ஒற்றை மகள்

செய்தாலி · செய்தாலி Thu May 05, 2011 1:23 pm

First topic message reminder :

மனிதர்களை சுமந்து கொண்டு
ஒய்யாரமாய் நிற்கும்
அடுக்கு மாடி கட்டடம்

கட்டடத்தின் இரண்டாம் நிலை
7 ஜி அரைக் கூடம்
கண்ணீருடன் அந்த தம்பதிகள்

மேலும் கீழுமாய் தூக்குயந்திரம்
வேடிக்கை பார்த்தபடி சென்றனர்
பயணித்த சில மனிதர்கள்

மாலை ஐந்து இருக்கும்
நெருப்பை அள்ளி கொட்டியது
அந்த தொலைப்பேசி அழைப்பு

என்னை மன்னித்து விடுங்கள்
காதலனுடன் பதிவுத் திருமணம்
ஒற்றை மகளின் குரல்

விழிகளில் கண்ணீர் ஒழுக
தளர்ந்து விழுந்த அவர்களை
சலனம் செய்தது ஓர் நிகழ்வு

அன்றைய நிகழ்வைத் தேடி
இருபது ஆண்டுகள் பின்னோக்கி
பயணித்தது நினைவுகள்

அன்பும் பண்பாடும் வழியும்
பச்சை மனிதர்கள் வாழும்
ஒரு குக்கிராமம்

ஐயோ இப்படி ஏமாத்திட்டாளே
ஒரு அழுகை சத்தம்
அந்த ஊர்வீதியை நிரப்பியது

வெற்று வீதியில்
சற்றென முளைத்தது
சில உறவுக் கூட்டங்கள்

மீச முறுக்கி நடந்தமனுஷன
தலை குனிய வச்சுட்டாளே
மாரிலடித்துப் புலம்பினாள் பெத்தவள்

ஒத்தப் புள்ளையின்னு
பொத்திப் பொத்தி வளர்த்தது
உறவு அறுத்து போயிடுச்சு

வந்த உறவுகளிடம்
புலம்பிக் கொண்டிருந்தார்
மகளை பறிகொடுத்த தகப்பன்

ஊருக்கு புதுசா வந்த
அந்த அதிகாரியோடு ஓடிட்டாளாம்
கூடி நின்றவர்களில் ஒருவர்

அவள் நல்லா இருக்கமாட்டாள்
சபித்துக் கொண்டிருந்தாள்
பெத்த ஒத்தப் பிள்ளையை

சரி விடுங்க என்னசெய்ய
யாரோ ஒருவரின் குரல்
நினைவுகளை கலைத்தது

உறவறுத்த்ப் போனது ஒத்தமகள்
பெத்த மனசுகளின் வலிகள்
இன்று உணர்கிறார்கள் இவர்கள்

ஊரும் உறவையும் புறந்தள்ளி
முகவரியற்ற ஊரில் தஞ்சம்
பின்னே துரத்தும் விதி

விதைத்ததை கொய்கிறோம்
ஒருவர்கொருவர் முகம்பார்த்தார்கள்
பிழையை உணர்ந்து

balakarthik · balakarthik Thu May 05, 2011 2:17 pm

pgraman wrote:காதலர்கள் (பிள்ளைகள்) பெற்றோரின் ஸ்தானதிலும் (காதலிக்கும் போது)
பெற்றோர்கள் காதலர்களின் (பிள்ளைகளின்) ஸ்தானதிலும் (காதலை எதிர்க்கும் போது) இருந்து பார்த்தால்......பிரச்சினையே .........வராது.....

பிரச்சினை வராது ஆனால் குடும்பத்தில் கண்டிப்பாக குழப்பம் வரும் பரவா இல்லயா அதிர்ச்சி

**பிஜிராமன்** · **பிஜிராமன்** Thu May 05, 2011 2:25 pm

balakarthik wrote:
pgraman wrote:காதலர்கள் (பிள்ளைகள்) பெற்றோரின் ஸ்தானதிலும் (காதலிக்கும் போது)
பெற்றோர்கள் காதலர்களின் (பிள்ளைகளின்) ஸ்தானதிலும் (காதலை எதிர்க்கும் போது) இருந்து பார்த்தால்......பிரச்சினையே .........வராது.....

பிரச்சினை வராது ஆனால் குடும்பத்தில் கண்டிப்பாக குழப்பம் வரும் பரவா இல்லயா

பிரச்சினையின் துவக்கமே குழப்பம் தானே.....கார்த்திக்.......ஷோ பிரச்சினையே வராதுங்ற போது......குழப்பம் வர வாய்பு குறைவு தானே.....

செய்தாலி · செய்தாலி Thu May 05, 2011 2:36 pm

முரளிராஜா wrote:அருமையான கருத்து உங்கள் கவிதையில்
வாழ்த்துகள் செய்தாலி

மிக்க நன்றி தோழரே

செய்தாலி · செய்தாலி Thu May 05, 2011 2:40 pm

pgraman wrote:காதலர்கள் (பிள்ளைகள்) பெற்றோரின் ஸ்தானதிலும் (காதலிக்கும் போது)
பெற்றோர்கள் காதலர்களின் (பிள்ளைகளின்) ஸ்தானதிலும் (காதலை எதிர்க்கும் போது) இருந்து பார்த்தால்......பிரச்சினையே .........வராது.....

கவிதை மற்றும் சொல்லிய விதம் அருமை செய்தாலி

உங்கள் கருத்துக்கு மிக்க நன்றி தோழரே

பூஜிதா · பூஜிதா Thu May 05, 2011 3:22 pm

அருமையான கவிதை மகிழ்ச்சி

செய்தாலி · செய்தாலி Thu May 05, 2011 3:35 pm

பூஜிதா wrote:அருமையான கவிதை

மிக்க நன்றி தோழி

செய்தாலி · செய்தாலி Thu May 05, 2011 8:04 pm

Jiffriya wrote:தான் செய்யும் பொது காதல், தன் பிள்ளைகள் செய்யும் போது தவறு..அழகாக உணர்த்திவிட்டீங்க..அருமையான கவிதை..

கலைவேந்தன் · கலைவேந்தன் Thu May 05, 2011 9:08 pm

முன்னர் இவர்கள் செய்ததும் காதலே அனறித் தவறுதானெனன்..?
இன்று அவர்களின் மகள் செய்ததும் காதலன்றி வேறென்ன..?

காதலித்தல் காதலித்தவனைக் கைப்பிடித்தல் அன்றும் தவறில்லை; இன்றும் தவறில்லையே...

காதலித்தல் என்பது கொடும் வினை போன்றும் அது தவிர்க்கபபடவேண்டும் என்ற நிலையிலும் இருப்பதாக கவிதை வளர்கிறதே..

மன்னிக்கவும் செய்தாலி... கருத்தில் எனக்கு உடன்பாடு இல்லை. கவிதை மூலமாக ஒரு கதை சொல்ல முனைந்தமைக்கு பாராட்டுகள் ..

செய்தாலி · செய்தாலி Sat May 07, 2011 10:29 am

கலைவேந்தன் wrote:முன்னர் இவர்கள் செய்ததும் காதலே அனறித் தவறுதானெனன்..?
இன்று அவர்களின் மகள் செய்ததும் காதலன்றி வேறென்ன..?

காதலித்தல் காதலித்தவனைக் கைப்பிடித்தல் அன்றும் தவறில்லை; இன்றும் தவறில்லையே...

காதலித்தல் என்பது கொடும் வினை போன்றும் அது தவிர்க்கபபடவேண்டும் என்ற நிலையிலும் இருப்பதாக கவிதை வளர்கிறதே..

மன்னிக்கவும் செய்தாலி... கருத்தில் எனக்கு உடன்பாடு இல்லை. கவிதை மூலமாக ஒரு கதை சொல்ல முனைந்தமைக்கு பாராட்டுகள் ..

காதல் தவறு இல்லை
காதலித்தல் தவறு இல்லை
காதலுக்காக பெற்ற உறவுகளை
காதலர்கள் புறம்தள்ளுகையில்
காதல் காதலர்களை புறம்தள்ளுகிறது
இதை உணர்வதில்லை காதலர்கள்

சென்னையில் உண்மையில் நிகழ்ந்ததும் என் கேட்டறிவும் இந்த கரு

மனிதனே நீ மனிதர்களை நேசி இறைவன் சொல்லுகிறான் வேதங்களில்
அன்பின் பல அவதாரங்களில் ஒன்றுதான் இந்த காதல்
காதல் கொடியதில்லை காதலிப்பதும் தீயதில்லை காதலியுங்கள் காதலை

நடந்த நிகழ்வுகளை கொண்டே நான் கிறுக்கல் எழுதுகிறேன்
பொருளிலும் கருத்திலும் பிழை இருந்தால் நான் மனம் வருந்துகிறேன்

நன்றி கலை அண்ணா

Sponsored content · Sponsored content

ஒற்றை மகள்

ஒற்றை மகள்

Re: ஒற்றை மகள்

Re: ஒற்றை மகள்

Re: ஒற்றை மகள்

Re: ஒற்றை மகள்

Re: ஒற்றை மகள்

Re: ஒற்றை மகள்

Re: ஒற்றை மகள்

Re: ஒற்றை மகள்

Re: ஒற்றை மகள்

Re: ஒற்றை மகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக