மலேசியாவின் அதிகாரத்துவ சமயம் இஸ்லாம் என்பதை அனைவரும் ஏற்றுக் கொள்ள வேண்டும் - பிரதமர்

**சிவா** · **சிவா** Wed May 11, 2011 10:05 pm

மலேசியாவின் அதிகாரத்துவ சமயம் இஸ்லாம் என்பதை அனைவரும் ஏற்றுக் கொள்ள வேண்டும். அதனை எந்த வடிவத்திலும் மாற்ற முடியாது என பிரதமர் நஜிப் அப்துல் ரசாக் கூறியிருக்கிறார்.

“கூட்டரசு அரசியலமைப்பு இஸ்லாத்தின் நிலை குறித்தும் மற்ற சமயங்களின் நிலை குறித்தும் தெளிவாக விளக்கியிருப்பது அதற்குக் காரணம்,” என புத்ராஜெயாவில் 22 முஸ்லிம் தலைவர்களையும் அறிஞர்களையும் சந்தித்த பின்னர் நிருபர்களிடம் கூறினார்.

“எந்த ஒரு சூழ்நிலையிலும் கூட்டரசு அரசியலமைப்பைத் திருத்த முடியாது. ஆகவே அந்த விஷயம் பற்றி யாரும் கவலைப்பட வேண்டிய அவசியமே இல்லை”, என்றார் அவர்.

முஸ்லிம் தலைவர்களுடன் தாம் நடத்திய ஒரு மணி நேர சந்திப்பின் போது பல நடப்பு விவகாரங்கள் விவாதிக்கப்பட்டதாக நஜிப் தெரிவித்தார். நாட்டின் அதிகாரத்துவ சமயத்தை ‘மாற்றுவது’ பற்றி எழுந்துள்ள சர்ச்சையும் அவற்றுள் அடங்கும்.

“நான் அவ்வப்போது முஸ்லிம் தலைவர்களைச் சந்திப்பது வழக்கம். ஆனால் நடப்பு சூழ்நிலையில் நான் அந்தக் குழுவைச் சந்தித்து பிரச்னைகளை விவாதித்துள்ளது முக்கியமானதாகும்”, என்றார் பிரதமர்.

நாட்டின் ஒற்றுமை, அமைதி, வளப்பம் ஆகியவற்றை நிலை நிறுத்த வேண்டியதின் அவசியத்தை முஸ்லிம் தலைவர்கள் அந்தக் கூட்டத்தில் ஒப்புக் கொண்டதாகவும் அவர் சொன்னார்.

“ஆகவே ஒவ்வொருவரும் தங்களது உணர்வுகளைக் கட்டுப்படுத்திக் கொள்ள வேண்டும். நாட்டின் ஒற்றுமை, அமைதி, வளப்பம் ஆகியவற்றுக்கு பாதகத்தை ஏற்படுத்தும் எதனையும் செய்யக் கூடாது.”

மலேசியாஇன்று:http://www.malaysiaindru.com/?p=75728

தாமு · தாமு Wed May 11, 2011 10:38 pm

இது நல்ல கதையா இருக்கே .... என்ன கொடுமை சார் இது

கலைவேந்தன் · கலைவேந்தன் Wed May 11, 2011 11:05 pm

என்ன சொல்வது என்று தெரியவில்லை. நியாயமா இல்லையா என்பதை மலேசிய மக்கள் முடிவெடுக்க வேண்டும்..!

**சிவா** · **சிவா** Thu May 12, 2011 7:35 am

நஜிப்: இஸ்லாத்தின் நிலையை மதிப்பதற்கு கிறிஸ்துவர்கள் வாக்குறுதி அளித்துள்ளனர்

மலேசியாவின் அதிகாரத்துவ சமயம் இஸ்லாம் என்பதை அனைவரும் ஏற்றுக் கொள்ள வேண்டும் - பிரதமர் Christianity-issue1

மலேசியாவின் அதிகாரத்துவ சமயம் இஸ்லாம் என்பதை அனைவரும் ஏற்றுக் கொள்ள வேண்டும் - பிரதமர் Christianity-issue1

நாட்டின் அதிகாரத்துவ சமயம் என்னும் நிலையை தாங்கள் மதிப்பதாகவும் கூட்டரசு அரசியலமைப்பில் பொறிக்கப்பட்டுள்ள ஏற்பாடுகளுக்குச் சவால் விடுக்கும் எண்ணம் இல்லை என்றும் இந்த நாட்டில் உள்ள கிறிஸ்துவத் தலைவர்கள் வாக்குறுதி அளித்துள்ளதாக பிரதமர் நஜிப் அப்துல் ரசாக் கூறியிருக்கிறார்.

மலேசியா தொடர்ந்து அமைதியான வளமான நாடாகத் திகழ்வதற்கு பல்வேறு சமயங்களுக்கு இடையில் அமைதியையும் ஒற்றுமையையும் மேம்படுத்துவதற்கு ஒத்துழைக்க அவர்கள் உறுதி அளித்துள்ளதாகவும் பிரதமர் சொன்னார்.

“கிறிஸ்துவத் தலைவர்கள் மிகவும் முக்கியமான இரண்டு அர்த்தமுள்ள வாக்குறுதிகளை வழங்கினர் என்பதை தெரிவித்துக் கொள்வதில் நான் மகிழ்ச்சி அடைகிறேன்”, என அவர் புத்ராஜெயாவில் தமது அலுவலகத்தில் கிறிஸ்துவத் தலைவர்களைச் சந்தித்த பின்னர் நிருபர்களிடம் கூறினார்.

அந்தச் சந்திப்பின்போது பிரதமர் துறையில் உள்ள அமைச்சர்களான கோ சூ கூனும் இட்ரிஸ் ஜாலாவும் உடன் இருந்தனர். மலேசியக் கிறிஸ்துவ சம்மேளனத்தின் தலைவர் ஆயர் இங் மூன் ஹிங்கும் அங்கு இருந்தார்.

கிறிஸ்துவத் தலைவர்கள் அந்தச் சந்திப்பில் தெரிவித்த கருத்துக்களையும் அவர்கள் எதிர்நோக்கும் பிரச்னைகளையும் ஆய்வு செய்வதற்கு அரசாங்கத்துக்கு கால அவகாசம் தேவைப்படுவதாக அவர்களிடம் நஜிப் வலியுறுத்தினார்.

இதனிடையே, கிறிஸ்துவ சமயம் குறித்த பிரச்னை மீது போலீஸ் விசாரணணயின் முடிவுக்காக தாம் இன்னும் காத்திருப்பதாக நஜிப் மேலும் கூறினார்.

Sponsored content · Sponsored content

மலேசியாவின் அதிகாரத்துவ சமயம் இஸ்லாம் என்பதை அனைவரும் ஏற்றுக் கொள்ள வேண்டும் - பிரதமர்

மலேசியாவின் அதிகாரத்துவ சமயம் இஸ்லாம் என்பதை அனைவரும் ஏற்றுக் கொள்ள வேண்டும் - பிரதமர்

Re: மலேசியாவின் அதிகாரத்துவ சமயம் இஸ்லாம் என்பதை அனைவரும் ஏற்றுக் கொள்ள வேண்டும் - பிரதமர்

Re: மலேசியாவின் அதிகாரத்துவ சமயம் இஸ்லாம் என்பதை அனைவரும் ஏற்றுக் கொள்ள வேண்டும் - பிரதமர்

Re: மலேசியாவின் அதிகாரத்துவ சமயம் இஸ்லாம் என்பதை அனைவரும் ஏற்றுக் கொள்ள வேண்டும் - பிரதமர்

Re: மலேசியாவின் அதிகாரத்துவ சமயம் இஸ்லாம் என்பதை அனைவரும் ஏற்றுக் கொள்ள வேண்டும் - பிரதமர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக