சிறந்த நடிகர் விக்ரம்! - அனுஷ்கா

கார்த்திநடராஜன் · 14/03/2011

First topic message reminder :

இந்திய அளவில் சிறந்த நடிகர்களில் ஒருவர் விக்ரம் என்று பாராட்டியுள்ளார் நடிகை அனுஷ்கா.

விஜய் இயக்கும் தெய்வத் திருமகன் படத்தில் அனுஷ்காவும் விக்ரமும் முதல்முறையாக இணைந்து நடித்துள்ளனர்.

இந்தப் படத்தில் விக்ரமின் நடிப்பு குறித்து ரொம்பவே சிலாகிக்கிறார்
அனுஷ்கா. அவர் கூறுகையில், "இந்திய அளவில் சிறந்த நடிகர்களில் ஒருவராக நான்
விக்ரமைப் பார்க்கிறேன்.

ஒரு கேரக்டருக்காக அவர் படும் சிரமங்களை நேரில் பார்த்து பிரமித்தேன். தான்
மட்டுமல்ல, தன்னுடன் நடிப்பவர்களும் ஏனோ தானோவென்று நடிக்கக் கூடாது
என்பதில் தீர்மானமாக உள்ளார் விக்ரம். இது எனக்குப் புதிய அனுபவம். தமிழில்
இதற்கு முன் எனக்கு யாரும் இப்படி நடிக்கணும் என்று கூட சொல்லிக்
கொடுத்ததில்லை.

இந்தப் படம் அவருக்கு பல விருதுகளையும், அங்கீகாரத்தையும் பெற்றுத் தரும்.
இந்தப் படத்தில் எனக்குப் பிடித்த இன்னொரு விஷயம் இசை. மனதைக்
கவர்ந்துவிட்டார் ஜிவி பிரகாஷ்குமார்," என்றார் அனுஷ்கா.
நன்றி
TMT

**ந.கார்த்தி** · **ந.கார்த்தி** Mon 25 Apr 2011 - 20:31

கோ பட விவகாரத்தில் என்னை சிம்பு திட்டினாரா இல்லையா என்பது பற்றி தெரிந்து கொள்ள விரும்பவில்லை, என்றார் நடிகர் ஜீவா.

ஜீவா-பியா-கார்த்திகா நடித்த கோ படம் வெளியாகியுள்ளது. இந்தப் படத்தின் வெற்றியை செய்தியாளர்களுடன் இன்று பகிர்ந்து கொண்டார் ஜீவா. போர் பிரேம்ஸ் திரையரங்கில் நடந்த இந்த சந்திப்பின் போது, "கோ படம் மிகப் பெரிய வெற்றியைப் பெற்றுள்ளது. நான் எதிர்பாராத இடங்களிலிருந்தெல்லாம் எனக்குப் பாராட்டுக்கள் வந்தவண்ணம் உள்ளன.

குறிப்பாக என்னை அத்தனை அழகாகக் காட்டியிருந்தனர் இயக்குநர் கேவி ஆனந்தும் காமிராமேன் ரிச்சர்ட் எம் நாதனும். இந்தப் படத்தைப் பார்த்த என் மனைவியால் அது நான்தானா என்று நம்பவே முடியவில்லை. "இது நீங்கதானா... வேற பொண்ணு யாரையாவது உஷார் பண்ணிடப் போறீங்க. எதுக்கும் இனிமே நான்தான் ஜாக்கிரதையா இருக்கணும் போல" என்று கிண்டலடித்துக் கொண்டே இருக்கிறார்.

அந்த அளவுக்கு படம் எல்லாரையும் கவர்ந்திருக்கிறது. பத்திரிகையுலகில் நானும் ஒருவனாகவே இப்போது உணர்கிறேன்," என்றார்.

அவரை இடைமறித்த நிருபர்கள், 'இந்தப்படம் குறித்து ஃபேஸ்புக்கில் உங்களைத் திட்டி எழுதியிருக்கிறாராமே சிம்பு?' என்றனர்.

அதற்கு பதிலளித்த ஜீவா, "இதெல்லாம் எதுக்கு சார்... நான் அது என்ன விவகாரம் என்று கூட தெரிந்து கொள்ள விரும்பவில்லை", என்றார்.

கோ படத்தில் முதலில் சிம்புதான் நடிப்பதாக இருந்தது. ஆனால் கதை மற்றும் ஹீரோயினை மாற்றச் சொல்லி அவர் வற்புறுத்தியதால், படத்திலிருந்தே அவரை நீக்கிய இயக்குநர் கேவி ஆனந்த், ஜீவாவை வைத்து எடுத்தார்.

சிம்பு - ஜீவா ரசிகர்கள் மோதல்...

படம் வெளியான பிறகு, சிம்புவின் ரசிகர்கள் சிலர் பேஸ்புக், ஆர்குட் போன்ற சமூக நெட்வொர்க் தளங்களில், "நல்ல வேளை இந்தப் படத்தில் சிம்பு நடிக்கவில்லை. அவர் நடிக்க வேண்டிய கதை இல்லை. ஒரு ஹீரோவுக்குரிய ஸ்கோப் இல்லை. நன்றி சிம்பு" என எழுதி வருகின்றனர்.

ஜீவாவின் ரசிகர்களோ, "கோ மாதிரி ஒரு நல்ல படத்தை கெடுக்காமல் விட்ட சிம்புவுக்கு நன்றி" என்று எழுதி வருகின்றனர்.

இதுகுறித்து கருத்து தெரிவித்துள்ள சிம்பு, "ஒரு படத்தில் நடிப்பதும் நடிக்காமல் போவதும் அந்த ஹீரோவின் விருப்பம். அதுகுறித்த ரசிகர்களின் கமெண்ட்களை நான் வரவேற்கிறேன். ஆனால் அது மற்ற ஹீரோக்களைப் புண்படுத்தும் அளவுக்கு இருக்க வேண்டாம் என கேட்டுக் கொள்கிறேன்", என்று கூறியுள்ளார்.
TMT

**ந.கார்த்தி** · **ந.கார்த்தி** Mon 25 Apr 2011 - 20:32

சூர்யா நடிக்கும், '7-ஆம் அறிவு' படத்தில் ஹாலிவுட் நடிகர் ஜானி ட்ரை குயன் வில்லனாக நடிக்கிறார். ஏ.ஆர்.முருகதாஸ் இயக்கத்தில் சூர்யா, ஸ்ருதிஹாசன் நடிக்கும் படம், '7-ஆம் அறிவு'. ரெட்ஜெயண்ட் தயாரிக்கும் இந்தப் படத்தின் ஷூட்டிங் முடிந்துவிட்டது. இதில் ஹாலிவுட் நடிகர் ஜானி ட்ரை குயன் வில்லனாக நடித்துள்ளார். இவர், 'மொங் ஆன் ஃபயர்', 'தி ரிபல்', 'பவர் கிட்ஸ்' உட்பட ஏராளமான ஹாலிவுட் படங்களில் நடித்துள்ளார். தற்காப்பு கலை சண்டைகளில் சிறந்தவரான இவர், 'த பெர்பக்ட் ஸ்லீப்', 'ஸ்பைடர் மேன்' உட்பட ஏராளமான படங்களுக்கு சண்டைக்காட்சிகளும் அமைத்துள்ளார். தமிழ் படத்தில் நடித்தது பற்றி அவர் கூறும்போது, "இந்தப் படத்தில் வில்லனாக நடித்துள்ளேன். சூர்யாவுக்கும் எனக்குமான சண்டைக்காட்சிகள் பிரமிக்க வைக்கும். சூர்யா திறமையான நடிகர். ஒரே ஒரு சண்டைக்காட்சிக்காக நாங்கள் இருவரும் 42 நாட்கள் உழைத்துள்ளோம். இதில் வெளிநாட்டுக்காரனாக நான் நடித்துள்ளதால் தமிழ்ப் பேச வாய்ப்பில்லை. இருந்தாலும் சில தமிழ் வார்த்தைகளை கற்றுள்ளேன்" என்றார். இந்தப் படத்தின் சண்டைக்காட்சிக்காக சூர்யா, சிறப்பு பயிற்சி பெற்றுள்ளார் என்பது குறிப்பிடத்தக்கது. பின்ன...கோலிவுட்டயும் ஒரு கலக்கு கலக்க வேணாமா.....
TMT

**ந.கார்த்தி** · **ந.கார்த்தி** Mon 25 Apr 2011 - 20:33

தெலுங்கில் சுதாகர் ரெட்டி இயக்கத்தில் ரவிதேஜா - ஷாம் நடிப்பில் வெளியான கிக் படம் கிட்டத்தட்ட இந்தியாவையே ஒரு ரவுண்ட் வரும் போலிருக்கிறது.

தெலுங்கில் இந்தப் படம் பெற்ற வெற்றி மற்றும் விறுவிறுப்பான திரைக்கதையில் மயங்கித்தான் தமிழில் தில்லாலங்கிடி என எடுத்தனர். தெலுங்கில் தான் செய்த அதே வேடத்தை தமிழிலும் செய்தார் ஷாம். படம் பரவாயில்லை எனும் அளவுக்கு போனது. அடுத்து கன்னடத்திலும் கிக் என்ற பெயரில் வெளியானது. படம் ஹிட்.

இப்போது இதே கிக் இந்திக்கும் போகிறது. இதில் நடிக்கப் போகிறவர் சல்மான் கான். சமீபத்தில் விசாகப்பட்டினத்தில் ஷாமைச் சந்தித்த சல்மான், கிக் படத்தில் ஷாம் நடிப்பை புகழ்ந்து தள்ளினாராம்.

இந்தப் படத்தை இந்தியில் ரீமேக் செய்யப் போவதாகவும், அதில் கண்டிப்பாக ஷாம் நடிக்க வேண்டும் என்றும் கேட்டுக் கொண்டுள்ளார்.

அதற்கு பதிலளித்த ஷாம், "தெலுங்கு, தமிழ், கன்னடம் என மூன்று மொழிகளும் அந்த வேடத்தை நடித்துவிட்டேன். இப்போது இந்தியிலும் அந்த வாய்ப்பு தொடர்ந்தால் மகிழ்ச்சி", என்று கூறினாராம்.

உடனே சல்மான், 'இந்தியில் உங்கள் ஆரம்பம் இந்தப் படம் மூலம் இருக்கட்டும்' என்று கூற, ஷாம் சந்தோஷத்துடன் கடவுளுக்கு நன்றி சொன்னாராம்!

இப்போதைக்கு ஷாம் தமிழில் துரை இயக்கத்தில் '6' என்ற படத்திலும், தெலுங்கில் 4 படங்களிலும் நடித்து வருகிறார்.
TMT