சீதனம்

thazeem · thazeem Wed May 11, 2011 12:27 pm

சீதனம்

ஏழ்மைச் சுமையின் ஏக்கத்தில் ஏமாந்துபோன
பெண்ணுக்கு பரம எதிரியாய் பல்லிழிக்கும் பாசாங்கு
அவளின் உள்ளத்தின் ஆழத்தில் கொதிக்கின்ற
எண்ணக் குதங்களுக்கு எரிகொள்ளி

ஆண் பிள்ளை என்று வெறும் உறுப்பை மட்டும்
வைத்துக்கொண்டுள்ள பணப் பல்லிகளின் பட்டாபிசேகம்
பணக்கார மாமனாரின் பாசமுள்ள மகளை
சுமக்க கூலிக்கு நியமித்த செக்கு மாடு

பிள்ளை பெறும் தொழிலுக்கு மாத்திரம்
ஆறேழு லட்சம் என்றால்....
சீதனம் கொடுக்கும் , வாங்கும்
அனைவரும் பச்சை விபச்சாரிகளே...

பெண் பிள்ளைளை காசுக்காய் கூட்டிக் கொடுக்கும்
தந்தையை விட
ஆண் பிள்ளையை காசுக்காய் விற்கின்ற
வியாபாரிகளே கவனமாய் இருங்கள்.

தகாத உறவினால்தான் எயிட்ஸ் வருகிறது
உங்கள் தவறான கொள்ளையடிப்பினால்
நாளை உனக்கும் எயி்ட்ஸை விட
கொடிய நோய் வரலாம்...

கரும்புத் தோட்டத்தில் களவிலே
பிடிபட்டாலும் பரவாயில்லை
என் பிள்ளைக்கு காசு கொடுத்தால்
ஆயிரம் மாப்பிள்ளை வருவான்...

பார்த்தாயா சகோதரனே...
உன்னை எந்த அளவுக்கு மதிக்கிறான்
உன்னை விட வீதியில் செல்லும்
சொறி நாய்கள் மேல்.. அதுவும் வீட்டை பாதுகாக்கும்

மகா பிரபு · மகா பிரபு Wed May 11, 2011 12:49 pm

வரதட்சணை எனும் சமுதாயக் கொடுமைக்கு சாட்டையடி உங்கள் கவிதை.

உதயசுதா · உதயசுதா Wed May 11, 2011 1:28 pm

வரதட்சணை எனும் பேயை நல்லா சவுக்கால் அடிச்சு இருக்கீங்க.
இந்த பேய் நாம் நாட்டை விட்டு ஓடும் காலம் வராதா என்று எத்தனை பெண்கள் ஏங்குகின்றனர்

ANTHAPPAARVAI · ANTHAPPAARVAI Wed May 11, 2011 1:32 pm

வரதட்சிணை கொடுப்பதும் வாங்குவதும் தவறில்லை நண்பா!

அது அவரவர் விருப்பம்.

ஆனால், வரத்தட்சிணைக் கொண்டு வரவில்லை என்று ஒரு பெண்ணை கொடுமைப் படுத்துவதுதான் தவறு! (திருமணத்திற்குப் பின்)

நான் எதுவுமே கொண்டு வரமாட்டேன், நீ என்னை வைத்து சோறு போட வேண்டும். என்று ஒரு பெண் சொன்னாலும் அது தவறுதான்.

ஆணும், பெண்ணும் சரி சமம் என்று வந்தவுடன் இருவரும் இணைந்து முதலீடு போட்டு வாழ்க்கை நிறுவனத்தைத் தொடங்குவதுதானே நியாயம்?

உங்கள் சிந்தனைக்குப் பாராட்டுக்கள்! மகிழ்ச்சி

Jiffriya · Jiffriya Wed May 11, 2011 1:37 pm

ஆணும் பெண்ணும் சேர்ந்து முதலீடு செய்வதற்கு அது நிறுவனம் அல்ல திருமணம்..வரதட்சணை என்ற சொல் கூட ஏழைப் பெண்களை உயிரோடு எரிக்கிறது..உண்மையான வரிகள்..அற்புதமான கவிதை.. சூப்பருங்க

உதயசுதா · உதயசுதா Wed May 11, 2011 1:40 pm

[quote="ANTHAPPAARVAI"]வரதட்சிணை கொடுப்பதும் வாங்குவதும் தவறில்லை நண்பா!

அது அவரவர் விருப்பம்.

ஆனால், வரத்தட்சிணைக் கொண்டு வரவில்லை என்று ஒரு பெண்ணை கொடுமைப் படுத்துவதுதான் தவறு! (திருமணத்திற்குப் பின்)

இது சரி

நான் எதுவுமே கொண்டு வரமாட்டேன், நீ என்னை வைத்து சோறு போட வேண்டும். என்று ஒரு பெண் சொன்னாலும் அது தவறுதான்.

]b]இது தப்பு, மனைவியை வைத்து யாரும் சும்மா சோறு போடவில்லை.அவளும் உழைக்கிறாள்,வீட்டு வேலை செய்து தருகிறாளே.வீடு சுத்தம் பண்ணும் வேலைக்கு,சமையல் செய்யும் வேலைக்கு, குழந்தைகளை பெத்து தரும்,பார்த்து கொள்ளும் வேலைக்கு, துணி துவைக்கும் வேலைக்கு,பாத்திரம் கழுவும் வேலைக்கு,இரவு வேலைக்கு என்று ஒவ்வொரு வேலைக்கும் சம்பளம் தருவதானல் நீங்கள் உங்கள் மொத்த சம்பளத்தையும் தரவேண்டி இருக்கும்.மூணு வேலை சோறு போட்டு இத்தனை வேலை வாங்கும்போது வரதட்சணையாக எதுவும் வாங்கி கொள்ளாமல் திருமணம் செய்தால் என்ன?
[/b]

ஆணும், பெண்ணும் சரி சமம் என்று வந்தவுடன் இருவரும் இணைந்து முதலீடு போட்டு வாழ்க்கை நிறுவனத்தைத் தொடங்குவதுதானே நியாயம்?

இது என்ன தொழிலா இருவரும் சேர்ந்து முதலீடு போட்டு துவங்க.ஆணும்,பெண்ணும் சரி சமம் என்று வாய் அளவில்தான் பேசிக்கொண்டு இருக்கோரோமே தவிர இன்னும் நடைமுறைளா வரலை.
பெண் கொண்டு வரதட்சணையாக பணம் கொண்டு வந்தால் தான் ஆண் சிறப்பாக வாழ முடியும் என்றால் அவன் ஆணே இல்லை.

ஹாசிம் · ஹாசிம் Wed May 11, 2011 3:24 pm

அருமையான கவிதை சாட்டையடிவிழுந்தது வரதட்சனைக்கும் வாங்குவோருக்கும்

அருமையான விளக்கம் சுதா

ANTHAPPAARVAI · ANTHAPPAARVAI Wed May 11, 2011 3:31 pm

"வரதட்சிணை" என்ற ஆயுதத்தை பலரும் தவறாகப் பயன் படுத்துகிறார்களே... இதனால் பல குடும்பங்கள் சீரழியப் படுகிறது... இதற்காகவே நான் சொன்னேன்.
வரதட்சிணையால் பாதிக்கப்பட இருந்த ஒரு குடும்பத்தைப் பற்றிய உண்மைச் சம்பவத்தை நான் பிறகு கூறுகிறேன்.

நன்றி அக்கா!

நீங்கள் சொல்லும் எந்த வேலையும் கணவனுக்காக மட்டுமே செய்யும் வேலைகள் இல்லை என்பதை சொல்லிக் கொள்ளக் கடமைப்பட்டிருக்கிறேன்.... பெற்ற குழந்தையைப் பார்த்துக் கொள்ள சம்பளம் கேட்டால், கணக்குப் பார்த்தால் அதை என்ன சொல்வதென்று என்று எனக்குத் தெரியவில்லை....!

நீங்கள் சொல்வதைப் பார்த்தால் இருவருமே வரதட்சிணை எதிர் பார்க்கிறார்கள்! ஆண்களைமட்டும் குறை சொல்வது நியாயமில்லை.

குடும்பம் என்பது "நிறுவனம்" போன்றதுதான் என்பதில் எனக்கு மாற்றுக் கருத்தும் இல்லை!

உதயசுதா · உதயசுதா Wed May 11, 2011 3:34 pm

இதுக்கு மேலே நான் வாதம் பண்ணினால் இவங்க திரியோட பாதையா மாத்திடராங்கன்னு பேரு வரும்.அதனால இதோட நிறுத்திக்கறேன் குயிலன்.
உங்க கருத்து உங்களோட,என் கருத்து என்னோட

ANTHAPPAARVAI · ANTHAPPAARVAI Wed May 11, 2011 3:35 pm

உதயசுதா wrote:இதுக்கு மேலே நான் வாதம் பண்ணினால் இவங்க திரியோட பாதையா மாத்திடராங்கன்னு பேரு வரும்.அதனால இதோட நிறுத்திக்கறேன் குயிலன்.
உங்க கருத்து உங்களோட,என் கருத்து என்னோட

Sponsored content · Sponsored content

சீதனம்

சீதனம்

Re: சீதனம்

Re: சீதனம்

Re: சீதனம்

Re: சீதனம்

Re: சீதனம்

Re: சீதனம்

Re: சீதனம்

Re: சீதனம்

Re: சீதனம்

Re: சீதனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக