பேனர் -புதுக்கவிதை

puthuvaipraba · puthuvaipraba Sun Apr 17, 2011 7:56 am

தற்போது-
அனேக விசேசங்களையும்
ஆக்கிரமித்துக்கொண்டிருக்கிறது
பேனர்

மணமகளே இல்லாமல் கூட
திருமணம் நடக்கும்
பேனர் இல்லாமல்?

பிரபலங்களின்
பிறந்தநாள் விழா
தொழிலதிபர் வீட்டு
பூப்பூ நீராட்டு விழா
காதணி விழா-
குடிபுகு விழா-
எல்லாவற்றிற்கும்
பிரமாண்டமான பேனர்கள்

ஏழு- பதினாறு- முப்பதாம் நாள்
துக்கத்திற்கும்
கண்ணீர்துளி சொட்டும்
கருப்பு வெள்ளை பேனர்கள்

அடச்சீ!
ஒரே ஒரு
சடங்கிற்குத்தான்
இன்னும் யாரும்
பேனர்வைக்கத்
துணியவில்லை

ஆடம்பரத்தின்
அடையாளமாக
விளம்பர மோகத்தின்
வெளிப்பாடாக
விளங்கும் பேனர்களின்
மீதான ஆத்திரம்
அடங்கிப்போகிறது-
ஆர்ப்பாட்டமில்லாமல் அது
ஓட்டைக்குடிசைகளுக்கு
திரையாகிடும்போதும்
ஏழைக் குளியலறைக்கு
சுவராகிடும்போதும்.

புதுவைப்பிரபா-

**ரா.ரமேஷ்குமார்** · 23/01/2011

ஆடம்பரத்தின்
அடையாளமாக
விளம்பர மோகத்தின்
வெளிப்பாடாக
விளங்கும் பேனர்களின்
மீதான ஆத்திரம்
அடங்கிப்போகிறது-
ஆர்ப்பாட்டமில்லாமல் அது
ஓட்டைக்குடிசைகளுக்கு
திரையாகிடும்போதும்
ஏழைக் குளியலறைக்கு
சுவராகிடும்போதும்

முரளிராஜா · முரளிராஜா Sun Apr 17, 2011 9:17 am

கவிதை அருமை மகிழ்ச்சி

மகா பிரபு · மகா பிரபு Sun Apr 17, 2011 9:27 am

பேனர் இல்லா கல்யாணங்கள்
இல்லதவன் வீட்டு கல்யாணமாகவே கருதப்படுகிறது. பேனர் வைக்க ஆகும் ஆயிரம் ரூபாயில் மணமக்களுக்கு பயனுள்ள பரிசுப் பொருளை வாங்கி கொடுத்தால் காலத்திற்கும் மனதில் நிற்கும். நல்ல வேலை தேர்தலுக்கு பேனர் தடை செய்யப்பட்டது. இல்லையென்றால், கற்பனை செய்து பாருங்கள். ஐயோ!

balakarthik · balakarthik Sun Apr 17, 2011 7:07 pm

பாஸ் பேனரால இருக்கும் ஒரே நன்மை அதுதான் - அருமை தோழா தொடருங்கள் இதுபோல

ரபீக் · ரபீக் Sun Apr 17, 2011 7:08 pm

puthuvaipraba · puthuvaipraba Mon Apr 18, 2011 8:09 am

ரமேசு குமார்,முரளிராஜா, அறிமுக நாயகன், பாலா கார்த்திக் மற்றும் ரபீக் அவர்களுக்கு என் மனமார்ந்த நன்றி

தேனி சூர்யாபாஸ்கரன் · 09/06/2010

ஆடம்பரத்தின்
அடையாளமாக
விளம்பர மோகத்தின்
வெளிப்பாடாக
விளங்கும் பேனர்களின்
மீதான ஆத்திரம்
அடங்கிப்போகிறது-
ஆர்ப்பாட்டமில்லாமல் அது
ஓட்டைக்குடிசைகளுக்கு
திரையாகிடும்போதும்
ஏழைக் குளியலறைக்கு
சுவராகிடும்போதும்.

அருமையான அர்த்தம் உள்ள வரிகள்...பாராட்டுக்கள்.. சூப்பருங்க