அமர்நாத் யாத்திரைக்கு இன்டர்நெட் பதிவு

அமர்நாத் குகை கோவிலுக்குச் செல்ல, இன்டர்நெட் மூலமான பதிவு அறிமுகப்படுத்தப்பட்டுள்ளது. வரும் 10ம் தேதி முதல், பதிவு துவங்குகிறது.காஷ்மீர் மாநிலத்தில், அமர்நாத் குகை கோவில் உள்ளது. இங்கு, ஒவ்வொரு ஆண்டும், இயற்கையாக உருவாகும் பனி சிவலிங்கத்தை காண, உலகளவில் இருந்து யாத்திரிகர்கள் வருவது உண்டு. மலை இடுக்கு வழியாக செல்ல வேண்டும் என்பதால், இக்கோவிலுக்கு வரும் யாத்திரிகர்கள் பெயர் பதிவு செய்ய வேண்டியது அவசியம். நடப்பாண்டில், இதற்கான பதிவு வசதியை இன்டர்நெட் வழியாக, அமர்நாத் கோவில் நிர்வாகம் ஏற்பாடு செய்துள்ளது. நடப்பாண்டு யாத்திரை, ஜூன் 29ல் துவங்கி, ஆகஸ்ட் 13ம் தேதி முடிகிறது. தெற்கு காஷ்மீரில், கடல் மட்டத்தில் இருந்து 13,500 அடி உயரத்தில் இக்கோவில் உள்ளது. இக்கோவிலுக்கு, தெற்கு காஷ்மீரில் உள்ள சந்தன்வாரி வழியாகவும், வடக்கு ஸ்ரீநகரில் இருந்து 110 கி.மீட்டர் தொலைவில் உள்ள பல்தால் ரோடு வழியாகவும் வரலாம். இந்த இரண்டு வழிகளிலும், வருவதற்கு நடப்பாண்டில் பக்தர்கள் பதிவு செய்யலாம்.இதுகுறித்து, இக்கோவில் கழக தலைமை செயல் நிர்வாக அதிகாரி ஆர்.கே.கோயல் வெளியிட்டுள்ள அறிக்கையில், "நாட்டில், பல்வேறு வங்கிகளின் 149 கிளைகளில் பதிவு செய்வதற்கான ஏற்பாடுகள் செய்யப்பட்டுள்ளன. முதன் முதலாக, இன்டர்நெட் பதிவு முறையை, கோவில் நிர்வாகம் அறிமுகப்படுத்தி உள்ளது. கோவில் கழகமே, ஒரு லட்ச ரூபாய்க்கான விபத்து காப்பீட்டு ஏற்பாட்டையும் செய்து கொடுக்கிறது என்று தெரிவித்துள்ளார்.கடந்தாண்டு, இக்கோவிலுக்கு, 5 லட்சம் பக்தர்கள் வருகை தந்தனர். நடப்பாண்டில் இந்த எண்ணிக்கை அதிகரிக்கலாம் என்று கூறப்படுகிறது. கடந்தாண்டு, காஷ்மீர் பள்ளத்தாக்கில், பாதுகாப்பு பணியில் ஈடுபட்டிருந்த, பாதுகாப்பு படையினர் மீது, கல் எறிதல் போன்ற சம்பவங்கள் நடந்தன. இதனால், பக்தர்கள் வருகை குறைந்திருந்தது. தற்போது, காஷ்மீர் பள்ளத்தாக்கில் அமைதி நிலவுவதால், பக்தர்கள் எண்ணிக்கை அதிகரிக்கலாம் என்று கூறப்படுகிறது. பல்தால் மற்றும் நன்வான் ஆகிய இடங்களில் உள்ள யாத்திரிகர்களின் முகாம்களை சுத்தம் செய்யும் பணியில், கோவில் நிர்வாகம் ஈடுபட்டுள்ளது. யாத்திரையின் போது, பிளாஸ்டிக் பைகள் மற்றும் அது சார்ந்த பொருட்கள் பயன்படுத்தக் கூடாது என்று பிரசாரம் செய்யப்பட்டு வருகிறது.
tmt

நல்ல செய்தி பகிர்ந்துக் கொண்டதுக்கு நன்றி