தினமணி முன்னாள் ஆசிரியர் கஸ்தூரிரங்கன் காலமானார்

**krishnaamma** · **krishnaamma** Wed May 04, 2011 12:23 pm

தினமணியின் முன்னாள் ஆசிரியர் கஸ்தூரிரங்கன் இன்று காலை 6 மணி அளவில்
சென்னை- தனியார் மருத்துவமனையில் காலமானார். கடந்த சில நாட்களாக உடல்நலக்
குறைவால் அவதிப் பட்டு வந்தார். கணையாழி இலக்கிய இதழைத்
தொடங்கி தீவிர இலக்கியச் சுவையோடு நடத்தியவர். 1965ல் புதுதில்லியில்
இருந்து வெளிவந்த ஒரே தமிழ் இதழ் என்ற பெருமையோடு அறிவார்ந்த கட்டுரைகளைத்
தாங்கி வெளிவந்த இதழ். தி. ஜானகிராமன், என்.எஸ். ஜெகந்நாதன், பாலகுமாரன்,
அசோகமித்திரன், இந்திரா பார்த்தசாரதி, சுஜாதா, க. நா. சுப்பிரமணியம்
ஆகியோருடைய படைப்புகள் இந்த இதழில் அதிகம் வெளியாகியிருக்கின்றன. 1933ல்
பிறந்தவர். பத்திரிகையாளராக புதுதில்லியில் தன் வாழ்க்கையைத் தொடங்கினார்.
1961 வரை சுமார் 20 வருட காலம் தி நியூயார்க் டைம்ஸ் பத்திரிகையின்
புதுதில்லி பகுதி நிருபராகப் பணியாற்றினார். பின்னாளில் தினமணி ஆசிரியராகப்
பணியாற்றி ஓய்வு பெற்றார். மகாத்மா காந்தியின் கொள்கைகளில் தீவிரப் பற்று
கொண்டவராகத் திகழ்ந்தவர். காந்தியவாதியான இவர் காந்தி மிஷன் என்ற
அமைப்பையும் தொடங்கி அதில் நிறுவன செயலாளராகவும் திகழ்ந்தார். மேலும் ஊழல்,
பசி, நோய் இவற்றுக்கு எதிரான போராளிகள் அமைப்பு என்ற ஸ்வசித் அமைப்பையும்
தொடங்கி தீவிரமாகப் பணியாற்றியவர். ஆன்மிகம், தியானம் போன்றவற்றில்
ஈடுபாடும் பற்றும் கொண்டவர்.