதநீராக அருந்தவும், பன்ஞ்சீனி, பனங்கட்டி, பனம் பாணி, பனங்கற்கண்டு செய்யவும் பயன்படுத்தபடுகிறது. பதநீரை கருப்பணி என பேச்சு வழக்கில் அழைப்பது வழக்கம். பதநீர் காலங்களில் பச்சரிசி, பயறு என்பனவும், பதநீரும் கொண்டு கருப்பணி கஞ்சி தயாரிப்பதும் வழக்கம். பொதுவாக பத நீர் இறக்க சுண்ணாப்பிடுவார்கள். சுண்ணாம்பு மதுவங்களின் நொதித்தல் செயற்பாட்டை கட்டுப்படுத்தும். சுண்ணாம்பு பதநீரின் சுவையை மற்றிவிட கூடியது. யாழ்ப்பாணத்தில் செய்யப்பட்ட ஆய்வில் நாவல் பட்டையையும் நொதித்தல் செயற்பாட்டை கட்டுபடுத்தும் என கண்டறியப்பட்டுள்ளது.

பதநீரில் வெல்லம் 12-13% ம், அமினோ அமிலங்கள், விற்றமின் பி, கனியுப்புக்கள் ஆகியவை நிறைய இருப்பதாக சொல்லப்படுகிறது. ஊரில் சின்னமுத்து, அம்மை நோய் வந்தவர்கள் உடன் கள்ளு குடித்தால் நோய் தாக்கம் குறையும் என்று சொல்லுவார்கள்.

மதுவத்தால் நொதித்தல் (Fermentation) அடைந்த பின் கள்ளு என அழைக்கப்படுவதுடன், இது சாரயாம் வடிக்கவும் பயன் படுகிறது.

5. நுங்கு

முற்றாத பனங்காயை நுங்கு என அழைப்போம். நுங்கு மிகவும் சுவையான ஒரு பானம். ஆனால் அதனை நாம் தொழில் முயற்சியில் பயன்படுத்துவது இல்லை. 2 மில்லியன் பனைமரங்களே இருக்கும்தாய்லாந்தில் இருந்து நுங்கு தகரத்தில் அடைக்கப்பட்டு உலகம் எங்கும் ஏற்றுமதியாக அதிக பனைமர வளத்தை கோண்ட இந்தியா இலங்கை போன்ற நாடுகளில் இருந்து எந்த முயற்சியும் எடுக்கப்படாமை கொசுறு செய்தி.

பனை மரமும் அதன் மருத்துவ குணங்கள் ! Nungku

6. பனம் பழம்

பனம் பழத்தில் இருந்து பெறப்படும் பழ கூழ் (Fruit pulp) பழபாகு (ஜாம்), பனாட்டு, குளிர் பானம் என்பன செய்ய பயன்படுத்த படுகிறது. அதை விட சுவையான சிற்றுண்டியான பனங்காய் பணியாரம் ஈழத்தில் பிரபலம். அதை வைத்து காதல்கடிதம் படத்தில் ஒரு பாடலும் வருக்றது. போர் காலத்தில் பனம் பழம் கொண்டு உடுப்பு தோய்த்தவர்கள் பலர். பனம் பழத்தின் வாசதில் மாடு உடைகளை சாப்பிட்டதாக கூட சொல்லுவார்கள். அதை விட பனம் பழம் தீயில் வாட்டி சாப்பிடுபவர்களும் உண்டு.

*

7. பனம் கிழங்கு

பனை மரமும் அதன் மருத்துவ குணங்கள் ! Panam_kilangku

பனங்கிழங்கை அவிக்காது எடுக்கப்படும் ஒடியலில் இருந்து ஒடியல் மா எடுப்பார்கள். ஒடியல் மாவில் இருந்து ஒடியல் பிட்டு, ஒடியல் கூழ்1 (ஒடியல் கூழ் 2)ஆகிய உணவுகள் தயாரிக்கப்படுகிறது. இவை ஈழத்தில் மிகவும் பிரபலாமான உணவுகள்.

பனங்கிழங்கை அவித்து காய வைத்து வரும் புளுக்கொடியல், புளுக்கொடியல் மா சிற்றுண்டியாக பயன் படுத்தப்படுகிறது.

பனம் பொருடகள் சம்பந்தமான ஆராய்ச்சிகள் மிக குறைவாகவே நடைபெறுகிறன. அப்படி செய்யப்பட்ட ஆய்வுகளில் இருந்து பல பயனுள்ள தகவல்கள் கிடைக்கப்பேற்றாலும் இன்னும் ஆராய்ச்சிகள் தேவையாக உள்ளது.

பெரும்பாலான ஆய்வுகள் அதிகம் பயன்படுத்தப்படாத பழ கூழ் பற்றியே நடைபெற்றுள்ளன.

பழகூழ் (Fruit pulp)

1. கரோட்டினோயிட் (Carotenoids)

எனும் மஞ்சள் நிறபொருளை கொண்டிருக்கிறது. பனம் பழத்தில் 2-253 மில்லிகிராம் கரோட்டினொயிட் 100கிராம் பழத்தில் இருப்பதாக அறியப்பட்டுள்ளது. இது விற்றமின் எ யிற்கான ஒரு மூலமாகும்

2. பெக்ரின்
இது உணவு உற்பத்தியில் உணவு பொருகளை உறுதியாக்க/
கூழ் நிலையில் பேண உதவும்.

3. Flabelliferin

இதுவெ பனம் பழத்தில் காணப்படும் கசப்பு, காறல் சுவைக்கு காரணமான பதார்த்தமாகும். இதனை பழ கூழில் இருந்து பிரித்தெடுப்பதன் மூலம், பழ கூழை வேறு உணவு பொருட்கள், ஜாம் போன்றவற்றில் நிரப்பியாக பயன் படுத்த முடியும்.

அத்துடன் இந்த Flabelliferin எனும் பதார்த்தம் நுண்ணங்கிகளை கொல்லும் இயல்பும் கொண்டது.

இலங்கையில் எலிகளில் செய்த ஆராய்சியில் Flabelliferin குருதியில் வெல்ல அளவை குறைப்பது கண்டறியப்பட்டுள்ளது.
இலங்கையில் நீரிழிவு நோயளிகளுக்கு 6 கிராம் பனாட்டை கொடுத்து சோதனை செய்த போது அவர்களின் குருதியில் இருக்கும் வெல்ல அளவில் குறைவு ஏற்பட்டதும் அவதானிக்கப்பட்டுள்ளது. இதற்கு காரணாம் பனாட்டில் இருக்கும் Flabelliferin ஆக இருக்க முடியும்.

இலங்கையில் பனை அபிவிருத்தி சபை பழகூழில் இருந்து பற்பசை செய்து மாதிரிகளை சந்தைக்கு விட்டிருந்தது.

கேட்காமலே பயன் தரும் பனையை நாம் இன்னும் சிறப்பாக பயன் படுத்தி பொருளாதார பயன் பெற முடியும். ஆனால் அதற்கு நிறைய ஆய்வுகள் தேவை.

வி .சிறகுகள் பனை மரமும் அதன் மருத்துவ குணங்கள் ! 678642

பனை மரமும் அதன் மருத்துவ குணங்கள் ! 678642

Guest · Guest Fri May 06, 2011 8:20 am

பனை மரமும் அதன் மருத்துவ குணங்கள் ! 224747944

பனை மரமும் அதன் மருத்துவ குணங்கள் ! 2825183110

மகா பிரபு · மகா பிரபு Fri May 06, 2011 9:32 am

அருமையான தகவல்.

ஒரு முறை தண்ணீர் விட்டால் ஓயாமல் பலன் தருவது பனை என்று கண்ணதாசன் பாடி இருக்கிறார்.

JUJU · JUJU Fri May 06, 2011 9:47 am

ஜினிக்கு (வெள்ளை சர்க்கரை) பதிலாக பனக் கற்கண்டு, பன சீனி, பயன்படுதினால் இருமல் ,தொண்டைபுண்,வயிறு புண் ,ஆகியவை குணமாகும்

கலைவேந்தன் · கலைவேந்தன் Fri May 06, 2011 10:00 am

பனஞ்சுளை - சாப்பிட்டிருக்கிறேன்.
பனம்பழம் - சாப்பிட்டிருக்கிறேன்
பனங்கிழங்கு - சாப்பிட்டு இருக்கிறேன்
பனை நீர் (பத நீர் ) - குடித்திருக்கிறேன்.
பனங்கல்கண்டு - சாப்பிட்டிருக்கிறேன்.
பனைவெல்லம் - சாப்பிட்டிருக்கிறேன்.
பனைக்குருத்து - சாப்பிட்டிருக்கிறேன்.
பனங்கள் - குடித்திருக்கிறேன். ஜாலி

பூஜிதா · பூஜிதா Fri May 06, 2011 10:48 am

கலைவேந்தன் wrote:பனஞ்சுளை - சாப்பிட்டிருக்கிறேன்.
பனம்பழம் - சாப்பிட்டிருக்கிறேன்
பனங்கிழங்கு - சாப்பிட்டு இருக்கிறேன்
பனை நீர் (பத நீர் ) - குடித்திருக்கிறேன்.
பனங்கல்கண்டு - சாப்பிட்டிருக்கிறேன்.
பனைவெல்லம் - சாப்பிட்டிருக்கிறேன்.
பனைக்குருத்து - சாப்பிட்டிருக்கிறேன்.
பனங்கள் - குடித்திருக்கிறேன்.

இன்று காலை ஆப்பம் சாப்பிட்டேன் யென் அம்மா ஆப்பமாவு ஆட்டும்போது பனங்கள் ஊற்றி தான் ஆட்டுவார்கள் சியர்ஸ்

கலைவேந்தன் · கலைவேந்தன் Fri May 06, 2011 10:50 am

கொடுத்து வைச்ச பொண்ணு தான் ... எத்தனை ஆப்பம் அடிச்சு விட்டிச்சு இந்த அருமைப்பொண்ணு..? ஜாலி

பூஜிதா · பூஜிதா Fri May 06, 2011 10:54 am

3 சாப்பிட்டேன் அண்ணா நல்ல தூக்கம் வருகிறது
அப்பதிற்கு ஆட்டு கால் பாயா வேறு ரிலாக்ஸ்

தமிழ்ப்ரியன் விஜி · 26/06/2009

"தென்னையை வைத்தவன் தின்று விட்டு செத்தான், பனையை வைத்தவன் பார்த்துவிட்டு செத்தான்" என்பர்...

கலைவேந்தன் · கலைவேந்தன் Fri May 06, 2011 10:56 am

பூஜிதா wrote:3 சாப்பிட்டேன் அண்ணா நல்ல தூக்கம் வருகிறது
அப்பதிற்கு ஆட்டு கால் பாயா வேறு

எனக்கு தராம அடிச்சு விட்டுட்டு ஜாலியா கூலா ஹாயா மஜாவா தூக்கம் வேற வருதா,,,? கோபம்

Sponsored content · Sponsored content

பனை மரமும் அதன் மருத்துவ குணங்கள் !

பனை மரமும் அதன் மருத்துவ குணங்கள் !

Re: பனை மரமும் அதன் மருத்துவ குணங்கள் !

Re: பனை மரமும் அதன் மருத்துவ குணங்கள் !

Re: பனை மரமும் அதன் மருத்துவ குணங்கள் !

Re: பனை மரமும் அதன் மருத்துவ குணங்கள் !

Re: பனை மரமும் அதன் மருத்துவ குணங்கள் !

Re: பனை மரமும் அதன் மருத்துவ குணங்கள் !

Re: பனை மரமும் அதன் மருத்துவ குணங்கள் !

Re: பனை மரமும் அதன் மருத்துவ குணங்கள் !

Re: பனை மரமும் அதன் மருத்துவ குணங்கள் !

Re: பனை மரமும் அதன் மருத்துவ குணங்கள் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக