ஸ்பெக்ட்ரம் விவகாரத்தில் யாரையும் பாதுகாக்க மாட்டோம்: சுப்ரீம் கோர்ட்டு அதிருப்தி;

பூஜிதா · பூஜிதா Thu May 05, 2011 3:57 pm

2ஜி ஸ்பெக்ட்ரம் ஒதுக்கீட்டில் நடந்த முறை கேட்டால் ரூ. 1.76 லட்சம் கோடி இழப்பு ஏற்பட்டதாக கணக்கு தணிக்கைத் துறை தகவல் வெளியிட்டது. இது தொடர்பாக சி.பி.ஐ., அமலாக்கப்பிரிவு, வருமான வரித்துறை, பொது கணக்கு குழு, பாராளுமன்ற கூட்டுக் குழு ஆகியவை விசாரணை நடத்தி வருகின்றன. சி.பி.ஐ. நடத்தி வரும் விசாரணை, டெல்லி சுப்ரீம் கோர்ட்டின் கண்காணிப்பில் நடக்கிறது.

விசாரணை தகவல்களை அடிக்கடி சுப்ரீம் கோர்ட்டு ஆய்வு செய்து புதிய உத்தரவுகளை பிறப்பித்து வருகிறது. இன்றும் ஸ்பெக்ட்ரம் வழக்கு சுப்ரீம் கோர்ட்டில் எடுத்துக் கொள்ளப்பட்டது. ஸ்பெக்ட்ரம் ஒதுக்கீட்டின் போது நடந்த வரி ஏய்ப்புகள் குறித்து நீதிபதிகள் சிங்வி, ஏ.கே.கங்குலி இருவரும் பல்வேறு கேள்விகளை எழுப்பினார்கள். வருமான வரித்துறை அதிகாரிகளால் சுப்ரீம் கோர்ட்டுக்கு உரிய தகவல்கள் கொடுக்க இயலவில்லை. இதனால் வருமான வரித்துறை மீது சுப்ரீம் கோர்ட்டு நீதிபதிகளுக்கு கடும் அதிருப்தி ஏற்பட்டது. அவர்கள் கூறியதாவது:-

2ஜி ஸ்பெக்ட்ரம் வரி ஏய்ப்பு தொடர்பாக கடந்த 3 ஆண்டுகளாக விசாரித்து வருகிறீர்கள். இடைத்தரகர் நீரா ராடியா தொலைபேசி உரையாடல்களை பதிவு செய்த நாளில் இருந்து விசாரிக்கிறீர்கள். ஆனால் இன்னும் எந்த தகவலும் வருமான வரித்துறை சார்பில் தரப்படவில்லை.

வருமான வரித்துறை விசாரணை மந்த கதியில் நடக்கிறது. எனவே வருமான வரித்துறையினர் இன்னும் விரைந்து செயல்பட வேண்டும். எங்களுக்கு தேவை முடிவு. இந்த வரி ஏய்ப்பு வழக்கமான நடைமுறையில் உள்ள சாதாரண வரி ஏய்ப்பு அல்ல. எனவே வேகமாக விசாரிக்க வேண்டியது அவசியமாகும். சாதாரணமாக விசாரிப்பது போல நீங்கள் விசாரித்து கொண்டிருக்கக் கூடாது.

ஸ்பெக்ட்ரம் சிறப்பு நீதிமன்றத்தை வருமான வரித்துறை அணுகி, சிறப்பு அனுமதி பெற்று 2ஜி உரிமம் பெற்ற தொலைத் தொடர்பு அதிகாரிகளை விசாரிக்க வேண்டும். ஏற்கனவே இந்த விவகாரத்தில் கைதாகி சிறையில் இருப்பவர்களிடமும் நீங்கள் விசாரணை நடத்தலாம். எங்களுக்கு முழுமையான தகவல்கள் தரப்பட வேண்டும். இதற்காக நாங்கள் உங்களுக்கு சிறிது கால அவகாசம் கொடுக்கிறோம்.

ஸ்பெக்ட்ரம் விவகாரத்தில் நடந்துள்ள வரி ஏய்ப்பு தொடர்பான எல்லா தகவல்களையும் முழுமையாக, விரிவாக வரும் 13-ந்தேதி அறிக்கையாக தாக்கல் செய்ய வேண்டும்.

இவ்வாறு நீதிபதிகள் சிங்வி, கங்குலி இருவரும் உத்தரவிட்டனர். அதை வருமான வரித்துறை ஏற்றுக் கொண்டது. ரிலையன்ஸ் தொலை தொடர்பு நிறுவனம், டாடா தொலை தொடர்பு நிறுவனம் இரண்டும் ஸ்பெக்ட்ரம் ஒதுக்கீடு பெற்றது தொடர்பாக சி.பி.ஐ. தொடர்ந்து விசாரணை நடத்தி வருவதாக சுப்ரீம் கோர்ட்டில் தெரிவிக்கப்பட்டது.

இதையடுத்து நீதிபதிகள் கூறுகையில், ஸ்பெக்ட்ரம் விவகாரத்தில் யாருக்கும், அவர் எவ்வளவு உயர்ந்தவராக இருந்தாலும் சரி, சுப்ரீம் கோர்ட்டு பாதுகாப்பு அளிக்காது என்றனர்.

முரளிராஜா · முரளிராஜா Thu May 05, 2011 4:21 pm

இது போன்ற பதிவுகளை பதியும் பொழுது எடுத்த தளத்துக்கு
நன்றி தெரிவித்து பதியுங்கள் பூஜிதா
http://www.maalaimalar.com/2011/05/05152241/2g-specturm-bribe-supreme-cour.html

ஸ்பெக்ட்ரம் விவகாரத்தில் யாரையும் பாதுகாக்க மாட்டோம்: சுப்ரீம் கோர்ட்டு அதிருப்தி;

ஸ்பெக்ட்ரம் விவகாரத்தில் யாரையும் பாதுகாக்க மாட்டோம்: சுப்ரீம் கோர்ட்டு அதிருப்தி;

Re: ஸ்பெக்ட்ரம் விவகாரத்தில் யாரையும் பாதுகாக்க மாட்டோம்: சுப்ரீம் கோர்ட்டு அதிருப்தி;

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக