காதல் எனக்கு மட்டும்

அப்துல்லாஹ் · அப்துல்லாஹ் Sat May 07, 2011 4:21 pm

கண்ணினில் வீழ்ந்து எந்தன்
காட்சியாய் ஆனாய் பெண்ணே
மண் மீதில் எந்தன் உள்ளம்
மாண்புற்ற நாளும் அன்றே

இத்தரை மீதில் நானும்
எத்தனை காலம் வாழ்ந்தேன்
அத்தனை கணம் மறந்து - உந்தன்
பித்தனாய் மாறிப் போனேன்

உள்ளத்தில் உள்ளதெல்லாம்
உன்னிடம் சொல்ல எண்ணி - உன்
இல்லத்தில் காண எண்ணி
இருப்பிடம் தேடி வந்தேன்

எனைப்பற்றி ஏதுமறியா
ஏந்திழை உன்னில் என்னை
என்னவென்று காட்டிடுவேன்
என் நெஞ்சில் உள்ளதெல்லாம்

காதல் மலர்ந்தது என்னுள் - ஆனால்
விதைக்கவே இல்லை உன்னில்
ஒருதலைக் காதல் என்று
ஒதுக்கப்பட்டேன் உன்னால் நானும்

ஒதுங்கியே வாழ்கின்றேன்
இன்றும் என் உள்ளத்தில் நீ
காதலும் தெரியாமல் என் கனவுகளும் புரியாமல்
உன் கணவனோடு நீ வாழ்கின்ற நாளில் வாழ்கின்ற உலகில்....

அப்துல்லாஹ் சார்
அல்கோபர்
07 05 2011

**பிளேடு பக்கிரி** · 01/03/2010

காதல் எனக்கு மட்டும்

காதல் எனக்கு மட்டும்

Re: காதல் எனக்கு மட்டும்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக