ரஜினி குணமடைய தமிழகமெங்கும் பிரார்த்தனை நடத்தும் ரசிகர்கள்!!

First topic message reminder :


நடிகர் ரஜினிகாந்த் உடல்நலம் பெற வேண்டி, தமிழகம் முழுவதிலும் அவரது ரசிகர்கள் தீவிர பிரார்த்தனை மேற்கொண்டுள்ளனர்.

திருச்சியில் ரசிகர் மன்ற நிர்வாகி ராயல் ராஜ் உடல் முழுக்க தீச்சட்டி ஏந்திய வேண்டிக் கொண்டார். திருச்சி மாவட்ட தலைவர் கர்ணன் வெள்ளி ரதம் இழுத்தார்.

சென்னையில் நடந்த ராணா படப்பிடிப்பின் போது நடிகர் ரஜினிகாந்துக்கு உடல் நலக்குறைவு ஏற்பட்டது. இதைத்தொடர்ந்து சென்னை இசபெல்லா மருத்துவமனையில் ரஜினி அனுமதிக்கப்பட்டார். அதன் பின்னர் அன்றே ரஜினி வீடு திரும்பினார்.

இந்நிலையில் கடந்த 4 நாட்களுக்கு முன்பு மீண்டும் உடல் நலக்குறைவு காரணமாக மருத்துவமனையில் ரஜினி அனுமதிக்கப்பட்டார்.

அங்கு அவரை தீவிர சிகிச்சைப் பிரிவில் வைத்து சிகிச்சை அளித்து வருகின்றனர். பார்வையாளர்கள் யாரையும் அனுமதிக்கவில்லை.

ரஜினியின் உடல்நிலை குறித்து ரசிகர்கள் கவலைபட வேண்டாம் என்று சிகிச்சையளித்த டாக்டர் கிஷோர் மற்றும் ரஜினியின் மூத்த மகள் ஐஸ்வர்யா ஆகியோர் தெரிவித்துள்ளார்.

இருப்பினும் தமிழகம் முழுவதும் உள்ள ரஜினி ரசிகர்கள் அவர் மீது கொண்ட அன்பின் காரணமாக அங்காங்கே சிறப்பு வழிபாடுகளை நடத்தி வருகின்றனர்.

இதேபோல் திருச்சி ஸ்ரீரங்கம் ராஜகோபுரம் அருகேயுள்ள முனீஸ்வரர் கோவிலில் இருந்து இன்று காலை திருச்சி மாவட்ட ரஜினி ரசிகர் மன்ற அமைப்பாளர் 'ராயல் ராஜ்' தீச்சட்டி ஏந்தி ஊர்வலமாக சென்றார். உடல் முழுவதும் நட்சத்திர வடிவமைப்பில் 10-க்கும் மேற்பட்ட தீச்சட்டிகளை ஏந்திகொண்டு அவர் சுமார் 1 கிலோ மீட்டர் தூரம் ஊர்வலமாக முருகன் கோவில் வரை சென்றார். இதில் ஏராளமான ரஜினி ரசிகர்களும் பங்கேற்றனர்.

இதேபோல் ஸ்ரீரங்கம் ராகவேந்திரா கோவிலில் ரஜினி உடல் நலமடைய வேண்டி திருச்சி மாவட்ட தலைவர் கர்ணன் தலைமையில் வெள்ளி ரதம் இழுக்கப்பட்டது. நிகழ்ச்சியில் ரசிகர் மன்ற நிர்வாகிகள் ஆர்.கே.எஸ்.ராஜா, ரஜினி சிவா, தென்னூர் உதயா, நாசர், ஸ்ரீரங்கம் திலீப்ரமேஷ், ரஞ்சித்குமார் உள்பட 50-க்கும் மேற்பட்டோர் கலந்து கொண்டனர்.

தட்ஸ்தமிழ்

[quote="Manik"
நண்பா இவர் நடிகர் என்று நினைத்து இதை பன்னவில்லை ஒரு மனிதர் என்று நினைத்து பன்னுகிறார் என்ன ஒன்று இந்த மனிதரை இவருக்கு ரொம்ப பிடித்திருக்கிறது அவ்ளோதான்........... [/quote]
நான் குறிப்பிட்டு சொல்லவில்லை அண்ணா பொதுவாக ரசிகர்களுக்கு இடையே ஏற்படும் மோதல்களுக்கு சொன்னேன்

அவர் விரைவில் குணமடைய இறைவனை வேண்டுகிறேன்...

சில நடிகர்கள் இருக்கிறார்கள் ரசிகர்கள் இப்படித்தான் நடந்து கொள்ள வேண்டுமென்று கட்டளையிடுவார்கள். ரஜினி அப்படி இல்லை என்பது நீங்கள் அவர் மனதை உணர்ந்து பார்த்தால் தான் தெரியும். எனக்கு ஏன் இந்த வேலை அப்படின்னு நீங்க நினைக்கும் பட்சத்தில் உண்மை என்ற ஒரு வார்த்தைக்கு உங்களுக்கு கடைசி வரைக்கும் அர்த்தம் தெரியாது. எந்த ஒரு விசயத்தையும் ஆராய்ந்து பார்க்கும் போது தான் உண்மை தெரியவரும் அதுபோல் தான் ரஜினியும் அவர் மனதை உணர்ந்தாலே போதுமானது.

Manik wrote:

உதயசுதா wrote:அட நாசமா போராவனே, ஒரு சல்லி காசுக்கு கூட பிரயோஜனம் இல்லாதவனே.
குடும்பத்துல யாருக்காச்சும் ஒரு நோய் வந்தா கூட இவனுகா இப்படி இருக்க மாட்டனுங்க.
இவனுகளை பெத்தவங்களை சொல்லணும்,இல்லைன்னா கட்டிக்கிட்ட மகராசிய சொல்லணும்.இந்த மாதிரி வேலை எல்லாம் பார்த்துட்டு வந்தா வீட்டுல சாப்பாடு கிடையாதுன்னு நாலு தடவை அடிச்சு விரட்டி விட்டா இவனுகா தன்னால அடங்கி போவாணுக

நீங்க இப்படி சொல்லுவீங்கன்னு எதிர்பார்க்கல... யார் மனதையும் புண்படுத்தக்கூடாதுன்னு நினைக்கிறவர் ரஜினி அவருக்காக வேண்டிக்கிறதுல தப்பே இல்ல................... எங்கோ நிகழ்ந்த சுனாமிக்கு பலியானவர்களுக்காக நாம் இங்கு கண்ணீர் சிந்துகிறோமே அது போல் தான் இவர் குணமடைய வேண்டுமென்பது அந்த ரசிகரின் ஆசை இதை நீங்க தப்பா எடுத்துக்கிட்டா தப்பாதான் தெரியும். நீங்க ஜெட் மாதிரி வேகமான உலகத்துல வாழலாம் ஆனால் யாருக்காவது ஒருத்தர் உங்க கணவர், தாய், தந்தை இவர்களைத் தவிர வேற யாரையாவது ஒருத்தர நீங்க ரசிச்சீங்கன்னா சின்ன பிள்ளைல இருந்து ரசிச்சு வந்தீங்கன்னா அவங்களுக்கு உடம்பு சரியில்லைனா கூட இப்படித்தான் வருத்தப்படுவீங்க. இது இயல்பான மனநிலை எல்லோருக்கும் உடையது தான். பொது விசயத்தையும் சொந்த விசயத்தையும் என்னைக்கும் முடிச்சு போடாதீங்க அக்கா...................

எனக்கும் ரஜினி உடல் நலம் இல்லாம இருக்கறதுல வருத்தம் தான் மாணிக்.நானும் அவருக்காக பிரார்த்தனை பண்ணிக்கிறேன்.அந்த அளவோட நின்னுக்கணும்.அத விட்டுட்டு இது என்ன வேலை?இதே தான் தகப்பனுக்கோ,தாய்க்கோ உடம்பு முடியாலைன்னா இவன் இந்த மாதிரி பண்ணுவானா?

நீங்க சொல்றது எல்லாம் சரிதான் அக்கா இவர்கள் இந்தமாதிரி பன்னக்கூடாது என்பது தான் ரஜினியின் ஆசையும் கூட ஆனால் இவர்கள் கேக்குற மாதிரி தெரியல உன் தாய் தாண்டா கடவுள்னு பலமுறை சொன்னாலும் கேக்காத ரசிகர்கள் இருக்கத்தான் செய்றாங்க

ரஜினிக்காக என் அன்பு பிரார்த்தனைகள்....

தமிழக மக்களின் மனதில் நீங்காது இடம் பிடித்து இருக்கும் ரஜினி குணமடைய என் பிரார்த்தனையும்....

தமிழக மக்களின் மனதில் நீங்காது இடம் பிடித்து இருக்கும் ரஜினி குணமடைய என் பிரார்த்தனையும்...