பட்டாம்பூச்சிக் கவிதைகள்; பட்டாம்பூச்சிக்கு சமர்ப்பணம்

வித்யாசாகர் · வித்யாசாகர் Tue Sep 08, 2009 3:37 am

First topic message reminder :

வித்யாசாகர் அவர்களே..எனக்கு பட்டாம் பூச்சி பற்றிய கவிதை கிடைக்குமா ?

அன்புடன் மீனு

உன்னிடம் பேசுகையில்

ஆயிரம்
பட்டாம் பூச்சிகள்
பறக்கின்றன;
ஒன்றை கூட
பிடிக்க
முடியவில்லை,

எல்லாம் -
மனதிற்குள் மட்டும்!
--------------------------
வித்யாசாகர்

வித்யாசாகர் · வித்யாசாகர் Tue Sep 08, 2009 3:53 am

பட்டாம்பூச்சிக்கு சமர்ப்பணம்

என்ன எழுதுகிறாய்
என்றது -
பட்டாம்பூச்சி;

உன்னை பற்றித்
தான் -
எழுதுகிறேனென்றேன்;

என்னைப்பற்றி
எழுதுகிறாய் சரி -
எனக்காகவா
எழுதுகிறாய், என்றது;

என்னால்
இல்லையென்று
சொல்லமுடிய வில்லை
பட்டாம்பூச்சியிடம்;

சரி.. சரி..
எழுது எழுது
கவிதைகளாவது
மிஞ்சட்டுமென்றது
பட்டாம்பூச்சி!!
----------------------
வித்யாசாகர்

மீனு · மீனு Tue Sep 08, 2009 10:49 am

அருமை ..அருமை.. ரொம்ப சந்தோசம் வித்யாசாகர் .. நான் கேட்டதும் உடனே கவிதை கிடைக்கிறதே..எப்படி உங்களால் மட்டும் முடிகிறது..
கவிதையின் கருத்து அருமை..பாராட்டுக்கள் .. கவிதையின் தலைப்பு ரொம்பவே அருமை..எனக்கு பட்டாம் பூச்சிகள் என்றால் ரொம்ப பிடிக்கும்..இங்கே காண்பது அரிது ..
உங்ககிட்டே பறவைகள் பற்றி கவிதைகள் இருந்தால்..நமக்கும் படிக்க தரவும்..எந்த பறவை என்றாலும் சரி..
அன்புடன் மீனுகா