குறும்படப் போட்டி

தினமணி நாளிதழும், நெய்வேலி புத்தகக் கண்காட்சிக் குழுவும் இணைந்து
நடத்தும் குறும்படப் போட்டிக்கான சிறந்த குறும்படங்கள் வரவேற்கப்படுகின்றன.
பரிசுகள்


முதல் பரிசு ரூ.15 ஆயிரம்
2-ம் பரிசு ரூ.10 ஆயிரம்
3-ம் பரிசு ரூ.5 ஆயிரம்
இதுதவிர சிறப்புப் பரிசுகள் (இயக்கம், நடிப்பு,ஒளிப்பதிவு, கதைக்கரு) தலா ரூ.1,000

படத்தொகுப்புக்கான பீம்சிங்கின் பரிசு ரூ.5 ஆயிரம்.

போட்டியில் கலந்துகொள்ளும் அனைத்தப் படைப்பாளிகளுக்கும் பாராட்டுச் சான்றிதழ் வழங்கப்படும்.

என்.எல்.சி. நிறுவனத்தின் ஆதரவுடன் 14-வது
ஆண்டாக நடைபெறும் நெய்வேலி புத்தகக் கண்காட்சி ஜூலை 1 முதல் 10-ம் தேதிவரை
நெய்வேலி வட்டம் 11-ல் உள்ள லிக்னைட் அரங்கில் நடக்கவுள்ளது. இப்புத்தகக்
கண்காட்சியையொட்டி இளம் திரைப்படக் கலைஞர்களை ஊக்கப்படுத்தும் வகையில்,
தினமணி நாளிதழும், புத்தகக் கண்காட்சி குழுவும் ஆண்டுதோறும் குறும்படப்
போட்டிகளை நடத்தி பரிசுகளை வழங்கி வருகிறது.
இப்போட்டியில் தமிழகம் முழுவதும் இருந்து 100-க்கும் மேற்பட்ட திரைப்பட
ஆர்வலர்கள் பங்கேற்று தங்களது திறனை வெளிப்படுத்தி வருகின்றனர். அதன்படி
14-வது நெய்வேலி புத்தகக் கண்காட்சியில் பங்கேற்கவிருக்கும் திரைப்படக்
கலைஞர்களிடமிருந்து சில நிபந்தனைகளுக்குட்பட்ட குறும்படங்களை கண்காட்சிக்
குழு வரவேற்கின்றன.

படைப்புக்கள் பின்வரும் விதிகளுக்கமைய சமர்ப்பிக்கப்படவேண்டும்
* குறும்படங்கள் தமிழின் பண்பாட்டு மேன்மை, சமுதாயச் சிக்கல்கள், சமூக உணர்வுகள் போன்றவற்றை பிரதிபலிப்பவை ஆகவும்,
30 நிமிடங்களுக்கு மிகாமலும் இருத்தல் வேண்டும்.

* குறும்படங்கள் டி.வி.டி. அல்லது வி.சி.டி.யில் பதிவு
செய்யப்பட்டிருத்தல் வேண்டும். குறும்படத்தின் சுருக்கம், முக்கியக்
காட்சிகளின் ஒளிப்படங்கள், இயக்குநரின் ஒளிப்படம் வரவேற்கப்படுகின்றன.

*
படத்தின் உரிமையாளரிடமிருந்து ஒப்புதல் கடிதம் பெறப்பட்டு ஒப்புதல் இணைக்கப்பட்டிருக்க வேண்டும்.
* குறும்படங்கள் 1-1-2009-க்கு பிறகு எடுக்கப்பட்டவையாக இருக்கவேண்டும்.

தேர்ந்தெடுக்கப்படும் குறும்படங்கள் புத்தகக் கண்காட்சியின்போது
திரையிடப்படும். தேர்வு செய்யப்படாத குறும்படங்கள் திருப்பி
அனுப்பப்படமாட்டாது. பரிசுகள் நெய்வேலி புத்தகக் கண்காட்சியின் போது
வழங்கப்படும்.

* படைப்புக்கள் அனுப்பப்பட வேணடிய முகவரி
செயலாளர், நெய்வேலி புத்தகக் கண்காட்சி,
முதன்மைப் பொதுமேலாளர் தொழிலக பொறியியல் பிரிவு, தலைமைச் செயலகம்,
நெய்வேலி பழுப்பு நிலக்கரி நிறுவனம், வட்டம் 1, நெய்வேலி 607801, கடலூர்
மாவட்டம்.
-நன்றி தினமணி

நல்ல செய்தி... தகுதி பெற்றோர் கலந்து பரிசினைப்பெற வாழ்த்துகிறேன்..!